صاج اللوجان اقوى من البيجو 504

**ayman1204** · 29-05-2011 05:02 PM

وانا عند السمكرى علشان كان بيرد الحتة بتاعت الرفرف المشهورة للوجان

http://www.nilemotors.net/Nile/222677-a.html

الراجل بصراحة طلع عينوا قدامى وكان مستغرب جدا جدا جدا لية بقى

كان بيصلح فى عربية بيجوا 504 لما انا جيتلوا وشاف الخبطة قلى يا باشا دى بسيطة ومش هتاخد منى وقت لما جيه يعملها لقى ان الصاج وهو بيدق فيه اقوى من البيجو اللى كان بيصلحها من 5 دقايق والراجل اتفاجاة ان العربية دى 2011 قلى هو عربيات جديدة بتنزل من الصاج دا ؟ قولتلوا دى اللوجان يا عم

ومن ساعتها وانا موهوم
وكان معايا واحد صحبي معاه لانوس برضوا اتفاجة لما الصاج كان بيترد بصعوبة وانبسط اوى من اللوجان وصاجها

فانا عاوز اعرف هل الكلام دا حقيقى ولا كان بيقول كدة وخلاص

**amr5500** · 29-05-2011 06:07 PM

مااعتقدش انه حقيقي

**zkralla** · 29-05-2011 06:27 PM

يمكن بس عشان الخبطه الى فى اللوجان جاية فى داير الرفرف

**HOSSAM99** · 29-05-2011 06:52 PM

السلام عليكم
من مصلحة حضرتك إنها متكونش بقوة صاج الـــ504

**ayman1204** · 29-05-2011 06:58 PM

فى ناس بتقول علشان المنطقة اللى كان فى الخبطة كانت فى الشفه
ودى انشف منطقة فى العربية ؟؟؟

**zkralla** · 29-05-2011 07:07 PM

المشاركة الأصلية كتبت بواسطة ayman1204

فى ناس بتقول علشان المنطقة اللى كان فى الخبطة كانت فى الشفه
ودى انشف منطقة فى العربية ؟؟؟

بالظبط الحته ديه شفه ناشفه والصاج فيها كمان طبقتين (طبقه الرفرف وطبقه الكارتيره -ده بالنسبة للرفرف الخلفى لكن الاماى الكارتيره فبر)
عموما اللوجان اخف صاج فيها صاج الرفارف الاماميه والخلفيه عشان لا قدر الله فى حاله الحوادث ما يقفلش على الباب ويمنع الباب من انه يتفتح

**MASERATI** · 29-05-2011 07:10 PM

السلام عليكم و رحمة الله و بركاته

أنا متهيألى أن السمكرى, لقاها ناشفة عشان مكان الخبطة, لكن أنا أعتقد أنه لو كان شغال فى مسطح باب و لا حاجة, كانت بأت أسهل من كده.

و ربنا يباركلك فيها و ماتحتاجش سمكرى, لا فى باب و لا فى رفرف.

فعلا, لو كان فيها تخانة الصاج بتاع الpeugeor 504 كانت بأت مشكلة و حمل كبير على المكنة, هى 1600 cc, صح؟؟؟؟

**akerima** · 31-05-2011 02:18 PM

انا كنت عامل موضوع علي منتدي تاني للاسف مش دا والخبطة كانت في الرفرف الامامي من فوق جمب فانوس الاشاره ونفس الكلام دا قلهولي السمكري واللي قال ان مش مصلحة انه يبقي في متانة صاج البيجو عنده حق لان السمكرية مبتعرفش تعدلة صح زي الهونداي والدايو - ولان السمكري اللي انا بعمل عنده معايا من زمان وجربتة في كذا عربية منهم ماتريكس اتحدي اي واحد يقول ان رفرفها كان مخبوط وعدلهولي علي البارد مكنتش راضي عن الشغل اللي ايعمل في العربية بتاعتي بس لاقيتة بيحلفلي ان الصاج دا مشافوش بقالو سنين وانة من بتاع زمان ايام ما العربيات كانت بتنزل بصاج بحق وحقيقي - انا دلوقت مش عارف دي ميزة ولا عيب؟؟؟؟؟

**ivanoviskie** · 31-05-2011 06:30 PM

أنا لا أعتقد أبدا إن كلامه حقيقي, أنا أي حد بيسند و لا بيقعد على العربية بلاقيه ساب الختم بتاعة عليها و أنا منفوخ أوي من الموضوع ده........ تلاقيه قالك كده عشان تكرمه شويتين في الحساب.

عموما ربنا يباركلك فيها

**Super_Star_h** · 01-06-2011 04:04 AM

مش صحيح الكلام ده
الرفارف اللى ورا هي انشف حاجه فى العربيه
وخصوصآ فى الشفه لان وراهاا الكفرات الصب مسكه فيها جامد

الموضوع: صاج اللوجان اقوى من البيجو 504

LinkBack

أدوات الموضوع

عرض

-

-

-

-

-

-

المواضيع المتشابهه

استفتاء بخصوص وحوش البيجو مش مالكين البيجو

مرايا اللوجان المغربى الكهربا تشبه اللوجان الرومانى موديل 2010

البيجو ال 309 اقوى من ال405 و الدليل الفيديو المرفق

ساعدونى ف اتخاذ قرار اشترى البيجو 205 دى ولا لا؟(معنديش خبرة ف البيجو )

الى اقوى رجالة فى اقوى منتدى فيرنا اتوماتيك 1600 ولا جين تو اتوماتيك

الكلمات الدلالية لهذا الموضوع

المفضلات

المفضلات

ضوابط المشاركة