يا سيدي الفاضل العربية فيها إللي فيها لو حضرتك بس تريحني و تعرفني ليه ما شرفتنيش بالزيارة الكريمة - بخصوص الملاحظات و إستلام باقي الفلوس - بدءاً من الخميس التالي للعملية الجراحية لزوجتي ، و جنابك موجود في الحرفيين و لا حتى قلت لي من خلال الموبايل قبل ما تغادر ؟ هل كان في حل يرضيك و يجنبك الحرج في مكان عملك و أنا قصرت بما إن- على كلام حضرتك للأعضاء - العربية مسؤوليتي؟
السلام عليكم و رحمة الله و بركاته
سيادة العقيد خالد انا استلمت من حضرتك العربية يوم الثلاثاء بالليل .
الأربعاء صباحاً كنت عند حضرتك فى الورشة بصلح كالون الكنبة و بكمل مسامير سندات الكنبة و بثبت مواسير التكييف علشان عاملة صوت و بعتونى الورشة بتاعت السوسات علشان أغير كاوتش السوسات الخلفية و أوطى العربية علشان كانت عالية و لما الوقت أتأخر علشان موضوع الكاربراتير البايظ قلت للأستاذ ياسر و وليد حروح أصلح الكاربراتير و أرجع علشان بياخد وقت علشان لازم يبرد و رحت مركز الصفا كانت الساعة 5 مساءاً و قالى لازم العربية تبات علشان بنقفل الساعة 6 مساءاً.
الخميس رحت علشان استلم العربية حسب المعاد الساعة 2 ظهراً خلصت على الساعة 4 مساءاً .
رجعت على الحرفيين عملت زوايا و رحت نقطة الحرفيين علشان أعمل محضر فقد رخصة منفعش رحت على قسم السلام منفعش رجعت لواحد معرفة فى نقطة الحرفيين عملى المحضر اللى بيه السواق يقدر يسافر المنصورة و بعدها على دهب.
و اللهى العظيم ثلاثة ما جاش فى بالى إن حد يكون قريبه بيعمل عمليه يوم الأربعاء و يروح الشغل يوم الخميس بدليل انى عديت من قدام ورشة سعادتك حوالى 7 مرات ولا مرة بصيت فيها على سعادتك و مستحيل فى ظرف زى ده إنى اتصل على سعادتك فى الظرف اللى انت فيه و أسأل على حاجة فى العربية أو حتى أسأل على فلوس.
من فضلك لاحظ إن كلامك مليان تجريح .
يا سعادة العقيد خالد انا عمرى مقدر أغلط فيك.
حضرتك بعد ما رجعت بسلامة الله إلى دهب ، إيه المطلوب منّي بالنسبة للشغل و هل الأسلوب ده الملاحظات ممكن تتلافى ؟
عملياً مستحيل
1- أدخل نفسى فى موضوع العربية تانى.
2- الإدارة تسمح أن العربية تنزل القاهرة تانى 1200 كيلو و مش معروف حترجع أمتى.
3- مضمنش السواق ينزل بيها يحصله حاجة أشيل ذنبه.
جنابك و باقي الزملاء عارفين إني محتاج العربية قبل الشغل على الطبيعة و مش بالصور و حضرتك رافع صور بملاحظات السمكرة مش تشكيك في كلامك و لكن الصور في العموم ليست الفيصل في مهنة السمكرة .
اقتباس:
المشاركة الأصلية كتبت بواسطة col. Eng. Khaled
قبل تركيب الموتور يا حضرتك يا الأستاذ عماد (مش متذكر بصراحة) حد من حضراتكم شاف الحوض
إللي شاف الحوض ما علقش ليه ؟؟؟؟؟؟؟؟؟؟؟؟