1- ممتاز
2- جيد او مرضي
3-ضعيف وسيء
الرجاء من اخواننا المحترمين التعليق على التقييم سلباً او ايجاباً من أجل ان تعم الفائده ان شاء الله وجزاكم الله كل خير .
عرض للطباعة
1- ممتاز
2- جيد او مرضي
3-ضعيف وسيء
الرجاء من اخواننا المحترمين التعليق على التقييم سلباً او ايجاباً من أجل ان تعم الفائده ان شاء الله وجزاكم الله كل خير .
ياراجل في يوم زي النهارده انتا محتاج تكييف 40 حصان جوه العربية
انا صوت جيد او مرضي لانه مش وحش وفي نفس الوقت فيه احسن منه
motawaset/ma2bool
مكيف الميجان جيد لكن مش زي الياباني يعني لو الياباني محتاج 10 دقائق علشان يكيف السيارة مكيف الميجان محتاج 20 دقيقة علشان يكيف السيارة
أنا صوت بإنه جيد
أنا إمبارح كنت فاتح التكييف على درجة 2 فقط الساعة 1 ظهرا علشان كنت راكن العربية فى الجراج فكانت باردة لكن لما أركنها فى الشمس بتاخد وقت أطول طبعا علشا تبرد
تكييف اليابانى أقوى منها علشان مابينزلش من الميجان مواصفات خليجى زى اليابانى
انا اتفق تماما مع Tyler_Durden لان فية افضل منة ولاكنة يودي الغرض
الإجماع في التصويت كان على انه جيد ومرضي وده كان رأيي انا كمان الحقيقه بس مش عارف انا شايف حاجه غريبه ممكن تختلفوا معايا فيها .......... المكيف كا تبريد انا مش شايفه يقل عن اي تكيف آخر ياباني مع العلم ان طبعا الياباني افضل منه وده اللي انا مش فاهمه وانا باتكلم عن الياباني اللي هو تكييف الكورولا والكرسيدا زمان الله يرحمها بقى :( عن تحربتي الشخصيه يعني ...تقيمي الشخصي ان المكيف عندنا في الرينو ناقصه حاجه بس مش عارف ايه هي هل حاجه في توزيع الهواء مثلاً الحاجه اللي واضحه فعلاً هي ضعف الهوا اللي خارج من الفتحات عن مثيلاتها الياباني يعني السرعه 1 عندنا دي تنفع بالليل بس وبالتالي انا على طول عامله على 2 و 3 لو معايا اي ركاب ورا عكس الياباني كان نادر لما اعمل 2 دي غير نادر جداً .....هل ده يرجع لحجم العربيه مثلا محتاج مروحه اقوى من اللي راكبه ولا ممكن كان يزيد كونسول خلفي مخصص للركاب في الكنبه الخلفيه اعتقد كده ماكانش هايفرق ابدا عن الياباني مش عارف انا حاسس ان اللي مضعف شويه في مكيف الميجان حاجه بسيطه بس مش عارف اوصل ليها :o يمكن الواحد يوصل لحاجه مثلا ويبعت لرينو وينزلوا الجيل التالت من الميجان بتكييف ورا وقدام او حاجه كده ليه لأ :) خيال واسع انا عارف :p...........
من الأخر يا رامى أنا قلت سببه إيه
الميجان بتنزل مواصفات أووربى و مابينزلش منها مواصفات خليجى لإن الطلب فى الخليج عليها قليل عكس اليابانى إللى فيه كتير منه بينزل بمواصفات خليجى فبيبقى تكيفه أقوى طبعا
فالمواصفات الاوربى بيبقى مستوى تكييف الميجان إللى هيه عليها دلوقتى ممتاز
يعنى الميجان تحس إنها ناقصة درجة عن اليابانى أو إنها بتأخد وقت أطول من اليابانى للتبريد
إنك بتجيب المستوى التالت فى الحر الشديد و التانى فى العادى لو معاك ناس ورا و الأول فى العادى لو لوحدك
يبقى حتحتاج إيه أكتر من كده طالما السرعات بتاعته بتقوم بالواجب و مش عايز أزيد منها ;)
احمد باشا مافيش كلام بعد كلامك خلاص انا كنت بدردش مش قصدي اعيب فيه والله ولا حاجه هو عاجبني بس زي ما بقولك خيال واسع وبحاول افكر مع الجماعه اللي بيصمموا العربيه عادي يعني يا احمد :p ربنا يكرمنا ان شاء الله ونستحمل الصيف الغريب اللي داخل علينا ده والله الموفق.
إيه يا رامى
أنت إفتكرتنى زعلا ن و لا إيه :eek:
يا رامى دردش زى ما إنت عايز :D
لا لا والله انا بهزر معاك والله مش قصدي كده ......... ربنا يديم المحبه يا باشا.
