تفاصيل صيانة ال 60 في مركز عصام - صفا

يوم الثلاثاء اللي فات رحت لمركز عصام - صفا علشان اعمل صيانة ال 60 لعربيتي البرسونا 2010 العداد كان عامل 62400 قبلها بيوم رحت علشان اجيب فلتر البنزين و الهواء و الزيت و التيل الامامي و البوجيهات , من عند مكة جبت البوجيهات بوش ب 50 جنيه و فلتر زيت ب 25, و فلتر البنزين جبته بتاع نوبيرا ب 45 من واحد جنب مكة بشوية , محل المدينة جبت فلتر الهواء بوش ب 100 و كلبسات العتب , الواحدة بجنيه , بالنسبة للتيل الامامي جبته من المحل اللي جنب المدينة و نوعه مايلي ب 160 , و طبعا الزيت شيل 5000 ب 118 ,


يوم الثلاثاء رحت لمركز عصام - صفا و كان مطلوب الاتي :
1- صيانة ال 60
2- تغيير مياه الردياتير
3- لمبة تابلوه اللي في الكشاف اتحرقت
4- كان عندي صوت بيطلع من درج التابلوه
5- صوت من تيل الفرامل الخلفي و انا برجع مارشيدير
6- السنتر بتاع الباب الامامي شمال بيفتح لوحده

وصلت الساعة 10.30 دخلت العربية علطول
- كله ركب , فلتر الهواء و سير الادارة و سير الكاتينة و بلية الكاتينة و مياه الردياتير اتغيرت و اللمبة اللي كانت محروقة , و تربيط العفشة و علاج صوت التيل الخلفي , و المهندس عصام راجل محترم اوي بصراحة و كل اللي شغالين هناك , قالي ان التيل الامامي مش محتاج يتغير , و قالي ان فلتر الزيت اللي انا جايبه مش حلو و خايف ان هو ينزل زيت , المهم جبت من عنده فلتر زيت تاني و ركبناه , و طبعا الاصوات اللي كانت موجودة اتحلت و السنتر اتظبط و كله تمام


المهم و انا هناك سمعت صوت في العربية غريب اوي زي مايكون مركب تربو , طلع ان الماننفولد باظ و عايز يتغير و ان البوابات بتاعته فيها حاجة و ده بكام؟؟؟؟؟؟؟ 4500 جندي , المهم المهندس عصام قالي مش لازم يتغير و لو عايز هاته من الحرفيين بس هيبوظ بعدها بشهرين , قلتله خلاص مش لازم ,

و بعدها العربية نزلت زيت فتيس فعرفت ان ده اويل سيل كوبلن , غيرت الاتنين ب 80 جنيه و طبعا جبت زيت باور ب 35

بعدها العريبة جابت بلية شداد و البلية دي ب 1500 جنيه و طبعا ماغيرتهاش و العربية عمالة تصفر من ساعتها و البلية البايظة بتطلع صوت غبي

و اخر حاجة غيرت فلتر التكييف ب 176 جنيه علشان كان انتهي خلاص

الليلة دي كلها خلصت علي الساعة 4

و دفعت الاتي :
176 - فلتر تكييف
35 - زيت باور
80 - اويل سيل كوبلن
10 - 2 لمبة بدون كعب
65 - مياه ردياتير
140 - سير ادارة
314 - سير كاتينة
357 - بليه كاتينة
35 - فلتر زيت
396 - صيانة 60000 اجمالي المصنعية
39 - ضريبة مبيعات 10% علي اجمالي المصنعية
121 - ضريبة مبيعات علي اجمالي قطع الغيار
88 - خصم خاص

