الموضوع: تغطيه وصول الجيتا 2012 الكويت

المشاركة الأصلية كتبت بواسطة m_kamal

تسلم ايدك يا باشا على الموضوع

و انا رايى المتواضع كما يلى

طبعا أول نقطة فى صالح العربية انها بقت اوسع بكتيييير من الجيل السابق و دى كانت مشكلة كبيرة بالنسبة لى
و طبعا الشنطة نابها من الحب جانب و بقت أوسع هى كمان

بالنسبة للتصميم الجديد .. هو بصراحة برده انا شايف القديم محافظ اكتر على شخصية الفولكس و خصوصا الجيتا
و اللى كان فعلا بدا يتكون لها شخصية فى السنين اللى فاتت
أما بالنسبة للجديد فهو لا غبار عليه برده تصميم انيق و عصرى و شيك و محافظ على الخطوط الكلاسيكية لفولكس
و لكنه اقل جمالا من القديم

و انا معترض على حكاية انه فيس لفت .. انا شايفه تصميم جديد تماما و بالنسبة ان (شكل) التابلوه من جوة نفس القديمة بالظبط
فا هو برده توفير مصاريف من فولكس علشن تقلل تمن العربية بس انا عموما لما قعدت جواها ماتضايقتش

نظام التعليق الجديد اللى عاملينه هيبان الفترة الجاية اذا كان قلل اداء تعليق العربية أو الاداء زى ما هو

طبعا الخامات الداخلية شريف باشا جاب من الاخر (بقت خامات أوكتافيا) اقل جودة من السابق و لكنها مازالت تعتبر خامات مقبولة للفئة دى من العربيات

طبعا معترض جدا على انها بقت 2000 سى سى و كمان نفس القدرة الحصانية القديمة بتاعت 1600 اللى هى 115 حصان
و طبعا دى قفلت الباب على 95% من الناس اللى كانوا بيشتروها هنا عشان ينزلوها بلادهم و ال 5% الباقين هيشتروها و خلاص بقى كدة كدة و هينسوا موضوع تنزيلها مصر أو على أمل يتغير حاجة فى قانون الجمارك بعد الثورة على رأى البياع


نقطة اخيرة بقى .. بتوع توكيل فولكس بقوا غلسا قوى ... و بقيت باتضايق لما اشوف حد منهم
ههههههههههه

أولا: أتفق مع سيادتك في أن اتساع الموديل الجديد ميزة كبيرة وهامة جدا
ثانيا: بالنسبة للخامات أتعشم أن تكون فعلا مازالت أفضل من الياباني والكوري لأن هذا هو أهم ما يميز الألماني عموما.
ثالثا: أتفق أيضا أن هذا ليس تحسنا للشكل السابق وإنما هو شكل جديد تماما بدليل زيادة طول قاعدة العجلات على الأقل.
رابعا: إذا كان هذا فقط هو الموتور الذي سيكزن متاحا ( ال 2000 ) فأعتقد أن هذه السيارة ستفشل في مصر فشلا ذريعا.
خامسا: إذا لم ينجح توكيل فولكس في تطوير أدائه وتحسين خدماته وعدم المغالاة في أسعاره سيضيع هذه الماركة العريقة.

تسلم ايدك على الصور والتقرير
وفعلا شكلها تحفة وفى واحد فى المنطقة عندنا جابها ولفتت نظرى اول ما شوفتهااا
بس للاسف معرفوش عشان اجيب معلومات منه عنها

2000 سىسى 115 حصان اكيد فيها ماتور فيات 132 اتنين كامه حاجه تضحك