اقسم بالله ان لو لية حد من اللى فالفيديو ده لاقتل المدرس ده من الضرب

**misoalex** · 25-05-2011 07:43 AM

مهو عشان كده طول عمرنا بنتهان ونسكت
لان الاهانه مزروعه فينا من صغرنا

مين متضربش فى المدرسه وهو صغير

لازم عشان البلد دى تنضف نربى جيل جديد بأسلوب جديد

بره مصر الاطفال بيعيطو لو مراحوش المدرسه يوم من كتر حبهم فى اصدقائهم ومدرستهم
جوه مصر العيال بتعيط عشان متروحش المدرسه ولسه فى ابتدائى وبينطو من على السور والحمامات ما هى الا غرزه للسجاير الفاضيه والمحشيه

بزمتكم ده جيل حيبنى مصر ويطلع محترم حيحترم نفسه ويحترم الناس

**hossam20102010** · 25-05-2011 07:57 AM

المدرس ده يجيبوه هو وحسنى مبارك

واعداااااااااااااااااااام فى ميدان عام عشان يكون عبرة لغيره

**Tarek Gen 2** · 25-05-2011 10:04 AM

المشاركة الأصلية كتبت بواسطة misoalex

مهو عشان كده طول عمرنا بنتهان ونسكت
لان الاهانه مزروعه فينا من صغرنا

مين متضربش فى المدرسه وهو صغير

لازم عشان البلد دى تنضف نربى جيل جديد بأسلوب جديد

بره مصر الاطفال بيعيطو لو مراحوش المدرسه يوم من كتر حبهم فى اصدقائهم ومدرستهم
جوه مصر العيال بتعيط عشان متروحش المدرسه ولسه فى ابتدائى وبينطو من على السور والحمامات ما هى الا غرزه للسجاير الفاضيه والمحشيه

بزمتكم ده جيل حيبنى مصر ويطلع محترم حيحترم نفسه ويحترم الناس

+1111111111111

**Tarek Gen 2** · 25-05-2011 10:05 AM

الغريبة بقى انه بيضرب الولاد بشكل و البنات بشكل تانى خالص واضح انه مفرق بينهم الولاد عادى لكن البنات لازم يتعذبوا

**د.أحمد السعيد** · 25-05-2011 01:39 PM

كان عندنا فى اعدادى ائن زى دا
اول السنه كان بيدخل الفصل و الكل خايف منه .... و اللى بيجاوب غلط ... و الله كان بيضرب بالشلاليت و بايديه على القفا .... و شتايم اقل واحده فيهم يا زبالة على الصبح ....كانه بينتقم فعلا

و الحمد لله كنت شاطر عمره ما فكر يضربنى .... بس كلها شهر و اغلب الفصل راح ياخد عنده درس .... و المشكلة اتحلت !!!!

و سبحان مغير الأحوال .....اتقلب الى كائن آخر لدرجة انه فى آخر السنه معادش عارف يسيطر على الفصل و لا يسكت العيال و بقى قمة السلبية و الهزاءة

العيب على الطفل اللى بينضرب و مش بيشتكى لأهله علشان المدرس يتم توجيهة .... بس المشكلة لما بيكون الاهل بيعاملوا العيال بنفس الطريقة ؟؟؟؟؟

موقف حصل لآلاء بنتى فى الحضانه (هى مش بتحب تردد ورا المدرسة بصوت عالى و المدرسة عارفة كدا و هى شاطرة و الحمد لله)

ففى يوم مامتها بتنيمها بالليل ...فآلاء قالت لمامتها انا مش عايزة أروح الحضانه بكرة ؟؟؟؟؟ وانهمرت فى البكاء
بعد محايلات قالت ان أبله فلانه دخلت الفصل النهارده ( مدرسة جديدة ) و شافت اللى مش بيردد الكلام وراها قامت مدرسة تانية قالت لها رشى ميه فى وش اللى مش بيقولوا علشان يصحصحوا شوية و هذا العمل رغم كونه مش مؤلم و لكنه مؤلم نفسيا لدرجة لا تتخيلوها فى بكاء البنت و هى تحكى لأمها

طبعا تم ابلاغ المشرفين و توقيع الجزاء على الاسلوب الغير تربوى بالمرة

الخلاصة : المشكلة فى السلبية فى حل هذه المشاكل و حجة الاهل ان المدرس عارف مصلحة الطلبة !!