1680 - المجموع

و طبعا انا جبت فلتر هواء و بنزين ب 145
تيل - 160
بوجيهات - 50

الف مبروك على الصيانة وربنا يباركلك فيها يارب
بس انا عندى سؤال
هية البلية دى ملهاش بديل ؟؟ يعنى مسالتش المهندس عصام ان كانت برقم تنزل تجيبها من اى حتة بالرقم دة لانى سمعت صوتها فى عربية جين2 بردة وكان صوتها بشع بصراحة فياريت تسال فعلا ان كان ليها بديل ولا لاء
وبالنسبة للمانيفولد طبعا السعر خزعبلى بصراحة وانة يبوظ بعد 60000 دة يخوف انا بصراحة مش عارف المانيفولد دة اية ؟؟ هل هو المشترك بتاع الشكمان او بمعنى تانى هل هو زى ما بيتقال بالبلدى الفرن بتاع الشكمان ؟؟؟
لو هوة فعلا ومحتاج يتغير يبقى تجيب المانفولد الرياضى افضل ودة انا كنت بشوفة بيتباع عند مثلا عادل وجدى والناس بتاعة التعديلات واهو اكيد حيفرق مع العربية للافضل وسعرة حيبقى ارخص اكيد
لو مش هوة دة يبقى انسى الكلام اللى فات كلة وعذر جهلى
مبروك مرة تانية على الصيانة

اقتباس:

---

المشاركة الأصلية كتبت بواسطة mido_soliman

الف مبروك على الصيانة وربنا يباركلك فيها يارب
بس انا عندى سؤال
هية البلية دى ملهاش بديل ؟؟ يعنى مسالتش المهندس عصام ان كانت برقم تنزل تجيبها من اى حتة بالرقم دة لانى سمعت صوتها فى عربية جين2 بردة وكان صوتها بشع بصراحة فياريت تسال فعلا ان كان ليها بديل ولا لاء
وبالنسبة للمانيفولد طبعا السعر خزعبلى بصراحة وانة يبوظ بعد 60000 دة يخوف انا بصراحة مش عارف المانيفولد دة اية ؟؟ هل هو المشترك بتاع الشكمان او بمعنى تانى هل هو زى ما بيتقال بالبلدى الفرن بتاع الشكمان ؟؟؟
لو هوة فعلا ومحتاج يتغير يبقى تجيب المانفولد الرياضى افضل ودة انا كنت بشوفة بيتباع عند مثلا عادل وجدى والناس بتاعة التعديلات واهو اكيد حيفرق مع العربية للافضل وسعرة حيبقى ارخص اكيد
لو مش هوة دة يبقى انسى الكلام اللى فات كلة وعذر جهلى
مبروك مرة تانية على الصيانة

---

الله يبارك فيك , المشكلة ان انا مغير البلية دي في صيانة ال 60 و ماعرفش ايه اللي بيعمل الصوت ده هل ده الشداد مثلا ولا فيه بلي تاني , انا فعلا مش عارف , بالنسبة للمانيفولد تقريبا ده عبارة عن بوابات بتفتح و تقفل بيدخلها الهواء و اه تقريبا هوا ده فرن المكنه و الصوت اللي بيطلع عندي بسبب ان البوابات بتعمل صوت في الفتح و الغلق و ده مع الوقت العربية هتستهلك بنزين اكتر مع سحب ضعيف شوية

الف مبروك للصيانة عقبال ال 200 الف كيلو

انا عايز استفسر
هيا بلية الشداد والمنافوولد مش المفروض تبع االضمان؟
وليه متغيروش لو هما تبع الضمان؟؟
وبصراحة حرام

اقتباس:

---

المشاركة الأصلية كتبت بواسطة felix

الف مبروك للصيانة عقبال ال 200 الف كيلو

انا عايز استفسر
هيا بلية الشداد والمنافوولد مش المفروض تبع االضمان؟
وليه متغيروش لو هما تبع الضمان؟؟
وبصراحة حرام

---

الله يبارك فيك , بلية الكاتينة مش تبع الضمان خالص دي بتتغير في صيانة ال 60 طبيعي , الصوت اللي عندي تقريبا من بلية تانية او حاجة , و انا بره الضمان من زمان و لو انا في الضمان كانوا هيقولولي ان المانيفولد عمره الافتراضي انتهي و الله اعلم

