الموضوع: توصيــــف كامل للأوبتــــرا بالصـــور

موضوع رائع من شخص أكثر من رائع ....مبروك التثبيت يا باشا :)

المشاركة الأصلية كتبت بواسطة د.محمود صلاح

انوار الشبورة هتكلف كتير عشان بيغير مفتاح الاشارة اللى خلف الدركسيون وهيركب لمبة فى التابلوه خاصه بها غير ثمن الفانوسين اعتقد هتخش فى حسبة 800 ج على ما اذكر كما قال احد الافاضل فى المنتدى هنا .
استهلاك البنزين على حسب طريقة القيادة فالرجاء استخدام سياسة الريشة - أى وضع قدمك مثل الريشة على دواسة البنزين - وكده هتضمن أقل استهلاك وأنا حطيت لها بنزين 80 مرات عديده دون ان يعطل الانجكشن بتاعها او تسقف , بس خوفونى منه فبطلت أمون منه .
أنا ركبت لها لمبات التفاف - غمازاتلاصقه كلفتنى 10 ج ثمن الغمازين و 4 ج لمبات صفراء اصليه و 10 ج غمازين نفس الشكل احتياطيا و 30 ج اجر تثقيب مكان للغمازات - فلا تحتاج الا لثقب صغير يعمله لك سمكرى كويس عشان يعالج حواف الثقب بالمواد مانعه للصدأ وسبب تركيبى لها هو أن جانب السيارة بالكامل لا يوجد به ما يدل على انك هتلف يمين او شمال , حتى الاشارة فى الفانوس الامامى موجوده فى الداخل وليس من الخارج وكذلك الاشارة فى الفانوس الخلفى , بمعنى انك لو وقفت مواجه لجانب السيارة وشغلت اشارة الالتفاف لن تلاحظها نهائيا مما قد يؤدى لحادث - لا قدر الله - فى الزحام

النقطة دي من أهم أسباب اني خايف أشتري الاوبترا
حتى الان محتار بينها(الاوتوماتيك) وبين الصني السوبر صالون

مش عارف أختار

بس بصراحة.... موضوع أكثر من رائع
وخلاني افكر من جديد في الأوب ترا (على رأي أحمد حلمي)

مهندس / تامر