بصراحة الشىء العجيب والذى يظهر ان من قام بالتخطيط لفصل المحافظات الجديدة عن القاهرة لم يدرس الامر بشكل محترم وجدى وعلمى وفنى 000 فهل من المعقول ان يتم وضع المحكمة الدستورية العليا ضمن حلوان وفجأة يتم تدارك الامر بشكل خاطىء وجعل الكورنيش تابع للقاهرة - طيب اللى وراء المحكمة تبع المعادى 000 اية العك دة - شغل قص ولزق والله العظيم
وكان يجب استشارة واستفتاء الناس اللى زى الشطرنج بتوع المعادى انتم عايزين تنتقلوا لحلوان ولا لا - لكن من يسمع ومن يرى ؟
عموما بالنسبة لمقر المحافظة الجديد سوف يكون بحلوان ولكن هناك مقر مؤقت بالمعادى وسوف يستمر المحافظ فى مقرة بالمعادى وايضا بحلوان
اما القاهرة الجديدة والرحاب ومدينتى والشروق و15 مايو كل هؤلاء تابعين لحلوان وان كان لى اعتراض على وصف حلوان بان بها اناس خربانين او الفاظ يعاقب عليها القانون لان حلوان كانت منذ فترة طويلة مشتى لكبار وعليه القوم فى مصر لمن لايعرف ، على فكرة انا لست من سكان حلوان واقطن بالمعادى وان كنت بأفكر النقل للقاهرة لاننى اعشق القاهرة بكل ما فيها
وعايز ارفع قضية لارجاع منطقة المعادى الى محافظة القاهرة والمعاملة بالمثل مثل المحكمة الدستورية العليا
اية رايكم 000 هل من مؤيد
المفضلات