العفشة الرياضيه بتزود الثبات و بتكون خشنه فى المطبات
هل توجد عفشه رياضيه بس تكون ناعمه فى المطبات؟؟
و ما المقصود بنظام التعليق؟؟؟
عرض للطباعة
العفشة الرياضيه بتزود الثبات و بتكون خشنه فى المطبات
هل توجد عفشه رياضيه بس تكون ناعمه فى المطبات؟؟
و ما المقصود بنظام التعليق؟؟؟
الموضوع رائع يا ريت الخبراء يفيدونا
اعتبر الراحة و الثبات كفتين ميزان... لوزودت واحدة لازم التانية تخف
يعنى مينفعش ععفشة رياضية تبقى مريحة او عفشة مريحة تديك ثبات على سرعات
الفكرة فى النقطة اللى انت بتقف عليها بين الاتنين حسب اللى بتشترية... يعنى لو جبت سوست و مساعدين كونى حتبقى عربيتك ثابتة على الارض لكن الراحة حتقل... مش معنى كدة ان العربية حتبقى زى عربيات الكارو و بترزع فى اقل مطب لكن انت حتحس بكل حاجة على الطريق
ممكن مثلا تركب مساعدين مونرو على السوست الاصلية و دة حيديك نسبة ثبات احسن من المساعد الاصلى و فى نفس الوقت مستوى الراحة مش حيتاثر كتير
زى ما قلتلك... مينفعش الاتنين مع بعض لانهم عكس بعض
نظام التعليق ---> العفشة
MMamdouh
شكرا على الاضافه
شوف Koni FSD
اشوه Koni FSD ؟؟؟
لو انت عارف حاجه عنها قول
وطب ايه الافضل الواحد يركب عفشة رياضية ولا لآ ونوع العفشة اللى بتنزل مع اللانوسدة كويس ولا ايه وايه عيوبة وايه مميزاتة لو فى يعنى
3andy wa7ed sa7by m3ah lanos 2004 we 7atlha 3afshet opel we kwaysa we a7sn men bta3tht
العفشة الرياضية ناشفة لانها بتدي ثبات مرععععععععععععععععععععععع عععععبببببببببببببببببببب بببببببب و زي ما قال ممدوح عايز راحة يبقي هتخف الكفة التانية واحد اعرفه حاطط عفشة race في الهيونداي كوبيه و الثبات بقي اضعاف العفشة العادية و التحمل بقي اضعاف العادي لانه اصلا كان مغيرلها مقصات
IBIIIIIIIIIIIIIIIIIIIIIIIIIIIIIZZZZZZZZZZZZZZZZZZZ ZAAAAAAAAAAAAAA FOR EVER
ممكن تعمل حاجه اظرف وانا شخصيا ناوي اعملها
انك تجيب مساعدين مونرو وسوست h&r (ودي سوست الماني رقم واحد في العالم ) وموجودين عند رشاد امبابي في المعادي
دا في حالة انك بتتكلم عن وعربية واحدة
أصدي إن مش شرط العربية عشان تبئة stable تبئة ناشفة عندك المرسيدس وال bmw ناعمة و-stable
أنا رأي المقولة عشان تبئة أدق ماينفعش عربية صغيرة فال حجم و-stable غير و-عفشتها ناشفة إلى حادن ما
وطبعاً فلأول وفال أخر العربية السبورت ف نظرك غير ف نظري ونفس الكلام على الراحة وال stability
عافشة رياضى لـ دايو جوليت تعملها كام ونوعها واجبها منيييييييييييييين ؟؟؟؟؟؟
3.500 f share3 demesh2 bas da 3ala 7asab el sama3
شكرا يا رامى جدا
ده كلام نسبى... صحيح المرسيدس و الBMW ثابتين بس مش ثبات عربيات رياضية ولا مكنش نزل للعربيات دى عفشات رياضية
صحيح العربيات دى ثابتة دة لان العربيات دى متقدمة جدا فى ناحية لالتكنولوجيا و فيها عفشة بتوفر اعلى تماسك ممكن مع الطريق... بالنسبة لعربية ليموزين
لو حطيت اى عربية فيهم على تراك و ضغط عليها فى الملفات حتفقد اتزانها و تخرج عن الطريق برضة زيها زى اى عربية ليموزين عادية... الفرق اللى بتكلم عليه فرق بين عفشة عربية ليموزين و عفشة عربية رياضية مش فرق بين عربيات ليموزين
لو كلامك صح كانت الM5اللى وزنها داخل على 2 طن متحتجش عفشة رياضية لانها BMW و تقيلة
MMamdouh
دول اربع سوست ولا اتنين؟؟؟؟
ولا سوسته واحده:)
4 سوسات طبعا
يعني يا شباب ممكن افهم حاجه
انا ناوي اجيب دايهاتسو تيريوس
وهي ليها عفشه سبور؟؟؟؟
يعني معنى كده مش هاتكون مريحه في السواقه وهاحس بكل زلطه ومطب في الطريق؟
