الموضوع: هوندا سيفيك2007 سوداء للبيع ..

الف مبرووك علس التريوس

انا كان نفسي اشتريها من زمان

بس كل الناس خوفوني منها وخاصة سعر اعادة البيع

ياريت حضرتك تقولي مميزاتها وعيوبها بعد ما جربتها فعلاوهي طبعا ياباني 100*100

بارك الله لك فى سيارتك الجديدة ونسأل المولى عز وجل ان يعطيك خيرها ويكفيك شرها , واشكرك على سعة صدرك واسلوبك الراقى الذى دفعنى دفعا الى المشاركة فى موضوعك هذا واحييك على هذا الاسلوب الراقى فى الرد.

سبب البيع ايه بامانة تحاسب عليها امام الله؟

المشاركة الأصلية كتبت بواسطة zimofox

سبب البيع ايه بامانة تحاسب عليها امام الله؟

________________________________________________

المشاركة الأصلية كتبت بواسطة م. تيمور

العربيه عيوبها انها واطيه وجابتلي اكتئاااااب .. وخصوصا اني سااااكن في وسط البلد .. يعني لو في الشيخ زايد او القطامية هايتس مكنتش ححس بالخنقه وسط الزحمة
تاني سبب المساعدين بتوعها مش مرنين .. يعني اقل مطب احس اني في ديسكوفري بتاع دريم بارك
تالت سبب الخرابيش .. الواااد زعبوله ابن الكلـ... مصر ( يطوق ) العربية بفوطته اللي زي ورق الصنفره كل ما اركن في حته .. (( ابوس ايدك .. حديك عشره جنيه بس ما تطوقهاااش )) ... دي عبااارة قلتها عدة مراااات لزعبوله ولكنه لا يرتدع .. بل اشعر احيانا انه مستعد لدفع مبلغ ما في سبيل انه ( يطوق ) العربية بالصنفره الحدادي المتسخه التي يحملها
هي ليه بلدنا بقت مليااانه بزعبوله ؟؟ .. ليه مش زي افلام الزمن الجميل لما كانت نضيفه وراقيه قبل ما ييجوا عشيرة زعبوله ويملوها قذاره وترااااب وقرف ..
معلش ما تزعلوش من كلامي ..
المهم اني فكرت لو معايا 4*4 بطقم ديفيندر كاااامل حيرحمني شوية من ( ترييح ) العربيات اللي بيزقها زعبوله كل ما ييجي يصف عربيتي ..
كمان فيه سبب رئيسي اني حاخد ان شااء الله 30 الف جنيه كاش من المعرض + حيقل القسط الشهري 400 جنيه + عربية 2008 برضو احلى من 2007
المفروض ماكنتش اقول الكلام ده .. بس انا بحب التلقااائية والبساااطه في كل شيئ
تحيتي لكم ................