صوت صفافير على السريع

**akarem** · 28-05-2011 05:24 PM

السلام عليكم ورحمة الله وبركاته
ازيكم جميعا يارب تكونوا بخير
انا عملت صيانة ال 30 الف (مركز العبور) من حوالى شهر دلوقتى العربية معدية ال 32 الف
لاحظت بعد الصيانة ان في صوت صفافير طالعة من ناحية التبلوه وبعد كده بدات الاحظ انها كمان بتطلع من ناحية العجل لما اكون باخد مطب خصوصا وانا مش مهدى وساعات الصوت بيبقى مستمر مع السرعات العاليه فوق ال 100
انا مش عارف الصوت ده منين بالظبط
انطباعى العام عن الصيانة المرة ديه مش حلو حاسس ان العربية مش زى مابتكون بعد كل صيانة
بيجلى احساس ان العربية مفكوكة مش راسية كده زى كل مرة
ياريت حد يفيدنى !!!!!
وجزاكم الله خيرا

**mohamed_rhem** · 29-05-2011 01:47 PM

واحد من 3

ضغط الكاوتشوك والترصيص والزوايا

تربيط العفشه

علبة الدركسيون

**mohamed_rhem** · 29-05-2011 08:05 PM

التصفير ده بيكون واضح وانت مشغل التكييف

لو الاجابه بنعم

جرب تظبط الضغط علي 30 وشوف النتيجه ونتكلم لما تجرب وترجع

**akarem** · 31-05-2011 03:29 PM

السلام عليكم ورحمة الله وبركاته
شكرا على ردودكم

التصفير ده بيكون واضح وانت مشغل التكييف

لو الاجابه بنعم

جرب تظبط الضغط علي 30 وشوف النتيجه ونتكلم لما تجرب وترجع

لا من غير تكييف

لو غيرت تيل الفرامل ممكن يكون العيب منه

اعتقد لو من تيل الفرامل هيبان عند الفرملة

هوا بيبان لما اعدى على مطب سريع يعنى قصدى لما العربية تتهزر نتيجه حاجه على الطريق
زى اعدى فوق بلاعة مثلا او مثلا حته واطية عدت عليها بسرعه زى الحتت اللى في الدائرى كده او مثلا عديت على فواصل الكوبرى
هوا ممكن يكون تعبير الصفافير ملغبطتكم شوية هوا صوت ممكن يكون حاجه زى تزييقة كده انا مش عارف الصوت وصفه ايه
عارفين الصوت بتاع العربيات الميكروباص الالترمكوا ديه اللى عاملة زى الصندوق دايما كده تحس انها بتزيق وهيه ماشية
هوا تقريبا الصوت زى ده
هوا انا برجح عفشة بس انا حيران علشان لسه عاملها صيانة يا دوب من شهر كده
هيه حاليا 32 وكسر فامستغرب انها تربيط عفشة بسرعه كده