الموضوع: حد يعرف مدرسة كويسة فى الدقى أو المهندسين

المشاركة الأصلية كتبت بواسطة criminalshemo

السلام عليكم ...

انا حضرتك كنت بفكر ادخل بنتي " مصر للغات " وانا بدور لاقيت موضوع حضرتك فارجو المساعدة ... حضرتك حولت لاي مدرسة في اللي حضرتك كاتبهم ؟ .. وفعلا انا كنت قلقانة من مصر للغات في المراحل الكبيرة لان كل اللي بسأله بيكون في كي جي او برايمري ومبسوط ..
فأرجو يكون مفتاح اللغز عند حضرتك ... وشكرا

مصر للغات كانت مدرسة كويسة ايام الله يرحمها ماجدة موسي...
بعدها كل شئ سئ ... مابين تدريس و إدارة كلهم أسوأ من بعض...
و أسلوب حل المشاكل معروف عندهم ... الرد بعجرفة و استفزاز على ولي الأمر لحد ما يفقد أعصابه فينهوا المناقشة بحجة ان العصبية لا تليق..!!

البنات عندي و الحمد لله من سادسة ابتدائي في لاروز دي ليزيه ... بصراحة معاملتهم صارمة و لكن أكتر من رائعة في الحفاظ و العناية بالتلاميذ ... أنا ماعنديش مشكلة في القواعد الصارمة يمكن لأن ده طبع في أصلا و لكن لو فيه أي حاجة الطالب او الطالبة بيحتاجها بيلاقي كل ابواب المساعدة مفتوحة...

أنا البنات عندي و الحمد لله متفوقين و اتكرموا اكتر من مرة من وزراء التربية و التعليم و مديرين المديريات و الأدارات التعليمية ...

مصر للغات كان بتقتل فيهم التميز بتاعهم لكن لاروز بتساعدهم على حسب ما يقدروا.

المشاركة الأصلية كتبت بواسطة yuong313

مدرسة الطلائع الاسلامية ممتازة من الناحية التعليمية انا حولت ابني فيها ونزلته سنة علشان احجزه مكان في المدرية دي باختصار رائعة
ابعد عن لاروز دى ليزييه
لو عايز تدخل ولادك حاجة من اتنين يانارمر يا الطلائع

شكرا للنصيحة بس هي متأخرة شوية ... و عموما بصراحة أنا ما قابلتش أي مشاكل تذكر في لاروز لحد اليوم و الحمد لله ... طبيعي يحصل شد و جذب مع احد المدرسين لكن الأدارة على طول بتحل الأشكال فورا و بدون تصعيد أو تبعيات للموضوع و أشهد لهم بكده.. ثانيا لو حد زي ما سبق و قلت عنده مشكلة بيتعاملوا معاها بجدية و احترافية مشهودة .. و ده مش معايا بس ... مع كذا ولي أمر اتعرفت بيهم هناك ...
أكيد مافيش مكان الكل هايشكر فيه و لكن الغالبية بتحدد...

و تحياتي للجميع