أنا كان عندى نفس مشكلة البلية دى واسمها بلية الشداد وليست بلية الكاتينة
كانت بتعمل صوت صفارة مستمرة رخمة أوى وصوتها بيعلى أكتر مع التكييف وسعرها فى التوكيل 1250 جنيه من غير ضريبة
المهم جبتها من الحرفيين استعمال الخارج ب 300 جنيه طلع صوتها أعلى من بتاعتى فغيرتها والكلام ده كان من حوالى شهرين وكانت كويسة بس اليومين دول رجعت تطلع صوت تانى فرحت للراجل بتاع الحرفيين قاللى يابيه دى قطعة مستعملة وضمانها اسبوع يعنى عليه العوض فى ال300 جنيه فشكلى كده فى الصيانة الجاية على أول الشهر حاجيب واحدة جديدة وأمرى لله

اقتباس:

---

المشاركة الأصلية كتبت بواسطة mido_soliman

الف مبروك على الصيانة وربنا يباركلك فيها يارب
بس انا عندى سؤال
هية البلية دى ملهاش بديل ؟؟ يعنى مسالتش المهندس عصام ان كانت برقم تنزل تجيبها من اى حتة بالرقم دة لانى سمعت صوتها فى عربية جين2 بردة وكان صوتها بشع بصراحة فياريت تسال فعلا ان كان ليها بديل ولا لاء
وبالنسبة للمانيفولد طبعا السعر خزعبلى بصراحة وانة يبوظ بعد 60000 دة يخوف انا بصراحة مش عارف المانيفولد دة اية ؟؟ هل هو المشترك بتاع الشكمان او بمعنى تانى هل هو زى ما بيتقال بالبلدى الفرن بتاع الشكمان ؟؟؟
لو هوة فعلا ومحتاج يتغير يبقى تجيب المانفولد الرياضى افضل ودة انا كنت بشوفة بيتباع عند مثلا عادل وجدى والناس بتاعة التعديلات واهو اكيد حيفرق مع العربية للافضل وسعرة حيبقى ارخص اكيد
لو مش هوة دة يبقى انسى الكلام اللى فات كلة وعذر جهلى
مبروك مرة تانية على الصيانة

---

المانيفولد ده على حد علمى هو شجرة الجكمان ( بيبقى على شكل اربع مواسير خارجة من الموتور بحيث تجمع العادم فى ماسورة واحدة ( يعنى زى المشترك )

ازاى 4500 جنيه لو هو الى انا قصدى عايه ( ده عبارة عن اربع مواسير ملحومين بعض) ياريت حد يفيدنا و سعره خارج التوكيل بكام؟

مبروك عليك الصيانه

وربنا يكرمك ويديلك الخير

السلام عليكم و رحمة الله

بص يا صديقى انا مش عاوز اخوفك بس هاقولك على حاجة بخصوص المانيفولد ده
واحدة زميلة فى الشغل معاها هيونداى فيرنا ، كانت راكنة العربية فى المطار و جات تدور العربية قام حصل انفجار رهيب فى الموتور و الدنيا اتقلبت فى المطار ( افتكروها قنبلة ) ، المهم شالوا العربية ودوها التوكيل طلع ان المانيفولد ده كان بايظ و انفجر ، و كانت تكلفة تغييره فى الفيرنا برضه اكتر من اربعة الاف ، مع العلم انه بلاستيك فى الفيرنا .
انا باحكيلك الحكاية دى علشان تتأكد انه عندنا فى بروتون غير قابل للانفجار و الكلام ده بما انه بايظ عندك .
ربنا يستر طريقنا جميعا .

اقتباس:

---

المشاركة الأصلية كتبت بواسطة ahmad alshaaer

مبروك عليك الصيانه

وربنا يكرمك ويديلك الخير

---

الله يبارك فيك ,

اقتباس:

---

المشاركة الأصلية كتبت بواسطة mohamed_sabry

السلام عليكم و رحمة الله

بص يا صديقى انا مش عاوز اخوفك بس هاقولك على حاجة بخصوص المانيفولد ده
واحدة زميلة فى الشغل معاها هيونداى فيرنا ، كانت راكنة العربية فى المطار و جات تدور العربية قام حصل انفجار رهيب فى الموتور و الدنيا اتقلبت فى المطار ( افتكروها قنبلة ) ، المهم شالوا العربية ودوها التوكيل طلع ان المانيفولد ده كان بايظ و انفجر ، و كانت تكلفة تغييره فى الفيرنا برضه اكتر من اربعة الاف ، مع العلم انه بلاستيك فى الفيرنا .
انا باحكيلك الحكاية دى علشان تتأكد انه عندنا فى بروتون غير قابل للانفجار و الكلام ده بما انه بايظ عندك .
ربنا يستر طريقنا جميعا .

