من سلسلة فضائح فودافون (العقد فى جيبى والخط مشتغلش )
السلام عليكم أولا
طبعا أنا عميل قديم لشركة فودافون
ومعايا من خطوطهم أربعه غير خط الداتا
المهم الخط الرئيسى معايا فاتوره (بزنس ) ورقم مميز كمان 01000
يوم 13 \ 5 كنت فى كارفور داندى مول ولقيت أوفر من فودافون على أى مشتريات ب500 جنيه تاخد الآتى
خط داتا وخط مكالمات وراوتر
والتلاته فاتوره
وطبعا لازم تنطبق الشروط عليك للتعاقد
وطبعا برضه أنا كده كده خطى فاتوره أصلا
المهم إتعاقدت على خطين داتا ومكالمات فى نفس اليوم
وبعد مشاوير كتير ورجوع لكارفور مرتين عشان الــسكانر مره بايظ ومحتاجين صورة البطاقه تانى
المهم بعد إتصالات كتير قوى وشكوتين بخدمة العملا
ووعد كل موظف يكلمنى أن المشكله مش من عندى فعلا
وأنهم هيحلوا المشكله فى 24 ساعه
بس المطلوب أروح أى ستورز لفودافون
ورغم رفضى فى البدايه
لكن روحت مرتين (السيستم واقع )
وفى التالته قابلنى موظف فى فرع شارع السودان
ووعدنى بحل المشكله برضه فى خلال 24 ساعه
الى يغيظ بقى أنهم شغلوا خط الداتا من يوم 21 \ 5
طيب الخطين بأسمى فين المشكله ؟
قسم الشكاوى كلمنى بعديها وقاللى الموضوع هايتحل خلال 24 ساعه تانى
وأن الخطأ من عندهم وبنعتذر وبعده برضه مفيش
كلمت خدمه العملا
عملت شكوى فى قسم الشكاوى وشكوى فى قسم تشغيل الخطوط
وقالولى اللى هايكلمك برضه قسم الشكاوى ( أضرب راسك فى الحيط )
عملت شكوى فى جهاز تنظيم الإتصالات ومستنى ردهم
خدمه العملا لسه مكلمنى حالا
وملخص المكالمه أنهم بيحققوا فى شكوى جهاز الإتصالات وبعدين هايردوا عليا
طب المشكله منين
مش فاهم
والـــ 24 ساعه دى آخرها أمتى
حد عنده الحل