المشاركة الأصلية كتبت بواسطة gaaz
ليه ياباشا عجيبة ؟
المشاركة الأصلية كتبت بواسطة modo88
ولا عجيبه ولا حاجه الكل بيدور عشان يخلي عربيته احسن عربيه
يعني انت لو دورت مثلا علي ازاي تعمل ليدات وعدسات في الشاهين مثلا مع انها صعبه هانقول عجيب؟
طبعا لا دا حقك تخلي عربيتك احسن عربيه
تحياتي ليك وللجميع
بالنسبة للتعديلات
فيه حاجات وتعديلات فى المعقول
وفيه حاجات مبالغ فيها
وفيه حاجات مؤذيه ليك ولغيرك
ياعنى تعقد تخرم فى الكبوت علشان تبقى مساحه واحده
واليابانيين اللى اخترعوها مفكروش كده ليه
وليه عاملينها بمساحتين ؟؟ مبيفهموش !!!
ده مجرد مثال
أنا عن نفسى مبحبش أغير حاجه بحب الحاجه على طبيعيتها
والحمد لله على نعمه التى لا تعد ولا تحصى
والحمد لله ان ربنا اكرمنى وعندى سيارة بقضى بيها مصالحى
وشوف بيها شغلى
مش اتعايق بيها واتنطط بيها على الناس
عارف لو كانت العربيات بتنزل بمساحه واحده كنت هتلاقى ناس بتموت نفسها ومبتنمش الليالى علشان يعملوها مساحتين وكنت هتسمع اشعار عن مدى فايدة الموضوع ده
عارف فيه مواضيع كتير بشوفها بتفكرنى بالبنت العايقة اللى محتارة تعمل ايه فى نفسها .. يوم تلاقيها بتحط كريمات ولوشن للشمس علشان خايفه ان لون بشرتها يتغير ... ويوم تانى تلاقيها هتموت علشان يبقى لونها برونزى ويوم تالت مش عارف ايه
أنا بشوف عربيات فاخره تلاقى اصحابها كل كام يوم بيعملها بالواكس والبولش علشان تبرق وياسلام على اللمعه ... وشويه تلاقيه اكتشف ان اللمعه ديه حاجه وحشه مفيش احسن من المط وياسلام على المط ويروح يرش أو يلزق إستيكرات
وناس تانيه رايحة تجيب فاميه بآلاف علشان الحرارة والعربية اصلا مكيفة
ياعنى انت قاعد فى عربيه مكيفه
وبتشتكى من الشمس
طيب والناس اللى حواليك فى الشارع يعملوا ايه !!!
ودائما هتلاقى التبريرات اللى بيريح بيها ضميرة جاهزة
وهيبقى شايف انه كده مش مسرف ولا حاجه
ياجماعه احنا فى دولة نامية حرام الإسراف والتبذير ده
لازم نراعى ظروف البلد ونراعى ظروف الغلابة اللى حوالينا
فيه أوجه للإنفاق أهم من كده بكتير
ياريت الناس تتقبل كلامى بصدر رحب
وكل واحد حر فى ماله
بس هتسأل عنه يوم القيامة
حتى ولو كنت طلعت زكاتك وعملت فروض ربنا برده هتسأل عن الباقى
تحياتى واحترامى للجميع
المفضلات