---

ربنا يسترها , و علي العموم انا مابحبش اسيب حاجة بايظة في العربية , هحاول كل شهر اشيل مبلغ و هاجيب مانيفولد جديد و امري لله

الف مبروك
على فكره شل الأصفر ممتاذ

مبروك وعقبال صيانه المليون

السلام عليكم

أنا حضرتك كان عندي مشكلة في الصوت وبحث أن نغمة صوت الموتور مش اللي هي ذي ما يكون خالف في حاجة وكمان خاصة لو العربية باردة
فعلا كشفت على الفرن ولقيته مشروخ (المشترك الزهر اللي في وش الموتور) ساعتها لحمته عند واحد بتاع شكمانات واللحام مكملش معايا أسبوعين في هدوء من الصوت الغبي وبعدها رجع تاني ذي ما كان سألت على الأستيراد لقيته في حدود 900 جنيه وياعالم هيعيش ولا لأ ............ فحجزت من التوكيل واحد أصلي كان تقريبا بـــ 800 جنيه بالضريبه
وفعلا جبته وركبتوا وعلى ما سمعت أنهم في ماليزيا عالجوا موضوع الشرخ دا في خامات الجديد ومن ساعتها الصوت هدي كتيير لكن البيه اللي ركب الفرن سألتوا الجوانات اللي بين الفرن والماتور وعلبة البيئة سليمة قاللي تمام تمام لكن شكلي هفك علشان أغيرهم زيادة أطمئنان فنصيحة للي هيغير الفرن يغير الجوانات دي كمان بالمرة.

اقتباس:

---

المشاركة الأصلية كتبت بواسطة mohamed.kader

السلام عليكم

أنا حضرتك كان عندي مشكلة في الصوت وبحث أن نغمة صوت الموتور مش اللي هي ذي ما يكون خالف في حاجة وكمان خاصة لو العربية باردة
فعلا كشفت على الفرن ولقيته مشروخ (المشترك الزهر اللي في وش الموتور) ساعتها لحمته عند واحد بتاع شكمانات واللحام مكملش معايا أسبوعين في هدوء من الصوت الغبي وبعدها رجع تاني ذي ما كان سألت على الأستيراد لقيته في حدود 900 جنيه وياعالم هيعيش ولا لأ ............ فحجزت من التوكيل واحد أصلي كان تقريبا بـــ 800 جنيه بالضريبه
وفعلا جبته وركبتوا وعلى ما سمعت أنهم في ماليزيا عالجوا موضوع الشرخ دا في خامات الجديد ومن ساعتها الصوت هدي كتيير لكن البيه اللي ركب الفرن سألتوا الجوانات اللي بين الفرن والماتور وعلبة البيئة سليمة قاللي تمام تمام لكن شكلي هفك علشان أغيرهم زيادة أطمئنان فنصيحة للي هيغير الفرن يغير الجوانات دي كمان بالمرة.

---

المشكلة عندي في المانيفولد مش في المشترك , المشترك ده اللي بيكون باين قدامك لما تبص علي الموتور , اما المانيفولد ده ورا الموتور في مكان مش باين , و مع الاسف سالت عليه لقيته فعلا ب 4500 , خراب بيوت

الف مبروك على الصيانه وعقبال مليون كم ... بعد أذنك هو حضرتك جبت البوجيهات البوش رقمها كام وازاى أتأكدت أنها تنفع فى الجين 2

ألف مبروك على الصيانة وربنا ييسر لك الحال فى موضوع المانيفولد، أنا إنشاءالله هاعمل صيانة ال60000 للبرسونا الاسبوع الجاى وناوى على مركز عصام صفا بعد السمعة الكويسة اللى سمعتها فى المنتدى.
بس كنت عاوز أعرف هو ممكن أشترى قطع الغيار وهو يركبها ؟ وياترى ده هيكون أحسن خصوصا إن التكلفة كدة أقل بكتير من التوكيل (فى حدود 2000 جنيه فى التوكيل).يعنى القطع اللى بنشتريها من دمشق بتكون أفضل فى الجودة من اللى موجودة عند مركز عصام وصفا؟ ولو قلتولى الأفضل أشترى الحاجات دى من دمشق كملوا جميلكم وقولولى ايه أحسن حاجة ممكن أشتريها......ويجعله عامر.

