آخر كلام ايه : المعادي تبع القاهرة و لا حلوان ؟؟

**ashour** · 24-04-2008 12:29 AM

يبقى الاحسن ان المعادى تبقى تابعه للقاهرة
ده حتى حرام حى راقى زى ده و فيه مجموعه سفارات بعد التقسيم هيبقى جزء من اقليم مش جزء من العاصمه... تيجى ازاى؟

**abdelaziz-waleed** · 24-04-2008 09:12 AM

المشاركة الأصلية كتبت بواسطة ashour

يبقى الاحسن ان المعادى تبقى تابعه للقاهرة
ده حتى حرام حى راقى زى ده و فيه مجموعه سفارات بعد التقسيم هيبقى جزء من اقليم مش جزء من العاصمه... تيجى ازاى؟

متشكرين يا سيدي

**Noha.M** · 24-04-2008 09:22 AM

المشاركة الأصلية كتبت بواسطة abdelaziz-waleed

متشكرين يا سيدي

ايه يا عم وليييد شكلك بقيت قماس على فكرة:D:D:D

انا اللى مستغرباه اصلا موضوع الجامعة ! هل كل المعادى هتبقي جامعة حلوان ؟ طيب افرض فى واحد عايز قسم معين او حاجة معينة مش موجودة فى جامعة حلوان ؟.هيبقي ايه العمل ساعتها ؟؟ طيب و بعدين دة محافظة القاهرة كدة على تقسيمتهم بقت مصر الجديدة و مدينة نصر و كام حتة برضضه كدة طيب ما دول اصلا عندهم جامعة عين شمس !!!

**abdelaziz-waleed** · 24-04-2008 10:18 AM

المشاركة الأصلية كتبت بواسطة onna

ايه يا عم وليييد شكلك بقيت قماس على فكرة:D:D:D

انا اللى مستغرباه اصلا موضوع الجامعة ! هل كل المعادى هتبقي جامعة حلوان ؟ طيب افرض فى واحد عايز قسم معين او حاجة معينة مش موجودة فى جامعة حلوان ؟.هيبقي ايه العمل ساعتها ؟؟ طيب و بعدين دة محافظة القاهرة كدة على تقسيمتهم بقت مصر الجديدة و مدينة نصر و كام حتة برضضه كدة طيب ما دول اصلا عندهم جامعة عين شمس !!!

ههههههههههههههههه :D:D:D
لا والله يا اونا مش قماص ولا حاجة اصل انا ملاحظ ان استاذ عاشور زعلان ان المعادي حي راقي ويضموه للمعفنين الجربانين اللي ما بيستحموش بتوع حلوان

بس على ما اعتقد ان التوزيع الجغرافي في موضوع الجامعة دا غلط جدا وفكرة فاشلة. هما ممكن يكونو عاوزين يعملوا كدة علشان يخفو الحمل شوية عن المواصلات ساعة الذروة لأن كل واحد جامعته هاتكون قريبة منه ومش هايحتاج يركب مواصلات كتير. بس هما نسيو ان في حاجة اسمها الكثافة السكانية بمعنى ان شبرا لوحدها ممكن تملى جامعة القاهرة وعين شمس وحلوان مع بعض على عكس مناطق المعادى وحلوان الكثافة فيهم اقل بكثير

.

**Karim_Monir** · 24-04-2008 10:33 AM

المشاركة الأصلية كتبت بواسطة abdelaziz-waleed

نسيو ان في حاجة اسمها الكثافة السكانية بمعنى ان شبرا لوحدها ممكن تملى جامعة القاهرة وعين شمس وحلوان مع بعض على عكس مناطق المعادى وحلوان الكثافة فيهم اقل بكثير

.

اوووووبا من
بيجيب في سيرة شبرا والشبراوية
لالالالالالالالالا:p

**Noha.M** · 24-04-2008 11:54 AM

المشاركة الأصلية كتبت بواسطة abdelaziz-waleed

ههههههههههههههههه :D:D:D

لا والله يا اونا مش قماص ولا حاجة اصل انا ملاحظ ان استاذ عاشور زعلان ان المعادي حي راقي ويضموه للمعفنين الجربانين اللي ما بيستحموش بتوع حلوان

بس على ما اعتقد ان التوزيع الجغرافي في موضوع الجامعة دا غلط جدا وفكرة فاشلة. هما ممكن يكونو عاوزين يعملوا كدة علشان يخفو الحمل شوية عن المواصلات ساعة الذروة لأن كل واحد جامعته هاتكون قريبة منه ومش هايحتاج يركب مواصلات كتير. بس هما نسيو ان في حاجة اسمها الكثافة السكانية بمعنى ان شبرا لوحدها ممكن تملى جامعة القاهرة وعين شمس وحلوان مع بعض على عكس مناطق المعادى وحلوان الكثافة فيهم اقل بكثير

.

والله يا وليد لو الموضوع فعلا اتبصلو من ناحية انه هيخف المركزية فخير و بركة و راحة لينا احنا بدل ما كل القاهرة الكبري بتخلص مصالحها فى حتة واحدة ..دة بغض النظر عن التهليب اللى هم عاوزين يعملوه :D

اما باة عن المسميات محافظة حلوان ولا محافظة التجمع ولا محافظة الرحاب انا بقول يضموهم كلهم فى كلمة واحدة تبقي مثلا " حلورحابتجمع " عشان محدش يزعل على الحى الراقى بتاعه :D:D:p:p:p

**ashour** · 24-04-2008 12:34 PM

المشاركة الأصلية كتبت بواسطة abdelaziz-waleed

متشكرين يا سيدي

معلش يا أستاذ وليد يظهر أن حضرتك فهمت كلامى غلط
انا ببص عليها من الناحية المحايدة لأن طبيعى أن سفارات الدول تبقى فى العاصمة
و أى محافظة غير العاصمة تبقى أقليم... بس للأسف معرفش ليه لفظ أقليم دايما بيتفهم بالشكل السلبى ده . ما هو بره فى أسبانيا عندك مثلا مدينه برشلونه تعتبر التانيه بعد العاصمة مدريد (زى أسكندريه عندنا كده) و بيقولو عليها أقليم كتالونيا أو حتى فى ايطاليا مدينه ميلانو العاصمه الاقتصاديه لايطاليا (معندناش زيها فى مصر بس تقدر تقول زى دبى كده على اساس ان ابوظبى هى العاصمه) بيقولو عليها أقليم الومبارديا.
و على فكرة كمان انا بقيت من أقليم 6 أكتوبر.. يعنى بقيت معفن و حربان و نويت مستحماش عشان اتناسب مع كونى ساكن من سكان الاقاليم زى محضرتك وصفتنا.