حاجه غريبة حصلت في عربيتى اللانوس
السلام عليكم
امبارح كنت مسافر بور سعيد وخرجت من مصر الساعة 4.5 يعني فى عز النار الجو كان فعلا صعب
المهم انا دايما بلاحظ ان مؤشر الحرارة بتاع العربية ثابت زي الصنم مبيتحركش
المهم خرجت من شغلى في العتبة في اتجاه شارع الأزهر والحسين وصلاح سالم وكل ده والعربية تمام
المهم جيت في اول طريق السماعيلية الصحراوي واخدت الحته الى عند موقف العاشر (واقفة) على الأول واخدت فيها حوالى نص ساعة وفجاه لاقيت موتور العربية ملخبط وعمال ينتش اكنه بيقطع بنزين
وشويه واتظبط وشويه كمان ورجع تاني ملخبط وبدوس بنزين ومفيش استجابه خالص وراح مبطل وكل ما ادور يدور ويروح ملخبط ومبطل المهم كنت في شمال الطريق قمت نازل وفاتح الكبوت ملقتش اي حاجه رحت فاتح الكونتاكت لاقيت المراوح اشتغلت سبتها شويه فضلت دايره على طول مبطلتش استنيت عليها ربع ساعة ودورت لاقيتها اتظبطت وسافرت بيها بعد كده معملتش معايا اي قلة ياترى ده ممكن يكون ايه معلش طولت عليكو