ليه مش هانزل بكرة

**dr_magdi2009** · 27-05-2011 01:46 AM

ياجماعة احنا لازم ننزل بكره في التحرير .........لازم نشيل المجلس العسكري ونعين مجلس رئاسي مدني برئاسة البرادعي .........المليار دولار اللي جت من أمريكا مش بعتنها كده محبه لأ طبعا لأن المفروض ان افلام الأكشن بتستمر ويكون فيه ناس بتموت وطيارات بتضرب ودبابات بتدوس الناس عاوزين اكتر من 3000الاف واحد يموت
أحنا نازلين بكره لأن لسه مصر مخربتش وكده عيب اوي مصر لازم تخرب
أحنا نازلين بكره لأن الناس شمت نفسها شوية واحنا مش عاوزين كده عاوزين يشموا ريحة القنابل المسيلة للدموع .
أحنا نازلين بكره عشان نشيل كل الناس اللي كانت عايشة في عهد مبارك لأنهم كده من بقايا النظام الفاسق الفاجر
أحنا عاوزين ننزل بكره عشان كل جاسوس اتقبض عليه يفرج عنه فورا
أحنا عاوزين ننزل بكره لأننا مش حاسين ومش بنحس ولا عاوزين نحس لأننا ناس أهالينا مش عارفة تربينا ولأننا قبضنا خلاص وبعنا بتمن رخيص اوي .لكن نوعدكم اننا هانفتح بكره المزاد علي البيع

**som3aa** · 27-05-2011 02:00 AM

أنا قبضت اكتر شوية 5000 دولار فعلشان كدا نازل بكره ان شاء الله
كلنا قعدنا مع البرادعى و الامريكان و الايرانيين و اتفقوا معانا على وجبة هارديز بدل كنتاكى و 5000 دولار بدل 50 دولار و معانا علامنيين و شيوعيين و ملسونيين كتير اوى متعدش

**ahmedfoud** · 27-05-2011 02:02 AM

و الله في الاول كنت فاكرك بتتكلم بجد .. بس الحمد لله انقظت نفسك من الي كنت ناوي ا كتبهولك

**ahmedfoud** · 27-05-2011 02:04 AM

المشاركة الأصلية كتبت بواسطة som3aa

أنا قبضت اكتر شوية 5000 دولار فعلشان كدا نازل بكره ان شاء الله
كلنا قعدنا مع البرادعى و الامريكان و الايرانيين و اتفقوا معانا على وجبة هارديز بدل كنتاكى و 5000 دولار بدل 50 دولار و معانا علامنيين و شيوعيين و ملسونيين كتير اوى متعدش

مش عارف ليه اسلوبك مش مريحني .. ربنا يستر علي البلد و يهدي الجميع

**zyadahmed** · 27-05-2011 02:08 AM

انا مش نازل بكرة ولا بعد بكرة لانى فهمت الفكرة اللى قالها الشيخ الشعراوى الله يرحمه عن الثائر الحق
وانا والحمد لله احسبنى هو

**تامر.محمد** · 27-05-2011 02:10 AM

بصراحة يا صاحب الموضوع من حقك يكون لك وجهة نظرك طبعا

لكن ردا على التخوين و التسفيه اللي في كلامك

انت مش نازل بكرة لأنك في الأصل ما نزلتش قبل كده

انا منتظر الكلمتين اياهم بتوع دكتاتورية الثورة

**ahmedfoud** · 27-05-2011 02:21 AM

المشاركة الأصلية كتبت بواسطة zyadahmed

انا مش نازل بكرة ولا بعد بكرة لانى فهمت الفكرة اللى قالها الشيخ الشعراوى الله يرحمه عن الثائر الحق
وانا والحمد لله احسبنى هو

و الله يا فندم انت انسان محترم و اتمني كل شباب مصر يفكر زيك

**ahmedfoud** · 27-05-2011 02:29 AM

المشاركة الأصلية كتبت بواسطة caysersosaih

ان شاء الله ننزل بكره لأن محاكمات النظام الفاسد بطيئة لأن الأمن لسه ما رجعش لأن لسه في ناس فاسدين قاعدين لأن حق التظاهر مكفول وحق دستوري

يا فندم تقبل اعتراضي علي كل نقطه انت عتنزل بكره عشان محاكمات النظام الفاسد بطيئه بس متنساش ان تسريح العاملين في القطاع الخاص بسبب المظاهرات بقت سريعه و كبيره و متنساش ان العاطلين ارتفع عددهم باضافه 700 الف عاطل خلال التلات شهور دول بس و متنساش ان الاسعار ارتفعت بصوره سريعه بسببك و متنساش ان السياحه حالها واقف بسببك و متنساش اني كنت ناوي انزل مصر الصيف دا و مش عارف بسببك و متنساش ان النظام الفاسد نفسه الي انت عايزه يتحاكم نفسه في عدم استقرار البلد و الناس هتكره الثوره الي كلنا بنفتخر بيها برده بسببك , ثانيا الامن لسه مرجعش و المظاهرات دي بتأخر رجوعه اكتر و اكتر لان حضرتك عارف البلطجيه فرحنيين بيكوا جدا و بقوا يجيبوا اسود في البيوت و بقت علي البحري بسسبك انت و كل الي بيفكروا زيك و معلش هوا حضرتك فاكر انك هتنزل ميدان التحرير ترجع الامن و تييجي علي طوول و لا ايه و ثالثا الفاسدين الي لسه قاعدين تقدر حضرتك تبعت فيهم شكاوي و تحرك الرأي العام عليهم و نزولك مش هوا الي هيصلح البلد و رابعا حق التظاهر مكفول و حق دستوري ههههههه هوا دا بالظبط الراجل المحروم الي دخل مطعم شيك قعد ياااكل لحد ما مااات يا ريت متموتش نفسك و تموت البلد معااااك
ربنا يهديني و اياك

**ahmedfoud** · 27-05-2011 02:34 AM

المشاركة الأصلية كتبت بواسطة تامر.محمد

بصراحة يا صاحب الموضوع من حقك يكون لك وجهة نظرك طبعا

لكن ردا على التخوين و التسفيه اللي في كلامك

انت مش نازل بكرة لأنك في الأصل ما نزلتش قبل كده

انا منتظر الكلمتين اياهم بتوع دكتاتورية الثورة

اعتقد ان صاحب الموضوع ميقصدش تخوين و لا تسفيه لا سمح الله و اعتقد انه مش اكتر من واحد خايف علي البلد الي هيا بلدنا كلنا مصر و انه ميقلش و طنيه عن حضرتك او اي حد تاني و بالنسبه لدكتاتوريه الثوره هيا مصطلح مظبوط و خصوصا اذا كانت تطلق علي ثوره قام بها شعب كبير معظمه من محدودي الثقافه و القله المثقفه الي فيه في سنه اولي حريه