الموضوع: احقاقا للحق .. وعشان كل واحد ياخد حقه ..انا لى تجربه جيده مع غبووور

الاخوه الافاضل .. شاهدت الكثير من الناس هنا فى هذا المنتدى وفى منتديات اخرى يهاجمون غبور لسوء المعامله من قبل موظفيه وانخفاض كفاءة الفنيين ..وانا لى تجربه مع غبور جيده سوف اسردها لكم حالا ولكن قبل ان اسردها ارجوا من الناس اللى كانت بتهاجم غبور الا يعتبروا ذلك هجوم عليهم او يعتبرونى انى بغلطهم ولكن للامانه رأيت انه من الواجب على ان نقول ما له وما عليه وهذه هى تجربتى مع غبور باختصار

اشتريت من ثلاثة اشهر فيرنا مانوال فول اوبشن موديل 2011 زيرو
لاحظت انفى صوت زنه او ونه مع الغيار الاول فقط تختفى مع باقى الغيارات
انتظرت لما رحت صيانة الالف سالتهم عليها قالولى هنشوفها وبعدين لما خلصوا لاقتها زى ما هى فسالت قالولى دى زنه عاديه هتروح مع الوقت
مقتنعتش وسالت ميكانيكى مخضرم جدا كان بيصلحلى العربيه القديمه وسمعته الصوت قالى ده فتيس خشن وفيه مشاكل
حجزت صيانه ولما رحت طلبت اقابل مدير الصيانه شخصيا
طلع معايا الراجل وجرب العربيه .. وبعدين بكل ادب واحترام وشياكه قالى العربيه دى هيتغيرلها فتيس
وقالى سعتك هتسيبلنا رقم تليفونك وهنبعت نجيب فتيس من كوريا لاننا معندناش دلوقتى
بصراحه انا قلت بيشتغلنى وبعد ما امشى هيقولى معرفكش
انتظرت
بعد تلات اسابيع بالظبط اول امبارح لاقيت حد بيكلمنى بيقولى اتفضل تعالى تغير لك الفتيس بكل ادب واحترام وشياكه مكنتش مصدقها
رحت لاقيتهم حاجزين فتيس فعلا باسمى والمهندس استقبلنى بكل شياكه بدون ولا كلمه وخد منى العربيه ودخلها الورشه وطلعت اخر اليوم بالفتيس الجديد فتيس ميه ميه وكل الاصوات اللى كانت بتصدر من التفيس راحت مش موجوده فيه .. شكرتهم جدا جدا جدا ومشيت بس كنت مستغرب وبقول نفسى ما الناس محترمين اهوم اومال ليه فى ناس بتشتكى منهم

هذه تجربتى بكل امانه مع غبوور عشان كل واحد ياخد حقه

وشكر ا

المشاركة الأصلية كتبت بواسطة حماده المصري

باشا انا مقدر تجربتك بس اسمحلي يعني

هوه انت لازم يشتغلوك مره ويضحكوا عليك لا العربيه مفيهاش حاجه والزنه دي هتروح

وانت تروح تسال برااااااااااااا وبعدين ترجعلهم عشاااااااااااان تحجز صيااانه تااااني ومدييير الصيانه شخصيينا تقابله ويجرب معاك العربيه عشان يتغير الفتيس

معلش ايه الاحتراام فيه كده دي سياسه غبور بيه افرض انت مسالتش برا وقعدت زي الباشااا تروح كل فتره صيانه العريبه وكل مره يشتغلوك العربيه زي الفل (انا مش بوجه كلامي ليك شخصينا انهم بيضحكوا عليك او يشتغلوك انا قصدي على السياسه بتاعتهم عموما) كنت هتقعد بالفتيس بايز باشاااااا لحد ما الصوت يزيد والفتيس يقف وبعدين تدخل بقى في حواراااااااات معاهم لا ياباشا ده العربيه ماشيه 50 الف مثلا ده انت دغدغت الفتيس ...الخ

يبقى انا اقول على التوكيل محترم لما يضحك عليا ويقولي كله تمام واسال برا وارجعلهم تاني يبقى هو توكيل ليه ؟؟

ولا كان من الاول اي شخص يجرب معايا وحتى لو مش عارف يسال المدير او اي حد تاني؟؟؟؟

انا عايز اقولك عربيتي دخلت هناك 3 مرات وكان فيها تسريب زيت فتيس محدش كان عارف وانا كنت عارف بس بنسى اقولهم عليه وفي الاخر في صيانه قولتلهم وعملوه

ومره كتاوت الانذار والسنتر باز والمهندس عملي فرح هناك وقالي انت جاي بيها كده والحقيقه ده من عندهم ومره قدام عيني في التوكيل ماتركيس لما بتزود بنزين تسمح صوت ونه مرعبه تحس المتور بيتفرك جه المهندس بص عليه قاله مالها العربيه مهي زي الفل اهي بس الواد دكر قفشه من هدومه وحطه جوه الكبوت قاله ده طبيعي وزعقله

ا
اولا اشكرك على كلامك ده
ثانيا انا لى دعوه بالنتيجه وانت لازم تعرف انك فى الاخر فى مصر يعنى مش من اول شخص مشكلتى هتتحل مهما كانت وده متاكد منه لكنى بقول افرض ان الشخص اللى قابلنى فى صيانة الالف كان مش كويس او مش فاهم ده مش زنب التوكيل لان التوكيل مش هيعمل كشف نفسى على الموظفين قبل ما يعينهم ..... انا مش بدافع عن التوكيل ولا بهاجمه لكن انا بناقش وجة نظر