و لو كل واحد اهتم بشكوى اطفاله سوف تتخلص البشرية من امثال هؤلاء الكائنات

**نور القمر** · 25-05-2011 02:03 PM

«المصرى اليوم» تتوصل لـ«المدرس الشرس» صاحب أشهر فيديو تعذيب لـ٢٥ طفلاً بالحضانة

لقطة من الفيديو للمدرس وهو يضرب طفلة صغيرة

كتب سارة نور الدين ٢٥/ ٥/ ٢٠١١

توصلت «المصرى اليوم» إلى المدرس صاحب مقطع الفيديو الشهير بـ«المدرس الشرس»، الذى يتم تداوله بكثافة على مواقع «يوتيوب» و«فيس بوك» و«تويتر»، والذى يظهر فيه أحد الأشخاص وهو يقوم بضرب ٢٥ طفلاً فى إحدى الحضانات بعصا خشبية غليظة على مؤخرة الرأس واليدين والقدمين والركبتين.
واستطاعت الجريدة التوصل إلى أن الشخص الذى يظهر فى الفيديو يدعى مجدى الشاعر، ويعمل موظفاً بمركز شباب كفر الديب، بحسب تأكيد مجدى عبدالوهاب، مدير إدارة الشؤون الاجتماعية بمركز زفتى فى الغربية، وقال: لا أعلم شيئاً عن تجاوزاته التى تناولها الفيديو وسيتم التحقيق فيها على الفور. مضيفاً أن مديرية التضامن الاجتماعى ستقوم بزيارة الحضانة على الفور للتأكد والتحقيق فيما ورد.
وأشار مدير الشؤون الاجتماعية إلى أن أى حضانات تتبع مديرية التضامن الاجتماعى تخضع لرقابتها، مشيراً إلى أن العاملين بها هم من موظفى المديرية.
من جهته، قال مصدر مسؤول فى مكتب الدكتور أحمد جمال الدين موسى، وزير التربية والتعليم، إن الضرب فى المدارس ممنوع ولا يقبل النقاش، وأوضح المصدر أن محاسبة هذا المدرس وغيره تخضع لقانون الإدارة المحلية، وهى من اختصاص مديرية التربية والتعليم بمحافظة الغربية، بينما قال فتحى هراس، مدير التربية والتعليم بالغربية، إن إشراف المديرية يقتصر على مراحل ما بعد الحضانة، ويبدأ من «كى جى ١»، مشيراً إلى أن المديرية لا تختص بهذا الموضوع.
وأشار هراس إلى أن مسؤولية الجريمة التى تم تصويرها فى الفيديو تختص بها مديرية التضامن الاجتماعى بمحافظة الغربية والمراكز التابعة لها، قائلاً: «من الممكن أن يتم فتح فصول الحضانة فى المدارس الحكومية لكنها تظل خاضعة لإدارة الشؤون الاجتماعية التابعة لمديرية التضامن الاجتماعى».

[youtube]http://www.youtube.com/watch?v=GRha_rZZPmw[/youtube]

**heshamzaky** · 25-05-2011 02:08 PM

و الله بقى مسؤلية التضامن وزراة التربية و التعليم تبع الجن الازرق كل دة مش مهم المهم دة الافضل ياخد علقة و يتمد على رجلية أمام العيال الى ضربهم و يتعملو كليب حلو كدة و نذلة بية فى بلدهم

**tarekzein** · 25-05-2011 02:12 PM

ده المفروض يتعلق فى ميدان التحرير

ونجيب كل الأطفال تعمل عليه عملتهم

**tarekzein** · 25-05-2011 02:14 PM

المشاركة الأصلية كتبت بواسطة heshamzaky

و الله بقى مسؤلية التضامن وزراة التربية و التعليم تبع الجن الازرق كل دة مش مهم المهم دة الافضل ياخد علقة و يتمد على رجلية أمام العيال الى ضربهم و يتعملو كليب حلو كدة و نذلة بية فى بلدهم

ده أنت طيب قوى يا هشام بيه

يتمد على رجليه بس

المفروض يكون عبره

**نور القمر** · 25-05-2011 02:14 PM

دي حصة نعذيب دي ولا ايه
لازم يكون عبرة لمن لا يعتبر

الموضوع: اقسم بالله ان لو لية حد من اللى فالفيديو ده لاقتل المدرس ده من الضرب

LinkBack

أدوات الموضوع

عرض

-

-

-

-

-

-

المواضيع المتشابهه

اقسم بالله المصريين يعملو اى حاجة :)

ايه ده !!!! ده احنا راكبين فيسب اقسم بالله

تخيلوا ipod touch 3g 64GB جديد بالسعر ده !!!!!؟؟ مش معقول اقسم بالله

اقسم بالله انا جوايا نار تكفى العالم كله !!!!!هل انا لوحدى

بالله عليكم اللى يعرف يجاوبنى

الكلمات الدلالية لهذا الموضوع

المفضلات

المفضلات

ضوابط المشاركة