السلام عليكم ورحمه الله وبركاته
موضوع محترم وهادف يا باشمهندس حاتم وبأحييك عليه .
حضرتك أثرت نقطه فى غايه الأهميه وهى المصارحه مع النفس
يمكن كل واحد فينا لو صارح نفسه بحقيقته اللى مستحيل يخبيها عنه شخصيا حتى لو نجح فى التخفى أو التلون عن كل الناس .
يمكن كان كتير من مشاكلنا إتحلت .
طيب هو ليه الخوف من الدين ؟
يمكن علشان الأوامر والنواهى ؟
لأن الإنسان بطبيعته لا يميل للقيود والتعليمات ،
عندة تمرد غريب وعجيب تجاة كل ما هو مقيد لحريته ،
يعنى مفهوم الحريه معناة الإنفلات !
يعنى كل واحد يعمل اللى هو عاوزة !
يعنى كل واحد يعيش بالشكل اللى هو نفسه شايفه إنه مناسب !
دون أى إعتبار لأى دين أو عرف أو حتى قانون !!!!!!!!!!!!!
ليه القانون دايما بالنسبه لنا ملزم ؟
لكن الدين إلزامه بالنسبه لنا مؤجل ؟
يمكن علشان العقوبه فى القانون فوريه ومفيش فيها واسطه !
والعقوبه فى الدين ( بنتصور إنها مؤجله أو مش موجودة أو ربنا هيسامحنا )
طيب إحنا عملنا إيه علشان ربنا يسامحنا ؟
عملنا إيه علشان ربنا يرحمنا ؟
ثقه غريبه وعجيبه فى رحمه ربنا للبشر ، طيب من باب أولى تكون ثقه على طاعه مش ثقه على معصيه .
يعنى أكون عندى ثقه فى رحمه ربنا وأنا فى طاعه لله عز وجل وليس العكس .
بإختصار .....
كل واحد فينا يراعى الله فى قوله وفعله
مش كل حاجه حلوة فى الحرام والمعصيه
التدين مش معناة إنك تكون متزمت ومعقد ومنغلق
والتحضر مش معناة الإنفلات والتبجح
ديننا ينهى عن الفحشاء والمنكر ويحض على العفه والطهارة والنظام والإلتزام
الدين مش بعبع
الدين مش خنقه
والتدين مش عار
والحريه مش إنفلات
الحريه الإلتزام بأوامر الله ونواهيه
الحريه الإلتزام بقوانين وأعراف المكان الذى نعيش فيه
الحريه أن نحترم أنفسنا
تقبلوا تحياتى .