انا معايا 40 الف جنيه وبفكر فى الكورسا ! ايه رايكم !

**yts007007** · 23-04-2008 12:43 PM

انا دلوقتى معايا فى حدود 40 او 42 الف جنيه بالكتير اوى ! بس انا معنديش فكرة اوى عن الكورسا وسمعت ان فى مشاكل فى الحساسات واالى بيقول التكيف صعب تلاقيه تمام فى الكورسا من 1994 ل 1999 ! وحاجات كتير اوى ! اللى محتاج اعرفه
1- هل الكورسا اختيار صح فى Range الفلوس اللى معايا ولا فى اختيارات تانى احسن زى مثلاً البولو او الابيزا
2- بالنسبة للكورسا لما اجى ادور ادور على ايه وانهو موديل احسن وانهو موتور ابص على ايه الاول يعنى !
3 - لو عايز ازبت فيها حاجة هدفع كام يعنى لو هركب جنط او هنفخ او اى حاجة مدى توافر الحاجات دى ايه ومدى قابلية العربية للكلام دا ايه
4- قطع الغيار اخبارها ايه يعنى لو اتكسرلها شاكوش ولا حصلها حاجة ععرف اتعامل ولا لأ !

اسف على الاطالة ومنتظر ردود واراء الكل !

**SEATLOVER** · 23-04-2008 01:03 PM

لا ماتقلقش ..الكورسا اختيار حلو
بس بشوية شروط
-خليك فى موديلات من 94 الى 97 فقط ال 1200 cc
شرط الحالة الجيدة و الكشف و الفحص الجيد لآى موديل من دوول
لو احتجت تركب تكييف بيبقى فى حدود 2.5 وتركبة يابانى احسن
قابلية العربية للجنوط نفس المقاس جيدة بس النفخ ماعتقدش هايمشى معاها
قطع غيارها موجودة بس غالية شوية ..بس بردو بتبقى المانى و معمرة و بتعيش

**yts007007** · 23-04-2008 02:18 PM

المشاركة الأصلية كتبت بواسطة SEATLOVER

لا ماتقلقش ..الكورسا اختيار حلو
بس بشوية شروط
-خليك فى موديلات من 94 الى 97 فقط ال 1200 cc
شرط الحالة الجيدة و الكشف و الفحص الجيد لآى موديل من دوول
لو احتجت تركب تكييف بيبقى فى حدود 2.5 وتركبة يابانى احسن
قابلية العربية للجنوط نفس المقاس جيدة بس النفخ ماعتقدش هايمشى معاها
قطع غيارها موجودة بس غالية شوية ..بس بردو بتبقى المانى و معمرة و بتعيش

شكراً على ردك وتشريفك للموضوع !
بس التكيف يعنى يتكلف 2500 جنيه :) ! طيب هوا مش فيه منها بالتكيف جاهز ولا لأ !
ولو سمحت لو حد ممكن يفهمنى ايه موضوع حساسات الموتور دا لأن فى ناس كتير اتكلمت عليه وبعدين لو مثلاً لقيت منها ال 1999 مجبهوش !

**ipx** · 23-04-2008 10:14 PM

ytso ana m3aya corsa 1997 1200 cc kamla babe3ha 3shan msafer call me if ur interested 0104848344

**modux** · 23-04-2008 10:57 PM

كورسا طبعااااا

كويسة اوييي

**turboman** · 23-04-2008 11:12 PM

انا مع راي seatlover من 94-97 لان الكورسا نزلت باتنين موتور في مصر 1200 من 94 -97 و دة مش بيكون فيه حساسات و 1000 بعد كدة ودة صيانته اغلى و اداؤه اقل لان فيه حساسات الكورسا عربية حلوة لو مظبوطة مش هيملا عينك اي عربية تانية انا مكانش اي عربية بتعرف تشد معايا بس فيه كذا ملحوظة اول حاجة هية ضيقة جدا و بالتالي هتنفعك لو لوحدك او معاك اقل عدد ممكن من الافراد تاني حاجةواطية جدا وبالتالي اي زلطة في الشارع هتحس انها خبطت في السقف <انا مصلح الشكمان اربع مرات في 6 شهور>متنفعش عربية لعيلة ابدا لو انت فرد واحد هاتها لو انت معاك عيلة بلاش....بلاش

