طيب انا هفضل اقول عدس لغايه امتى :d :d :d
عرض للطباعة
طيب انا هفضل اقول عدس لغايه امتى :d :d :d
ايه يا جماعة عدس ايه بس جوعتوني
يا كيمو باشا العربيات ديه حلوه جدا مقارنة بسعرها ولو حضرتك دورت مش هتلاقي ان اللانوس احلى عربية في الفئة السعرية ديه والى بيحصل ده من اعطال وخلافه انا متهيألى انها مسأله نصيب
يعني مثلا انا قعدت اكتر من شهرين بدور على عربية لانوس نضيفة وفى الأخر لاقيت الى معايا ديه وحسيت فعلا ان العربية جديده لأن معظم خوارجها مرشتش وصالونها كله فابريقة وكمان 99% من اللانوس الى في السوق مخبوطه من الشنب ديه الوحيده الى لاقيتها مش ملموسه
المهم ركبت وكشفت وجربت وكله تمام والعربية تحفه وبعد ما خلصت فيها وقعدت معايا شويه ابتديت اكتش شويه حاجات واولها موضوع انها كانت اوتوماتيك واتقلبت مانول والى استفدته من ده كله انك استحاله استحالة تلاقي عربية مستعمله ميطلعلكش فيها عفاريت مهما كانت نضيفة وسليمة لازم بعد ما تربها يطلعلك قرد فيها إلا لو كنت واخدها من واحد تعرفه والعربية متربية قدامك زي ما بيقولو
المهم بقى رغم كل الى ممكن يكون في العربية والى كمان ممكن يكون انا معرفوش بس برده انا بحترم العربية ديه جدا جدا جدا جدا وده رايى الشخصي وممكن ناس تعارضني بس عن تجربة
أستاذ lordbegad ,,
ممكن لو فيها رزالة أعرف انت معاك عربية إيه ,
و هل كانت معاك اللانوس قبل كده ,
و إيه تجاربك معاها علشان تقول انها عربية أي كلام ,
دا مش تعصب لأني معايا العربية دي ,
لكن انا عايز أفهم مصدر كلامك إيه ,
يمكن يكون فيه حاجة تفيدنا ,
ودي أهم حاجة في المنتدي إنك تفيد و تستفيد ,
سواء على مستوى السيارات أو على المستوى الشخصي ,
لأن المنتدى ما شاء الله كله ناس محترمة.
ليس مزايدة على اللانوس لكن بجد ان مستريح جدا لانى عندى عربية لانوس رغم انى بواجه بعض الاحيان مشاكل غريبة ، لكنها لا تتعدى مشاكل سيارة حديثة يتم استهلاكها بمعدل عالى يوميا فى بيئة قاسية زى البيئة المصرية ( اكيد طبعا مش زى البيئة الخليجية القاسية جدا جدا )
يعنى لو خيرونى اشتريى ايه فى الفئة السعرية نفسها تانى حختار لانوس
لحد لما تقرا شويتين فى القسم هنا و تشوف تجارب الناس الفعلية و المشاكل اللى بتقابلهم شكلها ايه
يكفى ان صديقى ناصر من حوالى سنة كان بيعمل صيانة لعربية لانوس عاملة اكتر من 900 الف كيلو و صديقى ادم عمل بموتورة ال1500 حوالى نص مليون كيلو من ضمنهم شوية حلوين بالتربو
اعتقد كمان لما يبقى فيه اكتر من 100 الف عربية دايو فى مصر و لحد النهاردة لسة بتنزل زيرو و عليها طلب جامد سواء جديد او مستعمل يبقى دة انعكاس لجودة صناعة و قوة تحمل و قلة مصاريف الصيانة... و اعتقد الحاجات دى عارفها اى حد عندة دايو
و مش عشان واحد عندة مشكلة يبقى العربية وحشة... انت عايز تقول مثلا ان شركة مرسيدس او BMW معندهمش مراكز صيانة ولا بيبيعوا قطع غيار؟؟؟ طبعا لا لان اى عربية فى الدنيا بتبوظ مع الاستخدام و بتحتاج صيانة و قطع غيار... الفكرة بتحتاج صيانة كل اد ايه و بكام... الحمد لله فى عربية والدى اكبر شغل اتعمل كان تغيير جوان وش سلندر و 4 مساعدين بعد شغل 130 الف كيلو
MMamdouh
يا باشا ما تقولش عدس كتير عشان العدس غلى اليومين دول
انا عايز اعرف ايه هوا الشنب دة و ليه معظم العربيات بتتخبط فيه زاى مالاستاذ شريف قال
الشنب هو الجزء اللى بيبقى بين الرفرفين و راكب عليه قفل الكابوت و الكلاكس
لو الشنب دة مخبوط يبقى العربية كانت واخدة خبطة من قدام و ممكن تكون مغيرة كابوت
MMamdouh
شِكرا يا محمد باشا انا شوفت الفيديو بتاع عربيتك على you tube اول مرة اشوفه النهاردة و انتا عمال تكبس :)
بس انا مش عارف ليه انتا خليت الاضائة صفرا؟؟