السلام عليكم
جيد جدا فى رأى :):):)
السلام عليكم
معلش سؤال عالماشى كدة هوة تكييف الميجان الستيشن نفس تكييف الميجان العادية ولا لأ ؟
اصل الستيشن من جوة اكبر بكتيير يعنى الشنطة داخلة مع الصالون و لو التكييف هوة هوة حيبقى ضعيف خالص ولا اية رأيكم ؟
[quote=romioeg2007;240579]
اسوأ حاجه في الميجان التكييف بتاعها بعد قطع غيارها--رينو طالما بتسوق في منطقتنا تبقى تعمل حساب الجو بتاعنا--شكرا
السلام عليكم،
تكييف الميجان بالنسبة ليا ممتاز. أعتقد الزجاج الملون فارق معاه جامد.
الياباني طبعا حاجة تانية، بحس انه تكييف و ركبولو عربية :d
بصراحة
انا شايف انه في ظروف الجو العجيبة اللي فيها كل يوم دي
و لو يهمك تجيب عربية تكييفها شديد بغض النظر عن لونها
يبقى اكيد اكييد الياباني و بعدين الكوري و بعدين اي حاجة تانية
لكن رينو ميجان او كليو تكييفهم تعبان بالنسبة لجونا خصوصا الصبح
انا معايا ميجان موديل 2000 و تكييفها زي الفل ماشاء الله
و معتقدش ان الموديلات الاحدث ممكن تقل عن المستوي ده
اعتقد ان تكييف الميجان كويس انا كنت راكب مع واحد صحبي و كان كويس
التكييف يا جماعة انا شايفة من جيد جدا لممتاز مش من النوع الى يخليك تعيا ولا من النوع الى يحسسك انك مش مشغل حاجة انا صوت انة جيد لأن اكيد فية اقوى منة بس انا راضى تماما عنة
الف مبروك يا فهد على الميجان الستيت
بصراحه... المنتدى فيه دعم فني على اعلى مستوى.
يعني الواحد يبقى عنده اجابه على اي سؤال قبل ما يشتري
السلام عليكم ياشباب انا اسمي حسين من القاهره انا معجب كتير بالميجان بس عمري ماركبتها عندي واحد جاري معاه بانوراما 2005 عامله 56000كيلو وغير مرشوشه من الخارج ولكن يوجد زجاج امامي مشروخ لونها نبيتي ومش راضي ينزل عن ال 86000جنيه مصري هل بخبرتكم تسوي العربيه دية بس انا كل ما اسأل حد عليها بيخوفني منها بسبب قطع الغيار المولعه وانها تقيله في البيع واقصي سعر لها من 77 الف حتي80 الف .
انا في حيره مع اني بالسعر ده اركب لانسر مثلا واللانسر اعطالها تكاد لا توجد اعطال وقطع غيارها مترميه بره التوكيل وكله بيصلحها
افيدوني بحكم خبرتكم الواسعه
وشكرا لتعاونكم
حسين الحمصاني
86 اعتقد كتير
و سمعت ان موديل 2005 كان فيه مشاكل
معرفش من قال لا يعلم فقد افتى
انا عندي 2005 بانوراما ومش مبسوط من التكييف خالص، مع اني بجيبه على 15 المفروض يبقى تلاجه أبدا التكييف مش متميز ومش سيء برضه، سألت واحد بتاع تكييفات قالي نقفل وصلة السخن عندك وهيبقى تلاجه طالما انت مبتحتاجش السخن. خفت اعملها.
انا لما بشغل التكييف نص ساعه حرارة العربيه بترتفع جدا وبتوصل لأول شرطه في الثلاث شرط الأخارى (مع ان الوضع الطبيعي انه بيبقى قبل نص العداد) والتكييف بيقلب ساخن جدا بعد كده. وبقفله عشان حراره الجو بره ارحم، بعد 5 دقائق بترجع درجة حرارة المحرك لوضعها المعتاد، فبشغله تاني يشتغل ولكن برضه مش بشكل متميز. يعني تكييف عادي او اقل من العادي! وائل
اسمي محمد ربيع من سوريا هذه أول مرة أشارك في منتداكم الرائع هذا
عندي ميجان 2006، وأسكن في أبوظبي، أعتقد أن التكييف بشكل عام مرضي
في الشمس كلنا نشتكي منه جداً لكن أنا أقنع نفسي أنه هكذا أفضل.. لماذا:
:k52:
عندما أدخل السيارة في عز الظهر ودرجة الحرار في الخارج حوالي 60 درجة، إذا كان التكييف سيبرد بسرعة لدرجة 20 فهذا يعني أني سأذهب لعند الدكتور مباشرة عشان الأنفلونزا والحساسية، أما في الوقت الحالي فدرجة حرارة السيارة تبرد بمعدل 10-15 دقيقة وتصبح مقبولة بعكس الياباني ممكن بظرف 10 دقائق تبرد السياة على الآخر...
