سبراى جليتر

**م/محمد صلاح** · 29-05-2011 08:32 PM

يا جماعه انا بدور على سبراى جليتر فضى من بتاع الهدايا والافراح بس حاجه تكون بتترش على العربيه ويكون بتتشال بسهوله بالغسيل او التينر
مش عارف فهمتونى ولا لأ بس اللى فهمنى ويعرف اجيبه منين ياريت يفيدنى
وجزاكم الله خير

**_Ahmed_casper_** · 29-05-2011 08:51 PM

متهيألى لو حضرتك روحت لواحد من اللى بيزوقو عربيات الافراح هيقولك لأنهم عفاريت فى الحاجات دى او ممكن بتوع الهدايا لأنى و انا بلف هديه مره كان بيلفلى هديه و رش اسبراى و بعدها كان معاه جليتر بودره و بيرشه زى الملح
تقريبا الاسبراى هو اللى بيثبت بس مش عارف هينفع للعربيه ولا لأ

**Salamonti** · 30-05-2011 06:35 AM

حبيب قلبي..

أنا عملت الموضوع ده مرة في زفة واحد صاحبي..

ابعد عن اي سبراي على العربية وهاقوللك على طريقة سهلة خالص فوق مما تتخيل..

انزل عن اي حد بتاع هدايا وهات علب جليتور عادي من اللي بيترش لوحده ده
ومن الصيدلية هاتجيب فازلين طبي

امسح الفازلين عالعربية بقطنة أو بحتة قماش هايعمل طبقة لزجة وشفافة في نفس الوقت
رش عليها الجليتور هايروح لازق في الفازلين.. وألف ألف مبروك

ومش محتاج اكتر من حتة قماش تمسح بيه يبقا اتشال من عالعربية بكل بساطة وبدون أي خساير

بالإضافة لإمكانية رسم أشكال مختلفة أو عمل كتابة عالعربية بالجليتور..
هاترسم الشكل أو الكلمة بالفازلين وترش الجليتور وبعدين تنفخ نفخة جامدة
الجليتور الزيادة هايطير ويتفضل اللي لازق في الفازلين حسب الشكل اللي انت رسمته..

**م/محمد صلاح** · 30-05-2011 12:49 PM

سلامونتى حبيب قلبى

بس كده يا باشا اى حد هايسند على العربيه او حتى يلمسها هايشيل كل حاجه من عليها
انا عايز اعمل العربيه كلهاااااااااا

**Salamonti** · 30-05-2011 04:10 PM

مش هاقوللك غير كلمة واحدة بس..

اللي هايسند عالعربية مرة هايحرم يسند على عربيات بقية عمره

هههههههههههههههههه

**م/محمد صلاح** · 30-05-2011 04:14 PM

مانا عارف يا كبير بس انا عايز حاجه تلزق على العربيه ... ينفع صمغ او ورنيش؟
وهو مافيش سبراى خالص؟

**Salamonti** · 30-05-2011 05:37 PM

ممكن بقا انت تجرب صمغ أو ورنيش أو أوهو أو كلة أو حتى أنبوبة أمير
بس ابقا فرجني هاتطلعه ازاي من عالعربية يا رايق

**م/محمد صلاح** · 30-05-2011 05:48 PM

طيب فى عربيات وميكروباصات بتبقى متشحمه ولما تحط ايدك تحس انه زى الغرا او الورنيش كده بس ناشفه وفى نفس الوقت بتطلع بالغسيل
ايه رأيك؟

**medo12** · 30-05-2011 06:34 PM

السلام عليكم يا بشمهندس الاسبراي ده موجود عند بتاع الدهان بس مسالة انو بيطلع بالغسيل ده ما اعرفهاش وسعر العبوه تقريبا 8 جنيه موجود منه في الدول العربيه لو ليك حد هناك رخيص وده انا متاكده انو بيطلع بالغسيل لاني استخدمته للسياره بتعتي وطلع اول ما غسلته