بالظبط البطاريه بتطلع فولت 12 وأمبير عالى
انا جربت اوصل طلمبه بنزين علي باور سبلاي كمبيوتر ......الباور سبلاي كان بيفصل بسبب ان الطلمبه بتسحب أمبير عالي منه
عرض للطباعة
بص يا فادى باشا المشكلة بسيطة الاراضى بتاع الكلس محتاج تقوية وده حصل معاياى لدرجة انى غيرت الكلكس وجبت ميكسو فرنساوى عمل 90 جنية ومفيش فايدة لما زودت الارضى بسلكة من جسم العربية على الطرف الارضى فى فيشة الكلكس لونه بنى كله بقى تمام
الارضى فى عربتنا اللون البنى دايمآ فى اى جزء من دفيرة الكهرباء عمومآ
للتأكد بس على الاسلاك اللى راكبة ومربوطة بصواميل تحت البلاستكة السودا على فخدة العربية جنب دراع مساعد الكبوت اعلى البطارية سوف تجد 5 أو 6 أطراف كل دول اراضى للعربية كلها للموتور والابواب ونور الخلف وامام وكمان للكنترول وكلهم باللون البنى شوف وتأكد وقولى عملت ايه
المشكله بتظهر فقط مع الكلاكس الاصلى ..
والدى كان معاه فيكترا 95 و 98 و 2001 و كلهم نفس المشكله
بعيدا عن ضعف الكهرباء ...لما الكلاكس بيخنف ..بيكون فى حراره عاليه جمبه ..
بالظبط ..
المشكله مشكله حراره ..مش كهرباء ..
والدليل ان الكلاكس مش بيخنف اول ما تشغل التكييف ..(لو فرضا الجو كويس مش حر)
والعيب ده انا عاصرته بنفسى فى الاسترا ..واخر ما زهقت جبت كلاكس تانى ..الكهربائى قالى هات كلاكس "طاط" ههههه
لا يا معلم ... مش كده... إنت فاهم صح... الكاتاويت يدخلها 12 تطلع 12 ... الريلاي زي مايدخله زي ماهيخرج منه ... العربية فيها كاتاويت واحد بس بعد الدينامو ... أما اللي بيتقال عليهم كاتاويت دول .. بيبقوا أصلا ريلاي ... هديلك مثال ... زرار النور عندك في العربية .. لما تشغله ... هو فتح الكاتويت .. اعتبر الكاتاوت هنا مفتاح تاني بيشتغل بالكهربة .. لما يوصله كهربة يشتغل لما مايوصلوش ميشتغلش ... فـإنت بـتفتح زرار النور ... بتقول للمفتاح اللي بعدك افتح الدايرة (المفتاح ده اللي هو الكاتاويت) ... وده بقى فعليا اللي بيوصل الكهربا للفوانيس ... يعني نظريا ... المفتاح اللي عندك جوه ده مش بيمشي فيه أي كهربا للفوانيس ... إنما كل وظيفته إنه بيفتح الكتاوت أو بيقفلها ... وليه بنستخدمه ممكن أبقى أكتبها فيموضوع لوحدها عشان ده كتير قوي ... أما حتة إن شحن البطارية بيبقى 12 بس بـامبير علي ... فـأنا مش مقتنع قوي ... هو المفروض إن مبدأ شحن أي بطارية يبقى أعلى من اللي البطارية بتديه !!! ولما فعلا بعمل قياس للشحن عند أي حد بيطلع حوالي 13 فولت .. هو بيبقى أمبير علي آه.. بس لازم الفولت برده