عاوز اركب خيل فى نزلة السمان

**eng/muhamad** · 25-05-2011 03:59 PM

بسم الله
بعد 5 سنوات من العذاب الجامعى
و بعد 5 سنوات من الحرمان من اشياء كثيره بسبب الوقت و الجامعه
اخيييييييييييييييييييييير ا هخلص امتحانات اخر تيرم ليا فى الجامعه يوم 31\5
و عاوز اخرج انا و اصحابى خروجه جامده و انا نفسى اركب خيل جدا
بقالى كتيييييير معملتهاش و انا اصلا بعشق الخيل
فقررنا نروح نركب خيل فى نزله السمان
اولا عاوز اعرف الطريق هنروح بعربيه من موقف العاشر نمشى ازاى؟؟؟؟؟؟؟؟
ثانيا عاوز اعرف هو لازم اكون عارف حد هناك عشان يظبطلى الدنيا و كده و لا ايه النظام
انا معرفش حد هناك خاااااااااااالص
الاسعار هناك اخبارها ايه؟؟؟؟؟ و فى ايه هناك غير الخيل ممكن نعمله؟
انا نفسى اركب خيل عربى لونه اسوووووووووووووود الاقى و لا النظام هناك ايه
ياريت لو حد يعرف النظام يقولى و يساعدنى عشان نقضى يوم حلو ان شاء الله

**otefa** · 25-05-2011 04:10 PM

هادورلك على رقم أسطبل كويس معرفة بس على الله ألاقي الرقم
وعموما خدلك لفة على الأسطبلات مش مشكلة ونقي ألي على مزاجك
الحصان بيبدأ من 20:30 جنيه وحسب العدد ألي معاك تنزل في السعر
الحصان الكويس حوالي 100 جنيه وأنت وشطرتك بس تكون بتركب كويس وألا مش هايديهوللك ولا 500 علشان ماتأذيش نفسك ومتأذيش الحصان كمان

**heshamzaky** · 25-05-2011 04:33 PM

فية أسطبلات كتير جدا هناك .و كان فية أسطبل أسمة عاصفة الصحراء .
لو ما ركبتش قبل كدة يبقى ملهوش أى لازمة تركب حصان عربى أولا دة غالى و مش بيتأجر كدة الراجل بيأجرة فى الخباثة
الحصان العادى أول ما بتحط رجلك على ال ركاب و بتطلع فوق ظهرة بيحس بيك و بيعرف أنت بتعرف تركب و لا لآ على فكرة الحصان العربى زى الطلقة لازم تبقى متمرس علشان تركبة و لو بدأ جرى لو أنت مش عارف تلجمة و تسيطر علية صدقنى القصى حا تنتهى أنك تقع من فوقة بسهولة جدا و ممكن تتعور جامد
أركب حصان عادى و أجرى بالراحة لغاية ما تتمكن و بعد كدة أجرى زى ما أنت عاوز.
لما تأجر حا تطلع من الاسطبل لغاية مكان أسمة التبة تريح فوق شوية و بعد كدة ترجع .