سقوط عصابة سرقة السيارات... تخصصوا فى سرقة سيارات "كيا سيراتو"

**ACC.Eslam Arif** · 29-05-2011 08:03 PM

أمر نبيل عباس، مدير نيابة أول مدينة نصر، بإشراف أحمد دعبس، رئيس النيابة، بحبس 3 متهمين 4 أيام على ذمة التحقيق وسرعة ضبط وإحضار 2 آخرين كونوا تشكيلا عصابيا وتخصصوا فى سرقة سيارات "كيا سيراتو".

كشفت تحقيقات النيابة التى باشرها محمد عدلى الشناوى بسكرتارية ماجد بهيج أن المتهمين كونوا تشكيلا عصابيا وتخصصوا فى سرقة سيارات " كيا سيراتو"، حيث اعترف المتهمون أمام النيابة بسرقتهم للسيارات من هذا الموديل فقط لسهولة سرقتها وأنهم كانوا يبيعون السيارة بمبلغ 25 ألف جنيه فى منطقة العريش وغزة المصرية، حيث كشفت التحقيقات أن المتهمين كانوا يتعاملون مع بدو العرب الذين يقومون بتهريب السيارات خارج البلاد مقابل 25 ألف جنيه للسيارة المسروقة.

تعددت البلاغات من المواطنين عن تعرضهم لسرقة سياراتهم الأمر الذى جعلهم يقيمون وقفة احتجاجية أمام التوكيل الخاص بموديل هذه السيارات.

أمر مدير أمن القاهرة بتشكيل فريق بحث لكشف ملابسات الحادث وبعد التحريات والتحقيقات تبين أن وراء ارتكاب وقائع السرقات تشكيل عصابى مكون من 5 متهمين يقوموا ببيع السيارات المسروقة بمنطقة العريش وغزة لبدو العرب بأثمان منخفضة فتم القبض على المتهمين وإحالتهم إلى النيابة التى أمرت بحبسهم وسرعة ضبط وإحضار المتهمين الهاربين.

المصدر
اليوم السابع | سقوط عصابة سرقة السيارات بمدينة نصر

**Ahmed.Fahmy** · 29-05-2011 08:33 PM

25000 جنيه
ياولاد الــــــــــــ....................
يعنى الناس تدفع دم قلبهل 100000 واكتر وتتباع بــ25000
دول المفروض يتــنفخوا فى ميدان عام

**د.محمود صلاح** · 29-05-2011 08:50 PM

يارب يتمسكوا كلهم .. دول مش لوحدهم فقط

**mahmoud_anwar** · 29-05-2011 11:39 PM

ياجماعة هيجري ايه لو الحكومة طبقت سياسة قطع الأيد ايه الي هيجري !
وفين بقية الحرمية التانين يعني مش الكيا بس الي بتتسرق ده في ناس شغالة حلاوة عمال تسرق اي حاجة امامة حتا عجل اللبن لو الراجل نزل من علي العجلة يوزع اللبن هيرجع مش هيلقيها

**SYD** · 30-05-2011 10:20 AM

المشاركة الأصلية كتبت بواسطة wassof

ياجماعة هيجري ايه لو الحكومة طبقت سياسة قطع الأيد ايه الي هيجري !
وفين بقية الحرمية التانين يعني مش الكيا بس الي بتتسرق ده في ناس شغالة حلاوة عمال تسرق اي حاجة امامة حتا عجل اللبن لو الراجل نزل من علي العجلة يوزع اللبن هيرجع مش هيلقيها

اولا انا اسف ليك اني وعدتك اسألك عند عزب علي المفتاح المشفر في عربيتك الجولف يوم السبت بس انا والله سألتلك عند واحد تاني وادالي تليفون واحد خط في التوفيقية بس انا لسة مانزلتش وسألت واول ان شاء الله ما اسألك هرد عليك علي طول

ثانيا فعلا انا مش عارف ليه خايفين يطبقوا شريعة ربنا ولو حتي بس في موضوع السرقة وعلي رأي القاعدة الفقهية "ما لا يدرك كله لا يترك كله" ولو اتطبقت اعتقد الحرامي هيخاف وهتبقي فرصة نضيفة يطبقوا باقي أحكام ربنا في باقي الموضوعات ومش هنخسر كتير it's very easy ما حانا ممكن في ثانية نغير الدستور ونرجع نشتغل تاني بالقوانين الحالية بس علي الاقل نجرب ونشوف النتيجة ويكفينا شرف المحاولة

والله المستعان
،
،