اهلا بريحة الحبايب ..... قولولي الشخص ده بيفكركم بمين

**horas3000** · 27-05-2011 09:59 PM

وماله
انا معايا عربيه 4800 سي سي و مش ممانع بس بشرط
زي ما عايز تلغي او تقلل الدعم علي البنزين يبقي تلغي او تقلل الجمارك و الضرايب
ما هو ميبقاش موت و خراب ديار
و الناس اللي مستكتره الدعم علي الناس اللي معاها عربيات غاليه او سي سي عالي حضراتكم هما دافعين الفرق ده جمارك و ضرايب كل سنه
و احسبوها و شوفوا مين بيستفيد اكتر

**zkralla** · 27-05-2011 11:36 PM

اى منصف لو تأمل شوية حال الدعم الى يلاقى كتير منه بيروح لناس مش محتاجه ولا مستحقاه اساسا من اول العيش والسولار والبوتجاز والبنزين
الفكره الى عمالين يزيدوا ويعيدوا فيها من عشر سنين هى ازاى الدعم يوصل للغلابة

**cheetos_892005** · 27-05-2011 11:43 PM

المشاركة الأصلية كتبت بواسطة zkralla

اى منصف لو تأمل شوية حال الدعم الى يلاقى كتير منه بيروح لناس مش محتاجه ولا مستحقاه اساسا من اول العيش والسولار والبوتجاز والبنزين
الفكره الى عمالين يزيدوا ويعيدوا فيها من عشر سنين هى ازاى الدعم يوصل للغلابة

مهو الفكره هما كانوا بيفكروا ازاي في الخطه الجايه ياخدوا الدعم من اللي ميستحقهوش فعلا ......

و من الغلابه كمان ......

احنا اللي مصبرناش عليهم

**gemy1** · 27-05-2011 11:53 PM

لو البنزين غلى انا اول واحد هاطلع فى مظاهرات و البلد هاتولع
انا بس عايز اقول حاجه لما احنا ناس من الشعب عاديه جدا و ماحناس و لا سياسيين و لا مفكرين و لا اى ادباء و لا اى حاجه من اللى بنشفهم فى التليفزيون ليل نهار و عارفين كويس اوى مشاكلنا ايه و حلولها كمان ايه يبقى الناس اللى قاعده فى المناصب دى اييييه بقى !! حد يفهمنى بيستعبطو مثلا و لا شايفين حاجات احنا مش شايفينها و لا هو فى ايه بالظبط !!

**ahmed-moga** · 28-05-2011 02:52 AM

ولماذا اصحاب السيارات هم الذين يقع عليهم العبء في تحمل فشل الحكومه وهما الذين يدفعوا هذه الضرائب
اقرب مثال سيارتي 1300 سي سي اشتريتها ب105 الف وهي تساوي في الدول الأخري كاالسعوديه 45 الف غير ان سعر البنزين 95 الممتاز ارخص بكثير من هنا لما جيت اجدد 3 سنين دفعت ضرايب 175 جنيه للسنه الواحده وتأمين اجباري 95 لسنه الواحده يعني 810 جنيه اخذتهم الدوله مني بدون مقابل منها ده 1300 سي سي امال الباقين يعملوا ايه فهل هذا وقت لهذه القرارات المستفزه
عندما قامت الثوره في تونس فالحكومه السابقه من خوفها من الشعب حتي لايقوم بمظاهرات عليها حيث كانت هذه الأفكار مطروحه فقامت بألغائها وكان الهدف منها كما يقولون ايصال الدعم لمستحقينه ولكن هذا ليس الهدف بالطبع فهذه الحكومه ليست الا مجموعه لصوص وحراميه كما تعلمون وعلمتوا كما ان الحدايه مابتحدفش كتاكيت المقصود بالطبع تعويض خزانة الدوله ماسرقوه ونهبوه وتعويض نقص الموازنه العامه ونحن الذين ندفعه لهم من جيوبنا في ظل سوء الأحوال الأقتصاديه المترديه لماذا اصحاب السيارات هم الذين يدفعون الثمن تردي الأحوال الأقتصاديه بفرض عليهم الضرائب والرسوم لتصحيح الوضع الأقتصادي وفي هذا الوقت المتوتر في جميع النواحي
نحن لانطالب سوي بتصحيح المسارات الطبيعيه للبلد والمواطن ونكون مثل اي دوله محترمه تحترم شعبها وتوفر له الحياه الكريمه وسبل العيش فيها بكل يسر وسهوله هذا مانريده لانريد اموال طائله من الحكومه نضعها في جيوبنا ولاقصر لكل مواطن يسكن فيه كل مانريده حياه كريمه بدون ظلم او ذل او امتهان للكرامه او سرقتنا تحت اي قوانين ومستحدثات ومسمي من المسميات كاضرائب بأسماء جديده او رسوم او غيرها

**waelfarid** · 28-05-2011 06:19 PM

نقول من تاني
ليه الدولة منشنة عالواطي يعني هدفها ان المواطن يقسم شوية التبن مع اخوه مش يعيش في رفاهية او عالاقل ميحسش بعوز وفقر الحاجة وينتظر الدعم
(نفس كلام حسني (انا اهم حاجة عندي المواطن الغلبان محدود الدخل)دي جملة ناقصة(انه يفضل محدود الدخل ومطحون كمان) ليه يشبع ويحس انه بني ادم
وبعدين الناس اللي بتسرق دي معني كدة ان البلد فيها خير لكن مفيش واحد بيقي عنده طفح ثروة الا وقصاده مئات او الاف عالاقل بيلفو حوالين نفسهم من قلة الدخل اللي مش مكفيهم
عاوزين دخلنا بتاع الدولة لا يكون نتيجة ضرائب يكون نتيجة انتاج سلع ملموسةواولها الغذاء
يارب