الحمد لله.. العربية اتقلبت بوالدي علي طريق العين السخنة "صور"
اول امبارح والدي كان راجع من طريق العين السخنة بالعربية بيجو 405.. و كان "مشيك" علي الكاوتش و ضغط الهواء و كله.. الا انه فوجئ قبل بوابة القاهرة بحوالي 20 كم بالطريق بيضيق اوي لعمل اصلاحات في الحارتين اللي علي الشمال.. كسر هو يمين و كان ماشي علي 100 تقريبا .. بس للاسف العربية عومت منه نتيجة ان ولاد الحرام كان بيسفلتوا الطريق و كانوا لسه فارشين الاسفلت السائل و الدهشوم.. فالعربية كأنها كانت ماشية علي صابون.. اللي زاد الطين بلة ان والدي داس سنة فرامل.. فده خلي العربية تتجه بكل عزمها للبوردر اللي في النص و اتقلبت عليه..
والدي الحمد لله بخير.. وجع بسيط في الرقبة.. بس كان لابس الحزام.. و جم ولاد الحلال بعتوا اسعاف و عربية انقاذ لجر او نقل العربية..
المهم العربية حاتتباع علي حالتها دي.. ميكانيكا العربية مافيهاش حاجة ما عدا المقص الامامي و الشاسيه المعوج و طرمبة البنزين.. و لو حاتتصلح حاتحتاج بابين و زجاج خلفي و جانبي و فانوس امامي بالاضافة للميكانيكا..
الناس في العاشر قالولنا تتباع بـ 25000 او تتصلح بـ 8000 الي 10000.. رأيكوا ايه؟
http://i54.tinypic.com/ndokgm.jpg
http://oi52.tinypic.com/2qd96yv.jpg
http://i52.tinypic.com/11t1rac.jpg
http://i53.tinypic.com/11tv9js.jpg
http://i54.tinypic.com/5kghgk.jpg
http://i55.tinypic.com/1z4bgr7.jpg
http://i51.tinypic.com/2afe711.jpg
http://i52.tinypic.com/14mxjjb.jpg