اصلا التيريوس ناشفة خلقة... انت عايز يجيلك دسك؟
و بعدين التيريوس عربية جيب مش عربية رياضية فا احتمال انك تلاقيلها عفشة رياضية زى احتمال انك تلاقى تربو كيت للزستافا... الا اذا كنت بتتكلم عن عفشة للرايات الصحراوية و كدة
MMamdouh
طيب التريوس عفشتها ناشفة يعنى المفروض تكون ثابتة بس هى عكس كده
دا لانها فى الاصل عربية جيب (او بتحك نفسها فى العربيات الجيب بمعنى اصح)
و لو بصيت على العربية كويس حتلاقى العربية طويلة لكن مش عريضة و بالتالى الثبات فى الملفات وحش
و لو بصيت تانى حتلاقى العربية عالية عن الارض و بالتالى مركز ثقلها عالى و الثبات فى المناورات بشكل عام و الملفات بشكل خاص وحش
و لو بصيت على الكاوتش حتلاقى الارتفاع بتاعة عالى high profile و دة برضة بياثر على الثبات و رد فعل العربية على الطريق
الموضوع مش نشوفية و بس... الموضوع اكبر من كدة بكتير
MMamdouh
طيب شوية أسئلة معلش إستحملوني
بما إن العفشة الرياضية أنشف وبالتالي يقل شعور الراكب بالراحة
إزاي ممكن أحصل على أعلى معدل من الراحة لأني مش عايز أجري لأن أصلاً مفيش طريق في مصري يشجعني على كده إلا القليل
يعني ليه دايماً بتتكلموا إن فيه ماركات لسوست ومساعدين رياضية ومبتتكلموش إن فيه ماركات بتدي راحة ولا هوا مينفعش إني أخد نعومة الكورولا مثلاً وبلاش نقول البي إم (حتى القديم منها إلي مفيهوش كومبيوتر وتكنولوجيا والكلام الكبير ده) ولو على عربية قديمة زي عربيتي مثلاً
ملحوظة ليه أنا حاسس إن العفشة الإستوك بتاعت العربية اللانوس بتاعت أبويا أوحش من عربيتي على الرغم من فرق الموديل ولا أنا بيتهيقلي
بإختصار أنا عايز أعمل العكس عايز أخد النعومة بتاعت العربية بغض النظر ده هيقلل من ثبات العربية وأنا بأخد الملفات بتاعت المحور أو الدائري على 120 هل في عفشة بتركب لتحقيق هذا الهدف زي العفشة الرياضية كده
كمان سؤال
تفرق في إيه إني أغير العفشة عشان أركب جنوط 15 أو 16 على عربيتي هوا مش مكان المساعد إلي بيتقال إنه هيعاكس في الجنط العريض أوي هيفضل هو هو نفس المكان لو غيرت لمساعد نوع تاني
ولا هيا المساعدين بيتغير مكانهم بتغيير نوعهم ولا إيه الحكاية
كمان سؤال
أعرف منين إن عربيتي القديمة ممكن يركب عليها عفشة أو مساعدين وسوست رياضية أو مينفعش ممكن حد يدلني على موقع يفيدني ولا لازم أنزل المحلات وأسأل بنفسي
يا ريت لو حد عنده موقع ممكن يديني شكل جنوط على نفس موديل عربيتي من غير ما أضطر أرفع صورة عربيتي بالجمب ولا برنامج Tunning ولا فوتو شوب يكسب فيا ثواب
أنا أسف إني طولت لكن لو حسيت إني بتكلم كتير وبقول كلام مينفعش إنك ترد عليه ببساطة لأنه أهبل خدني على أد عقلي وجاوب على إلي يعجبك ولو حتى نص إجابة وربنا هيرزق بالباقي
والله أنا عايز أتعلم وأفهم وإن شاء الله هكون كويس لو إستحملتوني وأنا أسف
انا عايز اعرف هوا ايه نوع العفشه الرياضيه اللي تركب علي الفيرنا
انا سألت كتير وقالولي في المحلات ان الفيرنا بيتوفقلها عفشه لأنها منزلتلهاش
السؤال بقي هنا ايه هيا العفشه اللي بتتوفق للفيرنا دي يعني اجيبها ايه
انا ناوي اجيبها من بره مصر عشان انا شايف ان سعرها هنا مبالغ فيه شويه
فلو حد يقدر يفيدني اجيب ايه بالظبط اكون شاكر ليه جدا
بص يا باشا....
العفشة نوعين أتنين بس.....عادية و رياضية........و زى ما قال ممدوح كفتين ميزان....واحدة تزيد يبقى التانية هتقل
لو أنت عاوز تحقق جزء من المعادلة دى يبقة ممكن تكتفى بجنوط أكبر وكاوتش أعرض بس متقللش أرتفاع الكاوتش قوى عشان كل لما بيقل كل لما تحس بالمطبات.
