الموضوع ده عندي انا بس ولا بتحسوا بيه؟؟؟

**فادى محمد** · 26-05-2011 04:00 PM

السلام عليكم ورحمه الله وبركاته.
لما مروحه التبريد بتشتغل او اكون مشغل التكييف بلاحظ ان الكلاكس صوته (بيخنف) انا مركب الكلاكس الاصلي بتاعها الاسباني انما من غير تكييف او مراوح شغاله الكلاكس صوته زي الفل !! مش عارف ايه رايكم لو استبعدنا اي عيب في الكلاكس ممكن تكون المشكله فين الارضي ضعيف ولا شحن الدينامو قليل ولا ده طبيعي ؟؟ ولو كان ده طبيعي اعمل للكلاكس كتاوت بلدي كمان علي التوالي غير اللي موجود في العلبه؟ ومشكورين مقدما.

**فادى محمد** · 26-05-2011 05:13 PM

مع الشكر ياباشمهندس خالد بس هو المفروض يبقي شحن الدينامو قيمه ثابته مع الدواره ومع تشغيل التكييف؟ والقيمه دي كام فولت؟

**ashrafnoby** · 26-05-2011 05:20 PM

كلام المهندس خالد كلام علمى رائع ممتاز وشكرا على المعلومه القيمه

الاخ فادى انا متهيالى ان القيمه مكتوبه على الدينامو انا عندى مكتوب على الدينامو 120 وهو المفروض ان الدينمو يخرج قيمه ثابته

**KhaledMoawad** · 26-05-2011 06:23 PM

المشاركة الأصلية كتبت بواسطة ashrafnoby

كلام المهندس خالد كلام علمى رائع ممتاز وشكرا على المعلومه القيمه

الاخ فادى انا متهيالى ان القيمه مكتوبه على الدينامو انا عندى مكتوب على الدينامو 120 وهو المفروض ان الدينمو يخرج قيمه ثابته

شكرا جدا ليك ده من ذوقك ... ال 120 دي مش هي اللي بـتتقري على جهاز الشحن .. ودي صعب قياسها إلا بـ أفو (avometer) .. ومش مهمة قوي .. هو المهم اللي داخل عالبطارية كام بظبط .. وهو اعتقد حسب ما أنا فاكر لازم يبقى بالكتير 14 بس مش متأكد .. اللي متأكد منه إنه لازم لا يقل عن 12.5 فولت .. لإن البطارية بيطلع منها 12 فولت ... فـلو دخَل 12 أو اقل فـكده البطارية مش بـتشحن أصلا وده استبعده تماما في حالة أستاذ فادي .. لإن كان زمان البطارية ماتت من زمان ... هو هتلاقيها بيطلع 13 فولت في العادي .. ومع التكييف هتقل بالكتير تبقى 12.5 فـالكهربة بتقل

أما بالنسبة لل 120 اللي مكتوبة عالدينامو ... فـده بيعدي على الكاتاويت الأول (وعلى فكرة .. هو ده علميا هو الكاتاويت الوحيد في العربية... اللي بيتقال عليهم كاتاويت دول اسمهم العلمي ريلاي -Relay) .. ومسئوليته إنه ال 120 اللي طالعين دول يطلعوا منه 13 أو 14 بالكتير .. والدينامو مش بيطلع قيمة ثابتة .. ده حسب عدد لفات الموتور و120 ده القيمة القصوى .. وغالبا لو بعد قياس شحن البطارية لقاها اقل من 12.5 بتبقى المشكلة في الكاتاويت مش الدينامو بـنسبة عالية يعني

**bedo13** · 27-05-2011 05:43 AM

شحن الدينامو ١٣:١٤ مع التكيف بيقل حاجةبسيطة قوي ١٢.٧ لو كان ١٣ مثلا
المشكلة دي غالبا ارضي ضعيف بتاع البودي او غير كابلات الكلكس

**GhostFace** · 27-05-2011 06:24 AM

المشاركة الأصلية كتبت بواسطة hellboy

السلام عليكم ورحمه الله وبركاته.
لما مروحه التبريد بتشتغل او اكون مشغل التكييف بلاحظ ان الكلاكس صوته (بيخنف) انا مركب الكلاكس الاصلي بتاعها الاسباني انما من غير تكييف او مراوح شغاله الكلاكس صوته زي الفل !! مش عارف ايه رايكم لو استبعدنا اي عيب في الكلاكس ممكن تكون المشكله فين الارضي ضعيف ولا شحن الدينامو قليل ولا ده طبيعي ؟؟ ولو كان ده طبيعي اعمل للكلاكس كتاوت بلدي كمان علي التوالي غير اللي موجود في العلبه؟ ومشكورين مقدما.

انا كان عندى مشكلة مشابهة زى ديه فى الكورسا و كنت فاكر انها مشكلة فى الكهربا و برضو كان عندى الكلاكس الاصلى روحت لكهربائى كويس قالى الكلاكس ده بايظ روحت جبت كلاكس جديد بس مش اوريجنال كان اسمه mixo و اشتغل زى الفل
روح لكهربائى خليه يبصلك على الكلاكس يمكن يكون بايظ زى بتاعى

**caboo_1** · 27-05-2011 10:56 AM

على حد علمى تصحيح معلومة بس
شحن البطارية بيكون 12 فولت بس تيار كهربى عالى عشان يتغلب على الكونسيومد ريسستانس الموجودة فى البطارية
يتغلب على المقامة العالية فى البطارية
اما الريلاى ما هو الا سويتش كهربى
حبيت اوضح بس عشان نتكلم صح

**thug** · 27-05-2011 06:24 PM

الله ينور يا هندسه والله منكم نستفيد .....ماشاء الله عالدماغ
بس انا مش فاهم حته الكتاوت دي او (الريلاي ) ازاى يدخله 120 فولت يطلع 13 !!!!
هو انا لسه متخرجتش بس اللى اعرفه ان الريلاي ده نقط غلق وفتح NOrmal open & close والفولت اللى داخله هو الفولت اللى خارج منه
دخله 12 يطلع 12 دخله 24 يطلع 24 ....ولا انا بتكلم غلط ؟

-

-

الموضوع: الموضوع ده عندي انا بس ولا بتحسوا بيه؟؟؟

LinkBack

أدوات الموضوع

عرض

الموضوع ده عندي انا بس ولا بتحسوا بيه؟؟؟ - انشر الموضوع فى :

-

-

-

-

-

المواضيع المتشابهه

أسف لو الموضوع مؤلم بس اللى عنده مدفن فى السيدة نفيسة ياريت يقرأ الموضوع

الموضوع مش بسيط . الموضوع خطير جدا جدا .. لأزم كلنا نعرفه و نفهمه علشان نواجهه

الكلمات الدلالية لهذا الموضوع

المفضلات

المفضلات

ضوابط المشاركة