اقتباس:

---

المشاركة الأصلية كتبت بواسطة densfog

الف مبروك على الصيانه وعقبال مليون كم ... بعد أذنك هو حضرتك جبت البوجيهات البوش رقمها كام وازاى أتأكدت أنها تنفع فى الجين 2

---

الله يبارك فيك , انا رحت لمحل مكة قلتله عايز بوجيهات برسونا , قالي انا عندي بوش قلتله بتاعت برسونا يعني ؟ قالي اه , لما رحت لمركز عصام و صفا سألته و اتأكدت ان دي البوجيهات بتاعتها

اقتباس:

---

المشاركة الأصلية كتبت بواسطة Persona9Luxury

ألف مبروك على الصيانة وربنا ييسر لك الحال فى موضوع المانيفولد، أنا إنشاءالله هاعمل صيانة ال60000 للبرسونا الاسبوع الجاى وناوى على مركز عصام صفا بعد السمعة الكويسة اللى سمعتها فى المنتدى.
بس كنت عاوز أعرف هو ممكن أشترى قطع الغيار وهو يركبها ؟
اه طبعا ممكن
وياترى ده هيكون أحسن خصوصا إن التكلفة كدة أقل بكتير من التوكيل (فى حدود 2000 جنيه فى التوكيل).يعنى القطع اللى بنشتريها من دمشق بتكون أفضل فى الجودة من اللى موجودة عند مركز عصام وصفا؟
حاليا اسعار التوكيل بقت قريبة من بره , يعني مثلا فلتر الزيت بره ب 25 و في التوكيل ب 35 , بس فيه حاجات ممكن تجبها من بره احسن زي مثلا فلتر البنزين , التيل , فلتر التكييف , و فيه حاجات لازم من التوكيل زي مثلا طقم السيور و بلي الكاتينة , و حاليا صيانة ال 60 في التوكيل ب 1760 تقريبا
ولو قلتولى الأفضل أشترى الحاجات دى من دمشق كملوا جميلكم وقولولى ايه أحسن حاجة ممكن أشتريها......ويجعله عامر.

قبل لما ارد علي السؤال ده , هو حضرتك عملت صيانة الاربعين فين؟

---

عملت صيانة 40 فى عز العرب اللى فى الصحراوى.. ودايما الصيانات عندهم أو عند أمير وجوزيف علشان قريب منى...
هل الأفضل أعمل ال 60 كمان فى الصحراوى؟

اقتباس:

---

المشاركة الأصلية كتبت بواسطة traviscolt

الله يبارك فيك , انا رحت لمحل مكة قلتله عايز بوجيهات برسونا , قالي انا عندي بوش قلتله بتاعت برسونا يعني ؟ قالي اه , لما رحت لمركز عصام و صفا سألته و اتأكدت ان دي البوجيهات بتاعتها

---

طيب استأذن حضرتك ممكن رقم البوجيهات دى ( اللى مكتوب على البوجيه نفسه أو العلبه بتاعته

اقتباس:

---

المشاركة الأصلية كتبت بواسطة persona9luxury

عملت صيانة 40 فى عز العرب اللى فى الصحراوى.. ودايما الصيانات عندهم أو عند أمير وجوزيف علشان قريب منى...
هل الأفضل أعمل ال 60 كمان فى الصحراوى؟

---

لا , اعمل الصيانة في عصام - صفا , ناس محترمين اوي و احسن حاجة ان هم بيسمعوك و بيعرفوا المشاكل اللي في العربية و فعلا بيحلوها , طالما انت بتعمل الصيانات في التوكيل يبقي الصيانة هتكلفك تقريبا 1700 اما انا اتكلفت اكتر علشان الصيانات اللي قبل كده ماكنتش بعملها في التوكيل