كبالن اللوجان فى التوكيل 7,000 جنية !

**engahmedamin** · 04-06-2011 12:35 PM

يا استاذ ابو مريم بقول لحضرتك انهم قالوا هيغيروها فى التوكيل على حسابهم بعد ما اقتنعوا انه عيب صناعة !!!
تقوم حضرتك تقولى ادور على حد يصلحها بره التوكيل !!!!
انا بقولك ان التوكيل محترم ... زرجنوا شوية فى الاول لكن بشوية ضغط و اقناع وافقوا لأنهم خايفين على سمعتهم .. تقوم حضرتك برضه مصر انهم توكيل اى كلام و انتم السابقون و نحن اللاحقون و الكلام ده !!
فى وجهة نظرى و من خلال تعاملى مع التوكيل .. الناس دى محترمة فعلا ..
واحد صاحبى كانت عربيته اتخبطت خبطه منيله بنيله..
و روحت معاه التوكيل و عملوا المقايسه طلعت حوالى 10,000 جنيه
لما شيلنا منها الحاجات اللى نقدر نجيبها من برة التوكيل بسعر اقل (فانوس - رفرف - اكصدام - طلمبة باور - سير دينامو - خرطوم تكييف) .. كل اللى اتبقى كان كلام فاضى حوالى 1500 جنية (قواعد ماتور و غطاء فارغة الفتيس) عشان مش موجودة بره..
و الباقى كله من بره التوكيل بأسعار زى الفيرنا ..
و دى كانت خبطة موت مش خبطه بسيطه !!
التوكيل عيبه "الوحيد" من وجهة نظرى هو الزحمه
بيتأخروا فى تسليم العربية .. و ده بسبب المبيعات الكبيره اللى محققينها خصوصا من اللوجان

**amrelzawawy** · 04-06-2011 01:08 PM

انا مع ان التوكيل ناس على درجه عاليه من الاحترام فى الصيانه وضد حاجه واحده بس علبه الدركسيون ب 7000 الاف جنيه هى والكبالن ب7000 الاف جنيه غير كده كله تمام

**frhateg** · 04-06-2011 09:09 PM

الناس فاكره ان التوكيل علشان يكون كويس انك تعمل حادثه موت و تخش بالعربيه في حيطه و بعدين تروح التوكيل يصلحوها ببلاش و يعطوك عربيه هديه فوق اللي اتصلحت . اولا الكوبلن ده ممكن تورث العربيه بعد عمرا طويل و هو شغال اما الحاجات اللي معرضه للكسر زي المرايات و الفوانيس و الزجاج فدي الحاجات اللي الناس عماله تكتب ان سعرها نزل و ده المطلوب . و بعدين في الآخر محدش ضرب حد علي ايده . فلوسك في جيبك و العربيات مليانه الصالات و انت وشوقك تشتري مرسيدس تشتري توك توك . و ربنا يبارك لكل واحد في اللي اشتراه .

**tamer61** · 05-06-2011 05:23 PM

المشاركة الأصلية كتبت بواسطة engahmedamin

يا استاذ ابو مريم بقول لحضرتك انهم قالوا هيغيروها فى التوكيل على حسابهم بعد ما اقتنعوا انه عيب صناعة !!!
تقوم حضرتك تقولى ادور على حد يصلحها بره التوكيل !!!!
انا بقولك ان التوكيل محترم ... زرجنوا شوية فى الاول لكن بشوية ضغط و اقناع وافقوا لأنهم خايفين على سمعتهم .. تقوم حضرتك برضه مصر انهم توكيل اى كلام و انتم السابقون و نحن اللاحقون و الكلام ده !!
فى وجهة نظرى و من خلال تعاملى مع التوكيل .. الناس دى محترمة فعلا ..
واحد صاحبى كانت عربيته اتخبطت خبطه منيله بنيله..
و روحت معاه التوكيل و عملوا المقايسه طلعت حوالى 10,000 جنيه
لما شيلنا منها الحاجات اللى نقدر نجيبها من برة التوكيل بسعر اقل (فانوس - رفرف - اكصدام - طلمبة باور - سير دينامو - خرطوم تكييف) .. كل اللى اتبقى كان كلام فاضى حوالى 1500 جنية (قواعد ماتور و غطاء فارغة الفتيس) عشان مش موجودة بره..
و الباقى كله من بره التوكيل بأسعار زى الفيرنا ..
و دى كانت خبطة موت مش خبطه بسيطه !!
التوكيل عيبه "الوحيد" من وجهة نظرى هو الزحمه
بيتأخروا فى تسليم العربية .. و ده بسبب المبيعات الكبيره اللى محققينها خصوصا من اللوجان

المشاركة الأصلية كتبت بواسطة frhateg

الناس فاكره ان التوكيل علشان يكون كويس انك تعمل حادثه موت و تخش بالعربيه في حيطه و بعدين تروح التوكيل يصلحوها ببلاش و يعطوك عربيه هديه فوق اللي اتصلحت . اولا الكوبلن ده ممكن تورث العربيه بعد عمرا طويل و هو شغال اما الحاجات اللي معرضه للكسر زي المرايات و الفوانيس و الزجاج فدي الحاجات اللي الناس عماله تكتب ان سعرها نزل و ده المطلوب . و بعدين في الآخر محدش ضرب حد علي ايده . فلوسك في جيبك و العربيات مليانه الصالات و انت وشوقك تشتري مرسيدس تشتري توك توك . و ربنا يبارك لكل واحد في اللي اشتراه .

والله يا جماعه ريقنا بشف نقول الكلام ده وتسلم إيديكوا وعموما بعد كلامكم الجميل و المحترم ده خلاص ...مات الكلام زي ما بيقولوا وصدقوني القصه فيها حاجه مش طبيعيه وعلشان كده ماتركزوش في الحوار ده. أنا لسا واحد صاحبي كان بيشتكي من رعشه في الدركسيون وداها التوكيل و غيروله تقريبا العفشه الأماميه كلها لحد ما العربيه إتظبطت وكل ده من غير ولا مليم ولا أي سؤال ولا أي مقاوحه حتي .... أنا بقول إنه توكيل محترم عن تجارب معايا ومع ناس كتير أعرفهم. وتقبلوا تحياتي.

**mando3181** · 13-06-2011 12:06 AM

كل واحد يقول رايه بموضوعية لو سمحتم لا حد ينقض الي بيشتكي من العربية عشان نستفاد من تجارب الاخرين ولاحد يحس ان الي بيشكر فيها خالد نصير ده مش مكان اعلان ده لقاء للاستفادة
وشكرا