الموضوع: ايهما افضل 132 ام ريجاتا85

المشاركة الأصلية كتبت بواسطة mohamed_refaat

ال 132 ماتت خلاااااااااااص عصرها عدى من زمان خلاص هى ايوة عربية بتستحمل بغببببببببببببببباء حمالة قسية بغباء
بس خلاص دلوقتى قطع غيارها مش موجودة ولو لقيتها غالية اسمع ان الكربراتير جديد ب 1300 جم :)))))))))
نصيحة سيبك من ال132 خلاص زمنها خلص

فعلا الكربراتير جديد سالت عليه ب 1300 جنيه بس جبته استيراد ب450
المارش بتاعها سالت عليه جديد ب 500 جنيه واستيراد ب 150

بص يا ريس
ال 132 كعربية كانت اعلى فئة لدى فيات فى وقتها مميزاتها
موتور قوى جدا
طول عمر الدفع الخلفى
كماليات كتير باور وزجاج كهرباء وكلام من ده
صاج دبابة وشاسيه متين وعفشة تتحمل جامد جدا مش عارف من قال عفشتها ضعيفة
عيوبها
موديل قديم اكل عليه الدهر وشرب وده بيادى لصعوبة ايجاد واحدة مفيهاش غلطة ده غير ان قطع الغيار بدات فى الاندثار خصوصا الاستيراد فبقت غالية انما الجديد سهل فوانيس وشبكة الخ
ارتفاع تكلفة الدفع الخلفى
قدم الشكل والتصميم
استهلاك بنزين عالى
صوت الموتور عالى


اما الرييجاتا ميزاتها
موتور ناعم
كماليات كتير لذيذة باور وفتحة سقف وتكييف الخ
شكل حديث وانيق
رخص تكلفة الكبالن
تقبل تعديلات كتير ومواتيرها رخيصة وكتيرة

عيوبها
مش منتشرة قوى وبالتالى برضه قطع غيارها غالية فى حاجات كتير وان كانت برضه مش لدرجة ال 132 انما اغلى من الشاهين
عربية على علب وبالتالى الشاسيه ضعيف وسهل يتشرخ
قصر عمر الكبالن
عفشتها اضعف من 132 وان كانت بتستحمل

اهم حاجة لو هتشترى 132 يكون الموتور والفتيس والكرونة بحالة فوق الممتازة لانهم مكلفين قوى
ولو هتشترى ريجاتا يكون الصاج كله وبالذات العلب سليم جدا ومفيش اى شروخ او لحامات فى الرقبة او الارضية او الركب

انا حاولت اكون محايد بس بصراحة لو كنت مكانك هادفع المبلغ ده فى شاهين او سوزوكى سويفت او سكودا فيليشيا
انما فى الاخر دى مسالة اذواق

المشاركة الأصلية كتبت بواسطة alsharkawy

كنت بستفسر من حضرتك ما هى الركب وما هى الرقبة؟وهل العلب هى الركب؟ وفعلا انا متفق مع كلامك ان الريجاتا افضل واهم حاجة فعلا الشاسيه ولكن مختلف معاك فى الجملة الاخيرة لان الريجاتا افضل من الشاهين وسويفت وسكودا برغم ان الريجاتا اخر موديل كان 90 ولكن صالونها اوسع كمان من الشاهين وعربية فيها امكانيات حديثة مثل كمبيوتر الاعطال و 2 مؤشر بنزين وحمالة اسية بعكس السويفت وصوتها ناعم ومش بتسخن الا لعيب ما بعكس الاسكودا اللى مشهورة بصوت موتورها العالى والسخونة الدائمة ومتقولش مين يشهد للعروسة علشان انا عندى ريجاتا ههههه

الركب دى اللى بيكون المساعد راكب فيها من فوق فى الحوض
الرقبة دى مكان بين الارضية والحوض
اما الاختيار فقلت دا راىى الشخصى انما فى المقارنة كنت محايد تماما ويمكن سبب رايى انى متعقد من الريجاتا كل العربيات اللى شفتها مع اصحابى الارضية وبتفتح والحوض بيفتح والبارومة بتمشى فيها بغباء بس كل دا وجهات نظر
صحيح هوا ازاى 2 مؤشر بنزين بيعملوا ايه وكمبيوتر الاعطال دا بجد ولا منظر ؟

المشاركة الأصلية كتبت بواسطة keko

بص يا ريس
ال 132 كعربية كانت اعلى فئة لدى فيات فى وقتها مميزاتها
موتور قوى جدا
طول عمر الدفع الخلفى
كماليات كتير باور وزجاج كهرباء وكلام من ده
صاج دبابة وشاسيه متين وعفشة تتحمل جامد جدا مش عارف من قال عفشتها ضعيفة
عيوبها
موديل قديم اكل عليه الدهر وشرب وده بيادى لصعوبة ايجاد واحدة مفيهاش غلطة ده غير ان قطع الغيار بدات فى الاندثار خصوصا الاستيراد فبقت غالية انما الجديد سهل فوانيس وشبكة الخ
ارتفاع تكلفة الدفع الخلفى
قدم الشكل والتصميم
استهلاك بنزين عالى
صوت الموتور عالى


اما الرييجاتا ميزاتها
موتور ناعم
كماليات كتير لذيذة باور وفتحة سقف وتكييف الخ
شكل حديث وانيق
رخص تكلفة الكبالن
تقبل تعديلات كتير ومواتيرها رخيصة وكتيرة

عيوبها
مش منتشرة قوى وبالتالى برضه قطع غيارها غالية فى حاجات كتير وان كانت برضه مش لدرجة ال 132 انما اغلى من الشاهين
عربية على علب وبالتالى الشاسيه ضعيف وسهل يتشرخ
قصر عمر الكبالن
عفشتها اضعف من 132 وان كانت بتستحمل

اهم حاجة لو هتشترى 132 يكون الموتور والفتيس والكرونة بحالة فوق الممتازة لانهم مكلفين قوى
ولو هتشترى ريجاتا يكون الصاج كله وبالذات العلب سليم جدا ومفيش اى شروخ او لحامات فى الرقبة او الارضية او الركب

انا حاولت اكون محايد بس بصراحة لو كنت مكانك هادفع المبلغ ده فى شاهين او سوزوكى سويفت او سكودا فيليشيا
انما فى الاخر دى مسالة اذواق

انا كنت داخل اعلق علي الموضوع بس لما شوفت كلام حضرتك ملاقتش اي اضافة ممكن اكتبها جزاك الله خيرا