المشاركة الأصلية كتبت بواسطة ahmed.tv
بص يا بيشو .. ثقتك اتهزت فى موردرن عشان موضوع الحساب
أحمد حساب ايه اللي انا اعمله مشكلة اصلا ... لأ طبعا انا يا احمد كان في جيبي 2000 جنيه و لو كان مزاجي متخنأش من الصبح كنت ركبت حاجات جديدة من هناك لكن للاسف قفلوني من الصبح
انا اتدايق لما يبقي مركز معتمد من قبل نيسان و مش بيهتم بعربيتي اد ما بيهتم بالفلوس بالطريقة ديه
, الناس حتفهم ان الصيانة مش مظبوطة ,, وانا عارف انك وضحت فى اول الموضوع ,بس فى ناس بتمسك ببعض الكلام
احمد اقرأ اللي انا كتبته و ركز عشان فعلا الصيانة مش مظبوطة و اللي انا كتبته فقط لحفظ ماء الوجه و اللي انا كتبته اهو "فبكده اصبح مصنعية النقطه رقم "1" بتاعة المساعدين 50 جنيه لأنهم بيفكوهم و بيشوفوا فيهم ايه و فعلا المهندس قال انهم كانوا محتاجين صنفرة في مكان معين عشان الاستهلاك و فعلا المساعدين بقوا افضل كتير
"
كتبت بقوا افضل كتير انما المشكلة مازالت موجودة حتي الآن و قرفان من العربية و انا راجع
محمد علاء , الراجل راح السبع ومشاكله متحلتش ابدا , الا لما راح وعمل حاجته فى موردن , وبردوا اللى انت طلبته وعملته فى الصيانة , اتعمل والحمد لله ان المشاكل اللى كانت موجودة فى العربية اتحلت
وانا كان ليه مشكلة قبل ما اعرفهم واتحلت بعد ما لفيت على كل مراكز الخدمة وهما اللى عرفوا وحلوهالى
قولت لي ان اللي حللك المشكلة اللي عندك مودرن الدقي مش مودرن ابورواش
انت بس شايل من المهندس اللى متعملش معاك كويس , وانا لولا الشمس وانى لفيت حوالين نفسى , كنت دخلت اشتكيته
لان شاب صغير , واستقباله مكنش كويس , عن محمد حسن الراجل الكبير اللى عنده خبره فى التعامل مع الناس ,
وطارق ده انا بقالى فترة صغيرة لسه شايفه فالسه جديد .. وده قدم فيه شكوة شخصية
طبعا هقدم فيه شكوة في مركز نيسان لأن بصراحة هو زي ما يكون حافظ و خلاص .. مفيش طريقة في التعامل افضل مع العميل
فى ناس بتروح السبع وبتشوف العربية بردوا وبتطلع العربية ناقص فيها حاجات كتير اوى مش بتتعمل , وبردوا لو انت مكنش ليك معرفة فى السبع مكنش حد حيهتم ,, ودى طبعا مشكلة على كل المراكز , ان لازم يكون فى معرفة عشان تظبطلك امورك
ومش فى مجال السيارات بس , ده فى كل حاجة فى البلد
بس على فكرة مش عشان عرفتكم على استاذ عبد الجواد مع انه مالوش دعوة ولا شغلته الصيانة , الا اى حد بيطلبه فى خدمة مش بيتاخر ابدا , وفعلا انسان محترم جداااااا
الاستاذ عبدالجواد لو شفت طريقته المحترمة في الكلام و في انه يفهمك بالراحة و علي فكرة انا تقبلت منه الكلام جدا جدا علي شدة احترامه و لما قالي هتدفع كذا و كذا عشان ده و ده .. متكلمتش معاه .. عارفين ليه لأن بيخلي الواحد من طريقة كلامه انه يوافقه في كل اللي بيقوله
يعني الموضوع مش موضوع حساب
وزى ما قولتلك وانت عضو فى النايل ومش غريب شوف كمية الشكاوى اللى طلعت من السبع الفترة الاخيرة قد ايه
مش دفاعا عن حد هنا او هنا ,, ولكن فى حاجات بصراحة انا شوفتها بعينى واتعملت مع ناس مثلا فى موردن , فى ماوقف كتير
خالتنى اتمسك فيهم ,, كفاية مشكلتى بتاعت عربيتى التيدا , اللى هما الوحيدين اللى عرفوا حلها بعد ما روحت السبع
والاسبوع الجى بعد 5 شهور انتظار , حروح احلها
وكمان يوم الصيانة المرة اللى فاتت عربية احمد فواد اتغلست , وطلع جربها مع مهندس , ورجع تانى واتغلست ,, يعنى فى حاجات ذوق بيكونوا فيها ,
انت فى مصر , مش كل حاجة حتاخدها مظبوطة , ووارد انى انا كمان افتح مركز صيانة , واكيد فى وقت حيصلح عليه غلطة , المهم اخد مصلحتى كل مرة على خير , والغلطة اللى اتعملت معاك فى الحساب ,
راجع اللي انا كتبته فوق
هى دى اللى عندك حق فيها , بصراحة الواحد مش عارف ايه اللى بيحاسب عليه وايه اللى لا , لان كل مركز خدمة وشغال بسياسة وبدماغه , وهلى هوى المعرفة , اذا كان عارفك او عارفنى وهكذا