+ أنك ممكن تركب مساعدين مونرو لعربيتك.......هتديك ثبات أعلى و مستوى نعومة كويس.
أنت عربيتك بتنزل بجنط 13 أصلاً صح ؟؟؟
يبقى كده ميفعش عشان تبقى ماشى فى السليم أنك تجنط أكتر من 15 عشان كل لما الجنط يكبر بيبقى أتقل من اللى العفشة تستحمله وبالتالى بيأثر على عمر مختلف مكونات العفشة وبتبوظ بسرعة.....وكمان لو هتركب 15 يبقى لازم مقاس معين عشان الكاوتش ميحكش فى الرفارف فى الملفات و المطبات.
عاوز تعرف أذا كان فى عفشة رياضية للسويفت ولا لأ؟؟؟
أدخل على كونى مثلاً وأختار موديل عربيتك وهتشوف أذا كان بيعملولها ولا لأ
لو بيعملو يبقى هتنزل تسأل بكام ومتوفرين ولا لأ وكده
الباقى مش هقدر أفيدك فيه للأسف
طيب تمام اوى ودول يبقى فى حدود كام مثلا يعنى المونرو عاملة كان والسوست h&r عاملة كام ..وهل دول ليهم علاقه بالتجنيط يعنى هيفيدنى لو عاوز اكبر الجنط؟
طيب
أنا أولاً شاكر للأستاذ أحمد عبد المقصود حضرتك ذوق ذوق ذوق الصراحة :flowers:
فهمت حاجات
في مساعدين ماركات زي كوني ومنرو عادية مش رياضية ممكن أركبهم هيكونوا أحسن أكيد من إلي راكبين عندي على إعتبار إنهم أعلى في الجودة
جنوطي أصلاً 13 فعلاً
وكمان السوست هتساعد مع المساعد على الحصول على أفضل راحة ونعومة وكمان لو ركبت عليهم جنط 14 على كاوتش 185/60 يبقى كده جبت أخر العربية صح
طيب محدش جاوبني على سؤالي ليه بشوف على النت جنوط أكبر على نفس العربية هما بره بيعملوا إيه ؟
لو لاقيت على الموقع مساعدين لعربيتي هل ده معناه إنها تركب على الموديلات القديمة كمان من نفس العربية ولا لأ ؟
ممكن تفيدني رشاد امبابي فين في المعادي؟ولك جزيل الشكر
بص يا باشا
المساعدين اللى مش رياضية بتدى أداء أحسن من الأصلى بس برده بتكون أنشف شوية من الأصلى.
السوست الواطيه هتزود أحساسك بنشوفية العفشة شوية.
أزاى بيركبوا بره جنوط أكبر؟؟
أنت ممكن تركي جنوط أكبر بس بحدود مع العلم أن فى شوية حاجات تاخد بالك منها.
الحدود أيه بأه؟؟؟مقاسات الجنط والكاوتش الأصلى قد أيه.....وتقدر تزود عليهم أد أيه من غير ما العجل يحك فى الرفارف فى المطبات أو فى الملفات.
بره ممكن يجيبو أكبر مقاس ممكن يركبوه على العربية من غير قلق بس فى مصر صعب....ليه؟؟؟ عشان غالباً هتلاقى الجنط الجديد وزنه مع الكاوتش أتقل من الأصلى وبالتالى بيحمل على العفشة و ممكن يبوظ العفشة بسبب المطبات العظيمة اللى فى بلدنا.
أنت على الموقع بتدور أصلاً بموديل العربية.....يعنى هتختار الماركة الأول ( سوزوكى )وبعد كده الموديل ( سويفت ) وبعد كده السنة ( 93 )........لو بعد أختيار الماركة ملقيتش موديل عربيتك موجود يبقى مبيعملوش مساعدين لعربيتك.
100 100 ++++++++++++++اقتباس:
عشان غالباً هتلاقى الجنط الجديد وزنه مع الكاوتش أتقل من الأصلى وبالتالى بيحمل على العفشة و ممكن يبوظ العفشة بسبب المطبات العظيمة اللى فى بلدنا.
السلام عليكم
أنا عندي بونتو 2000 ولما دخلت علي الموقع بتاع كوني ملاقيتس أصلا فيات موجودة في الأختيارات :36_3_10[1]:
المهم أني قابلت واحد مركب جنوط كبيرة علي الأبيزا بتاعتة ولما سألتة عن السبب وأنه ازاي عامل الحوار دة قالي أنه مركب جنط مقاس 15/195/ 50 وقالي دةه أنسب حاجة للعربية وميخلهاش تحك في الرفارف .. دة بالنسبة للهاتش باك لأن الجنط الأصلي 13
أرجو من الأخوة الزملاء الرد والتعليق وشكرا
لو تفضلتو يا ريت عنوان رشاد امبابي بالضبط وتليفونه نرجو الاهتمام .
شكرا على المعلومات
يعنى ايه ستانس stance ؟
https://goo.gl/H7iskn
ادخل هنا هتعرف