اهلا بريحة الحبايب ..... قولولي الشخص ده بيفكركم بمين

**ahmed-moga** · 27-05-2011 05:08 AM

"وزير التضامن" يقترح ضريبة جديدة على الاستهلاك الزائد للبنزين
قال الدكتور جودة عبد الخالق وزير التضامن والعادلة الاجتماعية، إن البديل النقدى أفضل اقتصاديا، لكن المجتمع المصرى بفئاته المختلفة يجعل رصد مستحقى الدعم النقدى أمر صعب، بالنسبة لبعض الفئات التى لا يستطيع الوصول إليها.

وأضاف: "أتطلع ليوم يتحول الدعم العينى لدعم نقدى، لكن إلى أن يتم ذلك لا ينفع أن أضع يدى على خدى".

جاء ذلك خلال ندوة تكنولوجيا المعلومات والعدالة الاجتماعية، التى عقدت عصر اليوم الخميس، بمركز القاهرة الدولى للمؤتمرات ضمن فاعليات معرض "الاتصالات وتكنولوجيا المعلومات".

وأكد عبد الخالق، على طرح فكرة دفع ضريبة استهلاك على قدر معين من الاستهلاك الزائد لبنزين، يدفعها مالك السيارة عند تجديد الرخصة، مقترحا إعفاء السيارات حتى 1200 سى سى من هذه الضريبة، موضحا أن ذلك سوف يحقق العدالة.
وقبليها عايز يرجع موضوع كوبونات انابيب البوتجاز اللي كان اتلغي في العهد البائد
ناخد الأنابيب بالكوبونات وغازنا بيتصدر لسه لأسرائيل وكثير جدا من المناطق لم يصلها الغاز حتي الأن بيتنا وجزء كبير من المنطقه لسه ماوصلوش الغاز حتي الأن
وقبليها السيد الدكتور عصام شرف صرح بأنه يريد رفع الدعم عن المواد البتروليه بنسبة عشره في المائه
هو في ايه هو احنا بنرجع بضهرنا تاني لنفس العقول الغبيه للنظام السابق ارحمونا وارحموا الشعب من الأفتكاسات بتاعة يوسف بطرس غالي واحمد عز وياريت ياسيادة الوزير تاخد بعضك وتقدم استقالتك لأننا لن نسكت علي الظلم تاني

**م.احمد زكريا** · 27-05-2011 09:00 AM

طيب وليه مايكونش عجز الموازنة شيئ حقيقي ( ماكنش نصب من الحكومة السابقة ولا حاجة)

ليه فاكرين ان الدني بمبي واول ما يسقط النظام هاتزهزه والفلوس هاتبقى زي الرز ونكون زي الإمارات

معلهش إستحملني

هي إيه موارد الدخل القومي في مصر وبتتصرف فين وعدد السكان كام والمشروعات الكبرى بتتكلف كام وديون مصر الداخلية والخارجية كام ومرتبات موظفين الحكومة حتى لو ضعيفة في العدد كام و التعليم والصحة والطاقة

حضرتك انت بنزينك ارخص من الاردن جارتنا واروبا وامريكا وسولارك بيتهرب برة مصر والغاز الطبيعي البيتصدر برة غير انابيب البوتاجاز ماتقيستاش بدول الخليج

انت بتنتج بترول زي اقل دولة فيهم وعدد سكانك 3 اضعاف اكبر دولة فيهم

لو عايز تحس بالفرق فعلا معلهش برضه مش الجيل بتاعنا هو الهيحس بالفرق بس مطلوب منه يعمل الفرق لأولاده

يعني إحنا الجيل المفروض يتعب ويشقى عشان الأجيال القادمة تعيش كويس

اتمنى تكون وجهة نظري وصلت

وشكرا

**mohamedgamall** · 27-05-2011 06:41 PM

اصلا موضوع زيادة اسعار البنزين انا سمعة من زمان من قبل الثورة بكتير لان العبئ على الهيئة بقى كبير و مبقتش قادرة تغطية

**casperinoo** · 27-05-2011 06:48 PM

يقللوا الدعم لبنزين 90 و 92 .
.و95 يشيلوا الدعم
انما 80 والسولار ابعد عنهم ..

**misoalex** · 27-05-2011 07:28 PM

ال 80 خط احمر والا حتقوم ثوره تانيه

بلاش غباء سياسى الناس مش لاقيه فلوس وشغل وهما عاوزين يرفعو الدعم

معلش مهو العيب علينا اننا سايبين اللى زى دول فى الحكومه

واحد يطلع بخبر يخسر البورصه 3 مليار فى كام دقيقه والتانى عاوز يشيل الدعم ويعمله بكوبونات ده لو عرفت تاخد الكوبونات وابقى سلملى على حكومه تسيير الاعمال
على رأى بعض الناس ومنهم عمر اديب دى حكومه توقيف الاعمال والله

**cheetos_892005** · 27-05-2011 09:05 PM

والله الناس اللي بتقول ان سعر البنزين عندنا ارخص من مين و مين .......

