الموضوع: فيه ضرب نار فى قسم المنتزه والدنيا مقلوبه هناك وفى الساعه

المشاركة الأصلية كتبت بواسطة mahamedaraby

معلش بس لما يضربوا عليهم نار بكره ناس تطلع وتقولك دول من شباب الثوره ولازم يتحاكموا اللى قتلوهم وتلفيهم هما اللى بقوا فى موضوع اتهام

زى اللى حصل يناير اللى فات مبقتش عارف مين الظابط اللى كان بيحمى القسم وقتل بلطجيه ومين الظابط اللى كان بيقتل الناس فى التحرير

لا ماظنش حد هيقول على دول شهداء عشان هو عارف ساعتها انه هيكون واحد منهم (البلطجيه)
وساعتها ضرب الجزمه متعاصه طينه (مشوها طينه المرادى)
هيكون شويه عليه

ويمكرون ويمكر الله والله خير الماكرين
هما هيعملوا اكتر من اللى اتعمل ف يوم جمعه الغضب الاولى
بس المره دى احنا عارفين مين معانا ومين علينا
ويالا خلى البلطجيه تطلع وتتجمع كلها علشان يتصفوا مرة واحده

المشاركة الأصلية كتبت بواسطة misoalex

انا رجعت الحمد لله من وسط المعركه
صح يا هشام باشا كلامك فى محله
فوقو يا ناس فوقو بلطجيه ايه اللى استغلو الموقف انتو لسه بتتفرجو على القناه الاولى

اولا مفيش عسكرى جيش واحد والموضوع بقاله تقريبا 3 سعات وانا مشيت ولسه فيه ناس وضرب نار عليهم من داخل القسم

اتصلو بالجيش قالهم ملناش دعوه

ثانيا واحد من اصحاب المحلات الى فى وش القسم اعرفه قالى التالى

لاقينا ضرب نار جوه القسم نفسه ونار طالعه من فوق ودخان
ومفيش اى اقتحام حصل غير بعد شويه لاقينا المساجين طالعين بيجرو وفيه منهم الناس مسكته وفيه منهم هرب وركب عربيات كانت واقفه لان القسم ده على شارع عمومى

وقاللى باللفظ ولاد ال........ هما الى عاملين كده ومفيش اى هجوم حصل (قصده على الظباط اللى جوه القسم هما اللى عملو كده )

قولتله عشان يبوظو الليله بتاعه بكره ويخلو الناس تخاف ويقولو المظاهرات بوظت البلد قاللى عليك نور انت فهمت كده

اقسم بالله الموضوع جاى من فوق وشوفو الجيش مجاش ليه ورفض انه يجى مع انه فى كل الهجوم الل حصل على الاقسام فى الشهور اللى فاتت كانو بيجو ويسيطرو على الموقف

يا جماعه البلطجيه اللى انا اعرفهم والصيع كانو واقفين خايفين وكانو بيشدو بعض وكل واحد يقول للتانى ملناش دعوه يلا بينا
والناس العاديه واقفه بسلاح وسواطير وشوم وبتحمى القسم
الناس هى اللى اتصدت للبلطجيه وكان فيه عربيه مطافى واحده هى اللى واقفه وراكب فيها واحد من الاخوان او السلفين الله اعلم المهم هو بدقن وجلباب ابيض وعمال يشجع الناس ويقول الله اكبر وكده فى المكرفون بتاع عربيه المطافى



فوقو الله يكرمكم وانتو تعرفو مين اللى عاوز يأدب الشعب ويخوفهم من النزول فى المظاهرات لمطالبه الحقوق ومطالبه رفع الظلم ومحاربه الفساد والازمات المفتعله والاعتقالات اللى لسه موجوده
فوقو واعرفو ليه الجيش انسحب وليه الحاجات دى حصلت دلوقتى قبل بكره
انا مصور كام فيديو ححاول ارفعهم

المهم العربيه كانت راكنه جنب القسم الحمد لله اخدتها والناس اللى هناك اخدت عربياتها تركنها بعيد تحسبا لاى حرائق او بلطجه ربنا يستر ويحمينا يحمى عربياتنا

الكلام دة مش عارف افسرة بأية بس فية حاجة فى الموضوع فعلا تثير التساؤلات و الواحد لازم يفكر كويس أنا كان عندى مجرد شك بس لو انت شوفت دة بنفسك يبقى فية حاجة مش طبيعية بتحصل

لسة سامع دلوقتى ان الجيش بيشتبك مع بعض البلطجية عند قسم المنشية