الموضوع: انا عاوز كلب

المشاركة الأصلية كتبت بواسطة mohamed_selim

كلام حضرتك سليم تماما علشان كده محدش بيمسكها غير باشراف حد كبير ... فى الطبيعى بيتفرجو عليها و هى بتتفرج عليهم

أنا ربيت سلاحف كتيييييييير و أنا صغير و كان عندى أشكال و أحجام مختلفة لو الولاد مش حا يوقعوها ماشى مفيش مشكلة دى مش بتنقل أى أمراض نهائى بس هى مملة شوية بصراحة يعنى الولاد حا يفرحو و يهتمو بيها أول أسبوع و بعد كدة حا تلاقى أن حضرتك الى مسؤل عنها تماما و الولاد حا يفكرو فى حاجة جديدة هههههههههههه

المشاركة الأصلية كتبت بواسطة mohamed_selim

صح طبعا بس الاجابه هتكون مانتو عندكو السلحفه ....
واحد صاحبى ليه فى الحاجات دى قالى انه الافضل تجيب واحده تانيه لأن اتنين مع بعض هيكونو اقل ملل

طيب سؤال بما ان حضرتك خبره ... السلحفه دى بتحتاج تتكاثر من سن اد ايه ؟ انا اللى عندى قد كف اليد كده و الراجل قالى انها 5 سنين ...

بص حضرتك صعب تحديد عمرها بس بالتقريب كدة على ظهرها فية المربعات السوداء العادية داخل المربعات فية زى تموجات كدة عدها بالتقريب دة بيبقى عمرها.
ناس اصدقاء كان عندهم كذا واحدة و مرة باضت و فقست و طلعت 3 بس ماتو بعد شوية و بصراحة كانت حاجة عجيبة جدا انها تتكاثر كدة لانها بتضع البيض فى الرمل و بتدفنة .
لو جبت 2 أو 3 بيبقى افضل طبعا من واحدة كان عندى حجم قد كف اليد و كان عندى واحدة كبيرة فعلا يعنى حوالى 25 سنتى و أكتر شوية بس شكلها غبى الصغير شكلة أحلى و خصوصا السلاحف الصفراء الصحراوى