الموضوع: لماذا الهجوم على صبحى صالح؟!!

المشاركة الأصلية كتبت بواسطة Dojuar

للأسف أنا كنت زيك كده وقت الجامعة و كنت باعمل أكتر منك

ودلوقتي لما بفتكر باندم

عموما محدش مبيغلطش...الفرق في كم و نوع الغلط...و ازاي لما يبقى عندك طرفين على النقيض تعرف تفرق بينهم كويس

بالمناسبة العوا و الشيخ محمد حسان ياما طالهم الكثير..و هنا في المنتدى...ربما منك أو من غيرك

مافيش حد ما اتجبتش سيرته بالسوء هنا بس الفكرة في الكم
زي ما في ناس بتقول حسني مبارك كويس و ناس تانية بتغلط في الشيخ الشعرواي هتلاقي لكل واحد ناس بتعارضه و بتعارض وجهات نظره
انما لما يبقى جماعة زي الاخوان من ساعة الثورة لغاية دلوقتي كل ال شوفته منه مساوء مساوء يبقى ايه ال يخليني مهاجمهش
و اهاجم اي حد طالما مبقولش حاجة غلط
نجيب ساويرس مثلا "وهو ساكت كان احسن" كنت بحترمه دلوقتي بقيت احس انه اهبل و عامل زي محدثين النعمة و بيقول كلام ملوش اي معنى
كل ال بيتكلمو دلوقتي في تاجيل الانتخابات انا ضد الفكرة دي لان احنا لازم نحكم نفسنا بنفسنا و نتخلص من الحكم العسكري
و لما تلاقي اجماع على مهاجمة حد معين يبقى اكيد عمل حاجة غلط

و لما تلاقي اجماع على تاييد شخص معين تعرف انه بيتكلم في الصح

ولو عايز انا ممكن احكيلك ممارسات الاخوان "والاخوات" المسلمين كانت ايه مع الامن قبل الثورة عشان تعرف انا بقرف منهم و بكرهم ليه

انا احترم حضرتك جدا بس اعتقد كل واحد من مرشحي الرئاسة بينتظر الاخر للنزول ببرنامج انتخابي علشان مرشح اخر يتلافي اخطائه وينزل ببرنامج انتخابي افضل وهكذا لسه بدري الحكم عالمرشحين اللي ينزل ببرنامج ورؤيا واضحة في الانتخابات المقبلة اهلا وسهلا به واحنا كشعب نحس فعلا انه هيصنع شي اما اذا كان بيلعب عالعواطف والكلام اللي احنا شبعنا اعتقد جدا منه هوا اوتوماتيك هتقل شعبيته واللي نيته مش كويس اكيد بقي عارف دلوقتي مصيره ايه اهم حاجه نبتدي نبني مصر باننا نرجع الامن والامان ونسكت كل اللي بيقولوا اسفين ياريس ومش اسفين ونبين ان الريس بتاعهم ده فعلا اللي كان خارب البلد لازم بجد نعدي مرحلة الرئيس والكلام عنها مع وضع في الاعتبار ان محاكمته هي جزء من بناء مصر التي لامكان فيها للباطل بس ياريت الموضوع ميخدش اكبر من حجمه ونعطل نفسنا اكتر من كده لازم نبدا وبسرعه ناهل شبابنا للعمل بالتعاون مع خبرات الكبار من ابناء هذا الوطن مثل علماء مصر اللي هما المفروض يبقوا ثروتنا في المرحلة القادمة لان كل دولة ربنا بيرزقها بثروة لازم تحسن استغلالها واليابان اقرب مثال مش بعيده علينا

المشاركة الأصلية كتبت بواسطة hossam20102010

سيبك من القدسية والكلام ده..... حضرتك بتغالط نفسك؟؟

على فكرة لو تراجع مشاركاتى هتلاقى انى انتقدته بشدة من يومين فى موضوع هنا فى نايل موتورز

الشخص الوحيد المنزه عن الخطا... هى النبى محمد صلى الله عليه وسلم

انما اى شخص عادى سواء زعيم السلفيين او الاخوان ..... ننتقده عادى (اذا اخطأ)

مش لمجرد التصيد وسوء النية والهجوم على التيار الاسلامى

وبعدين اه اى حد اسلامى..... احسن واشرف بكتير.... من كلاب العلمانية وعملاء ساويرس

ليه إن شاء الله !!!!

و ليه أوصاف الكلاب و العملاء دي !!!!

أنا مش ضد و لا مع

و لكن لو علماني هيطور البلد و يحدثها و يصنع نهضة حقيقية

يبقي بالنسبة ليا أنضف و اشرف من إسلامي هيجيب البلد لورا

و العكس صحيح بالمللي ،،،

مني بقت فاشله من بعد الثوره
بس احقاقا للحق ...
الوحيده اللي ملهاش انتماء او انحياز لتيار معين
يعني شويه يقولوا عليها اخوان وشويه امن دوله وشويه علمانيه ..
بالنسبه للضيوف لا تعليق

يا جماعة انا مش بدافع عن شخص

يعنى مثلا

انا كنت قاعد انهاردة مع واحد صحبى .. فبيقولى فلان اشترى محل

فقلتله بكام

قالى مانا قلتلك قبل كده

قلتله لا والله ماقلتلى

فلما قالى الرقم افتكرت ... وقلتله اه فعلا انت قلتلى قبل كده.....سورى نسيت

وهو موضوع ميخصنيش

فل هذا معناه انى قاصد انى احلف كذب..... ولا ذاكرتى ماسعفتنيش ونسيت ؟!!!!!

طبعا نسيت عادى .....الانسان نساى