**yts007007** · 24-04-2008 02:00 AM

المشاركة الأصلية كتبت بواسطة turboman

انا مع راي seatlover من 94-97 لان الكورسا نزلت باتنين موتور في مصر 1200 من 94 -97 و دة مش بيكون فيه حساسات و 1000 بعد كدة ودة صيانته اغلى و اداؤه اقل لان فيه حساسات الكورسا عربية حلوة لو مظبوطة مش هيملا عينك اي عربية تانية انا مكانش اي عربية بتعرف تشد معايا بس فيه كذا ملحوظة اول حاجة هية ضيقة جدا و بالتالي هتنفعك لو لوحدك او معاك اقل عدد ممكن من الافراد تاني حاجةواطية جدا وبالتالي اي زلطة في الشارع هتحس انها خبطت في السقف <انا مصلح الشكمان اربع مرات في 6 شهور>متنفعش عربية لعيلة ابدا لو انت فرد واحد هاتها لو انت معاك عيلة بلاش....بلاش

انا شاب 21 سنة فى هندسة ! عادى يعنى عايز عربية فى اللذيذ اعرف اتحرك بيها اشد ممكن ادفعلها باكوهين ولا حاجة واعمل فيها اللى متعملش ! فايه رايكم !

**SEATLOVER** · 24-04-2008 02:57 AM

ipx
ytso ana m3aya corsa 1997 1200 cc kamla babe3ha 3shan msafer call me if ur interested 0104848344

شوف العربية دى شكلها نضيفة

**hazem_khidr** · 24-04-2008 03:46 AM

لا ماتقلقش ..الكورسا اختيار حلو
بس بشوية شروط
-خليك فى موديلات من 94 الى 97 فقط ال 1200 cc
شرط الحالة الجيدة و الكشف و الفحص الجيد لآى موديل من دوول
لو احتجت تركب تكييف بيبقى فى حدود 2.5 وتركبة يابانى احسن
قابلية العربية للجنوط نفس المقاس جيدة بس النفخ ماعتقدش هايمشى معاها
قطع غيارها موجودة بس غالية شوية ..بس بردو بتبقى المانى و معمرة و بتعيش

نفس اللي كن داخل اقوله .
:)
الكورسا احسن اختيار ليك لان شكلك عاوز هاتش باك مش سيدان

**Ahmad Allawy** · 25-04-2008 04:18 AM

شوف يا باشا..
انا هارد عليك في كل نقطة حبيت تسأل عنها..
قبل الرد.. انا معايا كورسا 97 1200 سي سي..

1- هل الكورسا اختيار صح فى Range الفلوس اللى معايا ولا فى اختيارات تانى احسن زى مثلاً البولو او الابيزا

هي كويسة جدا بس بيتهيألي انك ممكن تجيب برضه ابيزا تكون احسن شوية بس مش بكتير يعني.. يعني هتكون في حدود 1300 سي سي.. وبرضه مش باور ولا زجاج كهربا غالبا.. و عاشق السيات ممكن يفيدك اكتر فيها.. اما انا ف هاقولك تجربتي كلها مع الكورسا..