هما ليهم سياتهم , ومفروض انهم يمشوا بسياسة نيسان فعلا , بس ممكن فى اعتقادهم لو اى حد جه وقال ان فى عنده مشكلة وكشفوا ومش لاقوا حاجة عندهم , حيعملوا ايه وقتها , فبيقولوا حتدفع تمن مصنعة على الفاضى , وعشان كدا بيقولوا للعملاء ادخل بند صيانة ال5000 يعنى عشان كدا
وخالى بالك لو روحت السبع ومعرفش حد وقولتله نظف الحساسات وانفع الفلتر بتاع الهوا وهو مش مفروض يعمله حيدفعك حقه
لأ يا حبيبي انا مروحش السبع و اقول الكلام ده .. انا اقول عندي المشكلة الفلانيه .. بيحلوها فورا بدون ما اقول كلمة زيادة مش اروح اقولهم نظفوا الحساسات و فلتر الهوا و الكلام ده .. لو انا قولتلهم العربية مخنوقة بس او نفيش سحب .. هتلاقيهم من نفسهم ظبطوا كل ده
بصراحة السبع مأثرش في حاجه معايا ابدا ابدا و ياما روحت و من غير معارف خالص و كانوا ناس في قمة الزوق و بيراجعوا معايا نقطة نقطة من اللي بكون كاتبه
واذا كان مش بيعمل معاك كدا ده عشان خدمة وعارفك جوة ولينا بدل المهندسين 10 جوة
بس يا جميل واى حاجة عندى انا وروق ومتزعلش , ومالكش دعوة بحد كان بيشتكى فى مودرن , , لان كل واحد بيشتكى , ممكن يكون وصل الامور الى قلة ادب وشتيمة على حاجة تافهة , وانا بصراحة لو حد او عميل شتم ووصل الى قلة ادب معايا , استحالة امشيله الشغل حتى لو جالى اوباما نفسه
واى حد عنده مشكلة هناك مش بيمشى الا لما بتتحل لو اتعامل بعقل ,, ازعق واثور لو فى حاجة كبيرة جدا وانا على حق لكن مش بقلة ادب بردوا
والدليل محمد خطاب , لما عربيته اتخربشت قالهم عليها بالعقل ويمكن بهدوء بحسده عليه و دخلوا وعملهاله , ومحدش قاله زى ما بيحصل فى السبع مش من عندنا
ومرة تانية موقف تانى , واحد زميلنا احمد نايل , عربيته فى الدلاية اتقرشت من غيسل المية فى السبع وعمل بيها موضوع , وقالوله مالناش دعوة وحنصورها ونوديها المصنع , والراجل لما راح مودرن وورهلهم عملوا على طول فى ساعتها
السبع فى عيوب ومميزات , وكذالك مودرن
ونصيحة اخيرة , ليس كل ما يشاهد عربيته قدام عنيه , حتكون بالنسباله الوضع حيكون امن وجميل , لان لو عايزين يطلسقوا حيطلقسوا وانت واقف جنبه حتى
ومش بالضرورة ان اللى مش شايف عربيته وهى بتتعمل يبقا قاعد قلقان , وممكن بتتعمل على اكمل وجه
من الاخر , اللى بيفصل فى الموضوع ده ,, ان كل واحد ومهندس لضميره مش اكتر
اسف على الاطالة ,, للتوضيح بس , للاعضاء , ومش دفاع عن حد , انا اعرف ناس سواء فى السبع او مودرن , واعرف اسلك هنا وهنا , ولو كنت فى اليابان نفسه هناك حعرفلكم حد , عشان خاطر عيونكم
بس الفكرة لغاية دلوقتى من كتر ما روحت انا وبعت ناس الى موردن انا شايف ان الصيانات الميكانيكة فى ابورواش بتقوم بالواجب كويس
الله اعلم هل عشان عارفين حد هناك او من ضميرهم ,, المهم ان مفيش حد ببعته هناك وبيشتكى منا لصيانات الميكانيكة
لأ طبعا كل واحد متربي و عارف اللي ليه و اللي عليه يمشي بيه بما يرضي ربنا محدش يروح التوكيل و يزعق و لا يقل ادبه بالعكس كل واحد يمشي بالراحة و اللين و لو المهندس محلش المشكلة صعدها لغاية ما تتحل و تكون راضي
يعلم ربنا يا احمد انا لولا مشواري الفظيع اللي بجي منه من اخر الدنيا انا كنت سبت مودرن و روحت علي السبع انما بصراحة لما لاقيت الانسان المحترم عبدالجواد .. بصراحة هداني و علي فكرة مفيش حد في التوكيل ده كله عمل حاجه غيره هو فقط لا غير و لا اي حد تاني و خلي بالك يا احمد متخليش حد يشيلك جمايل من لا شيئ لأن محصلش كلام زيادة عن اللي عمله الاستاذ عبدالجواد و انا اتصلت بيه امبارح و شكرته جدا جدا علي اهتمامه و بعت لي ايميل فيه جنوط جديدة جايه من اليابان لعربياتنا الصني و ان شاء الله هبقي اعرضها ليكم في موضوع منفصل
تحياتى للجميع
