استشاااااااره يا ملوك الأوبـــــــــــــــــــل

**cool_man** · 27-05-2011 12:00 PM

انا معايا فكترا 98 1600 سي سي ورحت لبتاع التكييف بس كدرني تكديره وحشه اوي
قاللي ايه الكباس قافش ومحتاج يتغير (قال ايه علشان مبيلفش )
والشجره بتاعت التكييف مسربه---والفلتر عاوز يتغير------> يعني العربيه عاوز عربيه ولا ايه مش فاهم !!

المهم سألت علي الليله لقيتها تتكلف كتير والجو حر ومش مستحمل الواحد يمشي من غير تكييف

انا عاوز اعرف لو ركبت كباس ساندن وجبت حاجت ياباني وركبتها تنفع والموتور هيبقي الحمل عليه كويس او عادي يعني ولا ايه لأن بتاع التكييف قاللي هيتقل العربيه شويه وهيحمل علي الموتور وبتاع

خصوصا ان حوار التعديل ده حوالي نص تمن الاصلي بتاعها

ايه رأيكم يا جماعه وتنصحوني بإيييييييييييييييييه

مستني ردودكم

**Esam Mosaad** · 27-05-2011 12:17 PM

متجبش تكنولوجيا بتاعت الالمانى لليبانى او الكورى
ولا مكنوش سامو المانى ويبانى وكان فى فرق فى السعر والاداء
اعتقد فعلا انو هياثر ويحمل على الماتور
غير ان بصراحه مفيش احسن من الاصلى بتاع العربيه لو فعلا عاوز يستمتع بالتكييف
وبعدين دحنا معانا الكورى الواحد بيقول نفسوا يركب الالمانى عشان التكييف
وانت عاوز تنزل من الالمانى
حاول تشوف واحد تانى وتشوف قطع الغيار استيراد ولو قفشت معاك ابقى اخلع قطع الغيار من عربيت زميل ليك عادى يعنى

**فادى محمد** · 27-05-2011 12:57 PM

هات الاصلي بتاعها استيراد وبلاش موضوع التعديلات ده.

**Esam Mosaad** · 27-05-2011 01:08 PM

هات الاصلي بتاعها استيراد وبلاش موضوع التعديلات ده.

بشمهندس فادى والله اول ملبقيت موضوع عن الاوبل جيت فى دماغى يارب كون بخير
والامور ماشيه تمام معاك

وانا معاك جدا فى الراى

**فادى محمد** · 27-05-2011 02:38 PM

المشاركة الأصلية كتبت بواسطة h a r d

بشمهندس فادى والله اول ملبقيت موضوع عن الاوبل جيت فى دماغى يارب كون بخير
والامور ماشيه تمام معاك

وانا معاك جدا فى الراى

والله الحمد لله تمام ,شكرا لزوقك ياباشا ومنور قسم اوبل .

**rabbat5** · 27-05-2011 11:31 PM

في ورشة تكييف فى ش احمد عرابي شحنت عنده من اسبوعين بفريون ياباني والله التكييف شغال من وقتها احسن من ديافيا مع العلم اني صرفت فوق ال 5000 على التكييف الصيف اللى فات على قطع الغيار و التركيب فى ديافيا ده حتى من اسمهم كله دفا مفيهوش ريحة البرودة .