الموضوع: النترا غبور 2011 تقفيل كورى 100% ولا تقفيل مصر -

بص أنا هرد عليك في حاجة واحدة بس علي قد علمي
إن مش معنى ان الاتنين جايين من كوريا يبئى الخليجي ذي المصري ذي الاوروبي ذي الامريكي كل دولة ليها مواصفات خاصة بيها ده بشكل عام
علي سبيل المثال لما تسمع ان تويوتا كورولا المصري عفشة أعلى من المواصفات الخليجي (طبعا الجملة دي تستخدم في الدعاية نار )علي أساس إن الخليجي بئه بيطلع بيها الجبل وانت عفشتك أعلي منه في مصر شوفت بئه كرمهم علينا فاكرين الناس غلابة مش واخدين بالهم
مع ان الطبيعي فعلا ان العفشة عندنا تكون أعلى من الخليجي نتيجة شوارع بلدنا المحبوبة والمطبات العالمية وبلاعات المجاري زاوية 45 درجة
والخليج الطرق عندهم على اعلي مستوى ميلزمش تكون العفشة عليا
بس ونرجع لحاجة كمان ان كل وكيل بيطلب من الشركة الام شوية اوبشن تمشي الحال بيها مثلا الفيرنا في الكاتلوج بتعها في abs , air bags وطبعا الوكيل مبيطلبش الحاجات الوحشة دي ومبيركبهاش
وكده يعني
بإختصار الشركة الام بتصنع حاجات بمواصفات كل بلد بالاضافة الى أن الوكيل ليه طلباته

اشكرك يا اخى الكريم

طب ايه هى الفروقات بين الاتنين؟

انا محتاج حد بس يجاوبنى على اسئلتى عشن اعرف هشترى ايه وبكم لانى مش عاوز اشترى حاجة وارجع اكتشف ان اشتريت حاجة اغلى ولا ارخص واندم .....

انا العربيه معايا من شهر اتنين و هأرد علي اللي أعرفه :]
هي فعلا بتهبط من ورا لما بتركب اتنين أو تلاته ورا بس ده ضريبه العفشه الهاديه
و انا نازل الجراج بأجي عند المنزل و الارض full stop
الفئه الخامسه بتحك عندنا بتاعه الجيران طبعا مش احنا :]
جري و قرص اشطه فرامل معقوله
استهلاك بنزين متوسط
انا عندي المانيوال و عامله 4906 أهي
لو منك أجيب الاوتو اللي فيها abs
و مش لازم ال air bag
و لو تعرف حد عنده جربها عشان الكلام غير السمع
و لو حد قالك الباور كهربا و ناعم و مش بيفصل الرد الطبيعي, العيب ده اتظبط و ده كان في موديلات 2007
مش في 2011
و لو عوزت اي استفسار , اسأل
م. كريم العربي

المشاركة الأصلية كتبت بواسطة zamalek26

السلام عليكم انا متردد فى شراء النترا 2011 غبور وما بين اكسنت ار بى 2011 ...


- عرفت ان غبور عامل خصم وموصل سعر اول فئه اتوماتيك الى 104 ونص .

فا كنت عاوز اعرف منكم فئات الالنترا 2011 الاتوماتيك ومواصفات كل واحدة منهم وسعرهم بعد الخصم.


وهل العربيه اللى بتنزل مصر تقفيل كورى100% ؟لان سمعت ان في ناس بتقول اللى بتنزل مصر مواصفاتها مش حلوة ومش كورى 100% ارجو التاكيد ؟.


طب مواصفات الخليجى تفرق ايه عن مواصفات المصرى ؟؟؟مش الاتنين جايين من كوريا ولا انا غلطان؟وسعر الخليجى كم فى كل فئات الاتوماتيك؟؟



وايه موضوع الحك فى المطبات -ومطبات الهوا والمساعدين بخبطو فى بعض -والتجريح لو نازل من منزل جراج (هل الكلام دة بيحصل فعلا وانت مركب ناس ورة فى الكنبه ؟؟؟

هل العربيه بتهبط من ورة لما بيركب حد فى على الكنبه الخلفيه؟


أشكركم جميعا بس يا ريت لو حد عندة جميع مواصفات الاتوماتيك المصرى باسعارهم وكمان الخليجى باسعارهم (اتوماتيك بس)

و عليكم السلام و رحمة الله و بركاته....

-الخصم اللى غبور عمله... هو نفس الفلوس اللى غبور كان غلاهم بعد الثوره... بس معملش الخصم الا على الالنترا بس و أظن عشان خاطر ينزل الجديده.....

-الفئات معرفش بصراحه عشان كل فتره بيغيره فى الأوبشنز... ف ممكن تسأل فى التوكيل نفسه حيبقى أفيد منى...

-اللى أعرفه أن كل الالنترا تقفيل كورى ... و أن غبور مش بيجمع ألا الفيرنا... حتى الأن....

-الخليجى يفرق عن المصرى ليس فى التقفيل و لكن بيفرق فى التجهيزات و السعر حتكون أقل ... و ممكن يكون غبور مش بينزل الأوبشنز أصلا ديه...
بس ستفقد ميزة الضمان..... فيه ناس يفرق معاها و ناس لأ .. على حسب بقى حضرتك تحب ايه...

- الحك فى المطبات بيحصل لما تكون مركب 3 ورا.. و مش بيحصل بالطريقه الرهيبه اللى الناس بتصورها...
أنا مثلا مش متعود ناس تركب معايا وراه و باخد مطبات عاليه متعود عليها بسرعه معينه... لما ناس تركب وراه ببقى متعود على نفس السرعه فممكن تحك ... بس لو عديت بشويش شويه مش حيحصل حاجه عادى يعنى.. (ده المطبات العاليه بس).. و فى الأول و فى الأخر ده حاجه نسبيه من شخص للتانى.. و أنا مش شايف أنها مشكله أصلا...

مطبات الهوا أنا مش بحس بيها بصراحه.. ف مش حعلق.. .. بس أنا جبت 200 قبل كده و كان عادى... بس أنا مش بسافر كتير.. ف برده حسيب يمكن حد يفيدكأحسن... (العربيه عموما ثابته جدأ... مع العلم كنت بحس بالمطبات كتير أيام الاكسيل.. سواء سفر أو عادى :) بس كنت بحبها أوى العربيه ده)

تجريح النزول فى الجراج.. أنا مثلا عندى الجراج نزلته جامده ... كان الكواتشه اللى تحت الاكصدام كانت بتحك ... بس عمله الأرض بالأسمنت و ساووها و مبقتش بتحك (الكروز و البى أم اللى معايا فى الجراج كانوا بيحكوا عادى)

-المواصفات محتاجه حد متابع أكتر منى

العربيه بالنسبه لسعرها .. ممتازه و حتلبى احتياجاتك و زياده... المهم حضرتك تكون مقتنع .. و تقارن مع اللى حواليها عشان تبقى متأكد من اختيارك.. و ربنا يوفقك فى اللى فيه الخير

متشكر لكم جميعا فى انتظار اراء الزملاء