2- بالنسبة للكورسا لما اجى ادور ادور على ايه وانهو موديل احسن وانهو موتور ابص على ايه الاول يعنى !
اولا.. العربية هتلاقي منها كتير فبريكة برة و جوة.. ودي اكيد كويسة.. و نقطة تحسب.. بس برضه حاول تشوف حاجة متكونش ماشية كتير.. بس برضه ده مش شرط..
يعني يفضل الاتي..
ماشية كيلو متر قليل.. يعني اقل من 100 الف يكون كويس قوي.. و اهم حاجة تكشف علي كفاءة الموتور.. و متكونش اقل من 80 % و هترقي منها كده كتير..
انا و لله الحمد عربيتي عاملة 130 الف كم و حالة الموتور 175/200
وده بمقياس التوكيل لما قاس الكفاءة..و ده انا شايفه رقم كويس جدا.. ولو الكيلو متر اقل هيكون اعلي اكيد.. مهم ان الضفيرة ميكونش ملعوب فيها.. عشان تتجنب اي مشاكل في الكهربا..
قطع غيارها الحمد لله مش غالية.. و معمرة قوي..
طقم الدبرياج ب 700 جنيه
قواعد الموتور 350 جنيه..
مساعدين 1100 جنيه..
عفشة امامي كاملة.. مقصات و بارات و بيض و الكلام ده كله 600 جنيه..
وكل ده الماني ماركات محترمع..
الطنابير 200 جنيه امامي الماني.. يعني كله مش غالي..

3 - لو عايز ازبت فيها حاجة هدفع كام يعنى لو هركب جنط او هنفخ او اى حاجة مدى توافر الحاجات دى ايه ومدى قابلية العربية للكلام دا ايه

بيتهيألي العربية مش محتاجة تنفيخ.. تستحمل جنوط مقاسين.. 13 و 14
لو هتركب 13 يبقي 185/70 ار 13 و ده عرضه كويس جدا و يركب عادي من غير قلق..
او هتركب 14 يبقي 185/65 ار 14 وده برضه تمام..
العرض ده هيدي العربية ثبات حلو قوي.. علما بان العرض الاساسي للكاوتش بتاعها اللي بتنزل بيه 165

4- قطع الغيار اخبارها ايه يعنى لو اتكسرلها شاكوش ولا حصلها حاجة ععرف اتعامل ولا لأ !

قطع غارها متوفرة جديدة برة التوكيل كتير و ماركات كويسة..و في التوكيل اكيد كل حاجة موجودة.. بس اكيد اغلي شوية.. بس موجودة..

فيما يخص الارتفاع.. لو مظبط المساعدين و معلي العربية شوية.. عادي جدا.. مش هتحك ولا حاجة.. انا عندي بتحك عشان المساعدين اللي ورا تعبانين.. واللي قدام كمان بصراحة..ومش بتحك لو لوحدي ف العربية..
ملحوظة.. العربية مش ضيقة قويمن جوة زي ما الناس فاكرة.. في وسع الفيرنا و اللانوس.. مش ضيقة يعني..
العربية مش هتجرب بيك خالص لو مركب معاك فيها اكتر من 2 هتحس انها مش بتجمع و تقييييييييييييييلة..
بالنسبة للتكييف بقي..
بيتركب في توكيلين.. ديافيا وده اللي بيركب لمنصور.. ودهبيركب الساندن الياباني ب 3.8 الف..
و مقار اللي في المعادي مش التوكيل بتاع التصليح,. لأ بتاع التكييف بس.. بيركبه ب 3.3 تقريبا..
و يفضل انك تعمل حاجة.. انك تجيب حاجة اسمها الكويل استيراد عشان تعرف تشغل التكييف سخن وبارد.. عشان لو ركبت الساندن الياباني علي بعضه.. هيلغي السخن و يشغل البارد بس..
ودي مش بتفرق مع ناس كتير..
اما فيما يخص موضوع الشرا.. شوف فعلا ايه نظام العربية اللي معروضه هنا دي..
انا بعت اسأله عن شوية حاجات.. و لما نشوف هيقول ايه نعرف حالتها ايه..
في واحدة تانية للبيع هنا برضه.. بس بصراحة سعرها مبالغ فيه شوية..
طالب فيها 45 الف بس حالتها بصراحة جامدة جدا..في منتهي النضافة..
http://www.nilemotors.net/Nile/showthread.php?t=20586
و كمان ادخل بص بصة علي كار 100 100 فيه حاجات كويسة..
ولو حبيت انزل معاك لما تنزل تتفرج انا تحت امرك..