الموضوع: جراند بونتو 2008 نادرة

المشاركة الأصلية كتبت بواسطة Eslam.Elrefaey

معلش انا هكتب الكلام ده ولو مش صح لو سمحت كذبنى العربية دى راشه لون ابيض بس لونها الاصلى رمادى انا عارف انها مش عاملة حادثه ولا حاجة بس تغير اللون فى حد ذاته بيقلل من سعر العربية ثانيا والعربية كانت بتاعة على اشرف و بعدين اتباعت وبعدين صاحبها الجديد عرضها للبيع تانى مش فاكر اتباعت بكام بس تقريبا 57 الف او القل كمان ومكنتش محتاجة الا انها ترش اكصدام امامى (لو الكلام ده على عربية تانية ياريت توضح )

اولا وقبل ما اكذبك ممكن اسئلك سؤال؟ هوا حضرتك فين شفت جراند بونتو 2008 ايزي ترونك وعليها اضافات وشكمان ديفيل وماشية 57000 بس و تعديلات ب 57000؟

ثانيا: حضرتك لو مش ناوي تشتري لية بتبوظ على غيرك البيع؟

اسمحلي اكدبك بقى: العربية دي وارد ايطاليا وموتورها T Jet لونها الأصلي فيراني كانت مع ظابط جيش وهوا اشتراها ب 800000 من تاجر اقسم بالله معرف اسمو بس هوا من كفر الشيخ واستخدمها شهر وبعدين الظابط استخدمها شهر ونص وباعهالي ب 78000 وانا استخدمتها اقل من شهر بس وعايز ابيع ب نفس السعر وكمان قلت قابل للتفاوض.

اخيرا وزي ما حضرتك قلت العربية مرشوشة من غير حادثة يبقى مافيهاش عيب اساسي وانا ببيع والله العظيم بسبب زنقة فلوس وطبعا كلنا عارف حال البلد والشغل والفلوس

وبعد كلام حضرتك لو كان في حد عايز يشتريها هيفكر مليون مرة

حسبي الله ونعم الوكيل

المشاركة الأصلية كتبت بواسطة eslam.elrefaey

معلش انا هكتب الكلام ده ولو مش صح لو سمحت كذبنى العربية دى راشه لون ابيض بس لونها الاصلى رمادى انا عارف انها مش عاملة حادثه ولا حاجة بس تغير اللون فى حد ذاته بيقلل من سعر العربية ثانيا والعربية كانت بتاعة على اشرف و بعدين اتباعت وبعدين صاحبها الجديد عرضها للبيع تانى مش فاكر اتباعت بكام بس تقريبا 57 الف او القل كمان ومكنتش محتاجة الا انها ترش اكصدام امامى (لو الكلام ده على عربية تانية ياريت توضح )

العربية دي مشمومة فعلا و مغيرة لون و شفتها مرة في الرحاب

المشاركة الأصلية كتبت بواسطة samer_007

اولا وقبل ما اكذبك ممكن اسئلك سؤال؟ هوا حضرتك فين شفت جراند بونتو 2008 ايزي ترونك وعليها اضافات وشكمان ديفيل وماشية 57000 بس و تعديلات ب 57000؟
وكمان فيها عدة صوت صح
ثانيا: حضرتك لو مش ناوي تشتري لية بتبوظ على غيرك البيع؟
على فكره انا كنت هشتريها بالسعر القديم بس حصل ظروف
اسمحلي اكدبك بقى: العربية دي وارد ايطاليا وموتورها T Jet لونها الأصلي فيراني كانت مع ظابط جيش وهوا اشتراها ب 800000 من تاجر اقسم بالله معرف اسمو بس هوا من كفر الشيخ واستخدمها شهر وبعدين الظابط استخدمها شهر ونص وباعهالي ب 78000 وانا استخدمتها اقل من شهر بس وعايز ابيع ب نفس السعر وكمان قلت قابل للتفاوض.
لو العربية T Jet فعلن يبقا انا كذاب بس انا اشك فى كده لانى صديق صاحبها الاولانى خالص على والعربية مصرى مش من ايطاليا ولو حاجة
اخيرا وزي ما حضرتك قلت العربية مرشوشة من غير حادثة يبقى مافيهاش عيب اساسي وانا ببيع والله العظيم بسبب زنقة فلوس وطبعا كلنا عارف حال البلد والشغل والفلوس
ربنا يفك زنقتك ان شاء الله
وبعد كلام حضرتك لو كان في حد عايز يشتريها هيفكر مليون مرة

حسبي الله ونعم الوكيل

احب اقول لحضرتك حاجة واحده بس حضرتك حر تبيعها بالسعر الى انت عايزه انا وضحت بس انها متباعة مش فاكر بالظبط بس اقل من 57 الف كمان ومتأكد ان شاء الله من كلامى ولو لسا مش مصدقنى خد دى بقا
مش صورة العربية ولو مش هيا لتانى مرة يا ريت تكذبنى

ودى كمان

وده رابط الاعلان كمان
Log In | Facebook
وحضرتك انا بعمل كده لان المنتدى ادانى كتير وده اققل حاجة اعملها لما اكون عارف حاجة بقولها

الحمد لله

كدة انا صح

لا العربية مش مصري العربية جاية من ايطاليا والدليل مفتاحها لانو غير شكل المفتاح المصري وللعلم مش انا الي قلت الموضوع والله دة واحد شاف العربية