لكن هناك نقطة أنه لا مجال للمقارنة في مستوى ضجيج التكييف مع الياباني فالميجان لا تسمع صوته وخصوصاً على الدرجة 2 عكس باقي الياباني بيكسر الدماغ
أما بالليل فالموضوع مختلف تماماً وأنا هنا في الإمارات ومن سنتين ما تجاوزت 1 أو 2 بأقصى حالات الحرارة أو الرطوبة الشديدة
أشكر الجميع على هذه الجهود الكبيرة
:)
انا صوتت بـ جيد :)
ركبت مع زميل معاه ميجان 2006 أكتر من مرة الصيف ده وده تقييمي له
موش بطال
بس اعلى حاجه فى المروحه صوتها عالى و حاسس ان الناس اللى راكبه ورا مش واخده حقها
انا ببقى متلج قدام و هما ورا حرانين
مرضى و معقول.......
أكيد مش زى المكيفات فى العربيات اليابانى....
لكن حد جرب يشغل الهواء السخن ؟؟؟.....WoWww
أنا جربته أكتر من مرة......آخرهم كنت راجع الساعة 1 بعد نص الليل فى ليلة باردة و كنت ماشى على الأوتوستراد و راجع من حلوان...لابس نص كم و فاتح الزجاجين الأماميين و مشغل الهواء السخن على 27 و auto بجد أكثر من رائع و السخونة و تدفق الهواء من الفتحات بالرغم من البرودة و الهواء الساقع ( ماشى فوق ال 110 ) تخليك دفيان لدرجة إنى قللت درجة الحرارة من 27 ل 26 .......
شاتو انت مظبط نفسك سخن و سائع
كده تعيا :)
الوحوش عايزينك
و بعدين حد كده يقول تكييف الميجان بيجيب برد
شكرا يا أستاذ طارق على اهتمامك :)
أنا الحقيقة ما فكرتش فى نفسى ساعتها....كنت عابز أعرف الإجابة على السؤال ده
"لو فعلا التكييف البارد مش أحسن حاجة ...يبقى لازم أعرف هى ناوية نبهرنى إزاى من ناحية التكييف......
فين الابهار ؟؟...يمكن علشان هى أوروبى يبقى الساخن هو اللى اهتمو بيه أكتر ؟؟؟...."
فاسغليت الظروف الآتية......لوحدى......بالليل.... الدنيا برد....منطقة صحراوية و مفتوحة...طريق مفتوح تماما ( الأوتوستراد )....و كمان ضغطت عليها بإنى فتحت الزجاج الأمامى ناحية السائق و لما هى أدت بالشكل المبهر ده فعلا ابديت أبقى "حران" ففتحت الزجاج الأمامى ناحية الراكب و ده شكل تيار هوائى قوى خصوصا على سرعة فوق ال 100......
النتيجة طبعا كانت فوق المتوقعة و الغريبة انها سمحت لى بزيادة درجة الحرارة ل 27..قبل كده كانت أقصى درجة ممكنة هى 25 .... و كنت دافىء أحسن من وجودى بالمنزل تحت البطانية فى غرفة مغلقة و دفاية Siemens شغالة !!!!
أنا و بالرغم من مرور أكثر من عام لازلت مش قادر أفهم التكييف ده شغال إزاى لكن مش ده اللى هاممنى...واضح إنى عمرى ما هاقدر أفهم كل خبايا التحفة دى...لكن شىء واحد هو اللى أنا متأكد منه.....دايما منبهر..دايما سعيد...دايما مكتشف لجوانب مضيئة فى الميجان....حقيقى صدق اللى قال الوصول للقمة قد يكون صعب...لكن المحافظة عليها بل و التفوق على النفس أصعب بكتيييير جدا....
يا ترى هتعملى إيه يا ميجان III ؟؟؟
بصو انا لحد دلوقتي ما جربتش المكيف الساقع في الأجواء السخنه الي في السعودية
لأنه الجو اليومين دول معتدل يعني الضهر بتبقى بالكتير 25 والمكيف على درجة الحرارة دي كويس جدا:biggrin2:
بس هبقى اقولكو كفاءة المكيف لما تكون درجة الحرارة في التمبرتشر بتاع العربيه فوق ال45
وبالنسبه للمكيف السخن 100% فل الفل بالليل بيعمل شغل جاااااااامد:rolleyes2:
انا شايف ان التكييف ممتاز .... هو مش زي الياباني لان الياباني اقوي من اللازم .... التكييف الياباني كويس جدا لمناطق توصل الحراره فيها 40 و 50 كمان و عشان كده انا بقول ان تكييف الميجان و في مصر ممتاز
i think that the megane a/c cannt be compared with the japanees a/c even its much worse than many of the europian cars and really it have many major problems concering many issues in the car(mechanical , electronics
it's not as good as the Japanese cars but for sure it's like the other European cars.
انا في الكويت معايا ميجان 2006 مواصفات خليجي طبعا انما زي ما الاخوه كلهم قالو التكييف مش زي الياباني خالص مع انها نازله لسوق الكويت
انما بشكل عام كويس لما بتكون واقفه في الظل يببرد بسرعه انما لما تقف في الشمس فتره بياخد وقت وده طبيعي هنا
حاول تركب عازل حراري للزجاج window film
3m or v-kool
انا شايف ان صوته عالى ايضا