نيسان صنى 2007 ولا لانسر 2007

**amtaha2** · 26-05-2011 07:02 PM

محتار نيسان صنى اوتوماتيك مستعمل 2007 ولا لانسر 2007 اوتوماتيك مستعمل لأن اللى ملاحظه ان مفيش حد مجتمع على عربيه؟ ولا بنفس الرينج ده أجيب لاونس أو لوجان زيرو؟؟؟
ولو مستعمل أفضل ايه السعر العادل للعربيتين نيسان صنى اوتوماتيك مستعمل 2007 ولا لانسر 2007 اوتوماتيك مستعمل؟
ومين أفضل من الاخر انا عايز القول الفصل فى نيسان صنى اوتوماتيك مستعمل 2007 ولانسر 2007 اوتوماتيك مستعمل؟
أرجو الاهتمام من اخوانى أعضاء المنتدى

**M.FOUAD** · 26-05-2011 07:42 PM

دور في الانسر احسن بس ياريت لو 1600 تبقى جميلة جدا لو 1300 هاتها مانيوال
سعر الصني ارخص يعني ممكن تجيبها اوتو في حدود 65-66 الف اما الانسر لو 1300 هتعمل 69 و لو 1600 كلاسيك تعمل 73-74 لو عربيات كلها فابريقة برة و جوة

**amtaha2** · 26-05-2011 10:57 PM

استاذ فؤاد شكرا ليك حضرتك بتوصى بلانسر بس للأسف أنا اللى معروض علي حاليا صنى 2007 أوتوماتيك فابريقه بره وجوه على 65000 هل أخلص فيها أفضل ولا بلاش الصنى خالص لأن فى ناس قالولى انها عربيه فاشله والمهم بدون ابداء أى اسباب فبجد مش عارف ايه عيوب الصنى دى وايه مميزاتها؟؟
فين مشاركات الاخوه الاعضاء

**WalidAdel** · 26-05-2011 11:08 PM

اصل حضرتك داخل قسم النيسان و بتقول انها عربيه فاشله طيب اللي قالك كده ماقالش ليييه فاشله ياباشا ولا هيا فاشله كده و خلاص
عموما عموما خاليك في اللانسر احسن لان الصني عربيه فاشله فعلا

**SonaSteel** · 27-05-2011 09:49 AM

بص الفرق بين العربيتن هايبقي في ايه
اللانسر بياعه اوووي فممكن تكون اتباعت اكتر من مرة وماشيه كيلومترات كتير وسعرها اغلي من الصني نفس موديل السنه وكيلومترتها ممكن تكون اقل الثلثين ولا حاجة ومش متهانة ..... ديه اول حاجة
ثانيا ... عفشة وقطع غيار الصني معمرة جدااااا ماشاء الله عن اللانسر ... وديه بشهادة مالكي اخد اكبر محل قطع غيار في جسر السويس للياباني
ثالثا .. التوكيل ... وبفضل الله مفيش توكيل ژي توكيلات نيسان ومراكژ صيانتها اللي كل يوم بتحسن من نفسها
اخير الانتشار ... مفيش شك ان اللانسر منتشرة جدا ودلوقتي الصني في مرحلة انتشار رهيبة ماشاء ولو فاشله مكانش الحجز عليها بقي بالشهور
ماشاء الله عربيه موتورها و فتيس ياباني... عزمهم مشفتش زيه ماشاء الله وعفشة تستحمل علطرق الحرير بتاعه مصر
انت انزل شوف العربيتين لي الطبيعه ... وانت اللي هاتقرر
ومتنساش الاستخارة
اقعد بالعافية

**ramy01011** · 27-05-2011 10:54 AM

الانسر لو 1300 متفكرش فيها نهائي
لو يهمك اعادة البيع او لو هتبيع بعد فترة قريبة هات لك لانسر 1600

**amtaha2** · 27-05-2011 11:36 AM

جزاكم الله خير على بركة الله يبأه نيسان صنى بس يا ريت لو أى أخ تانى عنده مشاركه سواء بيعيب أو ميزه فى صنى 2007 اوتوماتيك بالذات لا يبخل علينا بيه والله الموفق والمستعان ههههه

**M.FOUAD** · 27-05-2011 03:04 PM

المشاركة الأصلية كتبت بواسطة sonasteel

بص الفرق بين العربيتن هايبقي في ايه
اللانسر بياعه اوووي فممكن تكون اتباعت اكتر من مرة وماشيه كيلومترات كتير وسعرها اغلي من الصني نفس موديل السنه وكيلومترتها ممكن تكون اقل الثلثين ولا حاجة ومش متهانة ..... ديه اول حاجة
ثانيا ... عفشة وقطع غيار الصني معمرة جدااااا ماشاء الله عن اللانسر ... وديه بشهادة مالكي اخد اكبر محل قطع غيار في جسر السويس للياباني
ثالثا .. التوكيل ... وبفضل الله مفيش توكيل ژي توكيلات نيسان ومراكژ صيانتها اللي كل يوم بتحسن من نفسها
اخير الانتشار ... مفيش شك ان اللانسر منتشرة جدا ودلوقتي الصني في مرحلة انتشار رهيبة ماشاء ولو فاشله مكانش الحجز عليها بقي بالشهور
ماشاء الله عربيه موتورها و فتيس ياباني... عزمهم مشفتش زيه ماشاء الله وعفشة تستحمل علطرق الحرير بتاعه مصر
انت انزل شوف العربيتين لي الطبيعه ... وانت اللي هاتقرر
ومتنساش الاستخارة
اقعد بالعافية

معاك في اللي قلتة بس معترض على العفشة و قطع الغيار الانسر احسن بكثير جدا عن الصني في العفشة و دة عن تجربة
فية نقط بقى لصالح الانسر العربية تقفيل ياباني بالكامل مفيش اي عيوب للتقفيل المصري زي الصني خاصة ان فرق السعر مش كبير اوي فاحسن اجيب الانسر
الشكل دة ازواق بس شكل الانسر اشيك من و جهة نظري هو و التابلوة
على فكرة احنا عندنا صني بس شايف ان الانسر لو 1600 تبقى احسن بكثير بردة