ثانيا: حضرتك بتسمي سماعتين كنوود سوند سيستم؟؟؟ لا احب اقولك في حاجات تانية هيا الي بيتقال عليها ساوند سيستم

ثالثا العربية الي انت بعت صورتها واخدة خبطتين في الوش وانا والحمد لله برضو العربية معايا مفيهاش عيب اساسي

رابعا: المنتدى الي ادالك كتير معلمكش انك تتحرى ومتبوظش بيع غيرك؟ هوا انتا تعمل ناصح وتضر الناس؟
لما انتا مش ناوي تشتري مشرفني بردودك الساقعة لية؟ هوا في حد قالك العربية مقلوبة ولا جايبة شاسية؟ ولا هيا تدخل وعنترة والسلام.....................على العموم وتاني مرة

وببساطة انا اتحداك قدام كل الي على المنتدى تجيبلي عربية نفس السنة ونفس المواصفات (مش لازم التظبيط الي فيها) ب 60000 بلاش 57000
ولو انتا جامد زي مابتقول انا هعتزرلك قدام كل الي في المنتدى... ليك يومين وانا في انتظار دليلك بعد كدة يا ريت كل واحد يخلية في نفسو

حسبي الله ونعم الوكيل فيك

اما الاستاذ سوني....مشمومة ازاي يعني؟ عربية ماشية في الرحاب وانا ساكن في الرحاب!! اية الي خلاها مشمومة ولا انتا من نفس نوع الاخ السابق؟

المشاركة الأصلية كتبت بواسطة samer_007

الحمد لله

كدة انا صح

لا العربية مش مصري العربية جاية من ايطاليا والدليل مفتاحها لانو غير شكل المفتاح المصري وللعلم مش انا الي قلت الموضوع والله دة واحد شاف العربية

ثانيا: حضرتك بتسمي سماعتين كنوود سوند سيستم؟؟؟ لا احب اقولك في حاجات تانية هيا الي بيتقال عليها ساوند سيستم

ثالثا العربية الي انت بعت صورتها واخدة خبطتين في الوش وانا والحمد لله برضو العربية معايا مفيهاش عيب اساسي

رابعا: المنتدى الي ادالك كتير معلمكش انك تتحرى ومتبوظش بيع غيرك؟ هوا انتا تعمل ناصح وتضر الناس؟
لما انتا مش ناوي تشتري مشرفني بردودك الساقعة لية؟ هوا في حد قالك العربية مقلوبة ولا جايبة شاسية؟ ولا هيا تدخل وعنترة والسلام.....................على العموم وتاني مرة

وببساطة انا اتحداك قدام كل الي على المنتدى تجيبلي عربية نفس السنة ونفس المواصفات (مش لازم التظبيط الي فيها) ب 60000 بلاش 57000
ولو انتا جامد زي مابتقول انا هعتزرلك قدام كل الي في المنتدى... ليك يومين وانا في انتظار دليلك بعد كدة يا ريت كل واحد يخلية في نفسو

حسبي الله ونعم الوكيل فيك

اما الاستاذ سوني....مشمومة ازاي يعني؟ عربية ماشية في الرحاب وانا ساكن في الرحاب!! اية الي خلاها مشمومة ولا انتا من نفس نوع الاخ السابق؟

اولا شكرا على طريقة رد حضرتك الجميلة والحمد لله انا واثق من الى بقوله وبقوله ليه انا كل قصدى من الموضوع اوضح ان العربية متباعة لثالث يد بمبلغ وقدره وانا قولت العربية كانت محتاجة ترش اكصدام امامى فى اول رد وصاحبها انا معرفش الجديد اول لما اشتراها رش الاكصدام بس انا مش هرد عليك تانى علشان انا مش ناقص حسبنه على الفاضى بس هسألك سؤال العربية الى انا حاطط صورتها مش نفس عربيتك مش نفس اللون مش نفس الديفيل مش نفس الجنوط الانجليزى حتى ممكن تكون نفس الرقم انا مقولتش انها عاملة حادثة ولا حاجة بالعكس انا قولت ان صاحبها الاولانى على مغير لونها من الرمادى للابيض علشان الشكل ومش معقول نفس المواصفات الى انا بقولها الى هيا نفس مواصفات عربية حضرتك واكون بتكلم على عربية تانية وللمرة التانية انا مش بشكك فى العربية انا بقول سعرها الى اتباعت بيه بسسسسسسسس مقولتش انها وحشة بالعكس العربية حلوة وعلى فكره العربية 77 حصان مش تيربو العربية مش بالمفتاح حضرتك طيب ماهوا مركبلها عتب انجليزى مش شرط تكون العربية سبيشيال اوردر بقا

مهو ده اللي قصدي بمشمومة
العربية دي كانت عن جو قبل كده و ملعوب فيها كتير و مرضيتش آخدها بال60 الف اصلا و حسيت انه ملعوب في عدادها علشان كده بقول انها مشمومة
العربية دي كانت قدّأمي عاملة 64 الف كيلو فتبقى إزاي معاك دلوقتي و بتقول عاملة 57الف بس؟
حاجة من إتنين : يا انت لاعب فيها يا اللي باعهالك ضاحك عليك و لاعب فيها و لمؤاخذة لبسهالك

لو الحالة التانية يبقى ربنا يعوّض عليك فيها يا معلم و تعيش و تاخد غيرها

يا أستاذ دي ملزوق عليها تي جيت و خلاص الموتور عادي جدا
إذا كان حد إشتغلك فبلاش لو سمحت تحاول تشتغلنا