الموضوع نسبه و تناسب ......

شوف مستوى دخلك كام و مستوى دخلهم كام .....

هو مستوى دخله جايب عربيه 4000 سي سي و مشغل التكيفو بيحط بنزين طول اليوم و مش بيشتكي .عشان دخله مقضي

لكن احنا ...لما تجيب عربيه 1600 بتحس انه انجاز .....ولو شغلت تكييف الصبح تبقى مرفه و بتضيع بنزينك و لو شغلته بالليل تبقى بتستعبط ......و بنركن عربياتنا اخر الشهر عشان معناش فلوس ندفع بنزين

الموضوع نسبه و تناسب .....شوف بتضيع غازك و سولارك فين و استورد الباقي اللي محتاجه من البنزين ....هتوزن

او عالاقل بدل ما تضيع فلوسك في استيراد انبيب غاز و سولار .اعمل انت محطات تكرير .....

انما لا محدش يفكر لقدام ...

في وزارة بترول في العالم تستلف من الماليه 500 مليون جنيه في السنه ؟؟؟؟؟

من الاخر هتشيل الدعم و نمشي سعر عالمي ...يبقى اجر عالمي برده

مش هتشيل الدعم و جهه صح ...صح مش زي ماحنا متعودين

**Ralliart** · 27-05-2011 09:27 PM

تاني هنرجع للتفكير الغبي
يعني بدل ما يحلو مشكلة العربيات القديمة اللي بتستهلك بنزين اد 3-4 عربيات جداد والميكروباصات العشة اللي بتاكل السولار اكل وبتلف طول اليوم ويلوثو الجو ويرجعو يقولو ميزانية الصحة مش مكفية ولا بدل ما يحلو الاختناقات المرورية اللي بيتبخر فيها البنزين وانت واقف مكانك
محدش عايز يتعب تفكير جناب سعادته ويلاقي حل.........وليه يلاقي حل وهو قدامه يجيب فلوس من مفيش وقدامه شعب غالبيته حاقد وناقم على اللي معاه شوال فلوس وامه شارياله عربية بالتقسيط !!

عربيات ايه اللي بتشرب بنزين دي؟؟ و1200 ايه في كام ماركة في السوق تحت الـ1200 سي سي وهل الفرق في الاستهلاك يستاهل؟؟
يا ريت اي واحد يتكلم في الموضوع ده ميفتيش ويروح يشوف الاستهلاك ولا بيفرق في حاجة ويشوف الفرق في الجمارك
دا غير ان الحكومة مبتدفعش ملليم في الدعم مش عارف ليه بيتعاملو معانا كأنهم تجار وبيخسرو ومبيتعاملوش مع اسرائيل كدة؟

**waelfarid** · 27-05-2011 09:30 PM

أيون أيون أيون
ضروري لما نقول السعر العالمي للسلع كذا وكيت نبص برده للأجر اللي هو محلي لما نوصله للعالمي نخلي السعر عالمي للسلع
سؤال
مش احنا عندنا ثروة بشرية وموارد كويسة جدا نيل وناصيتين ميه وبترول وغاز طبيعي فاضل المخ اللي يستفيد من كل ده ويفيد الشعب المصري بدون خلل في التوزيع
وشفنا فلم مطب صناعي بتاع احمد حلمي لما خلي الشباب العواطلي يشتغل
ليه نفضل ندعي الفقر وليه حابين ان احنا نفضل فقرا دايما مستنيين الدعم ليه منبقاش احرار لقمتنا
ولا سياسة حسني اي حد عنده فلوس فيها لاخفيها واني اري رؤوسا قد اينعت وحان وقت قطافها واني لقاطفها بحيث الناس تفضل جعانة زي العربجي بتاع الكارو اللي مجوع حماره علطول علشان حتي ميقدرش يرفسه عاوزين نشتغل بس دور الحكومة هي المايسترو علشان ده يحصل المفروض الدولة متقفش علي شخص
نسيت اقول ان المفروض كل افراد الشعب تتثقف وتتعلم وتدرك المصلحة العامة بدون انانية زي البناء عالاراضي الزراعية وسرقة انابيب البوتاجاز والدقيق المدعم وووووووووو يارب ولي الصالح الذي يصلح المايسترو زي دور الغدد في جسم الانسان كدة