مطلوب شراء فيات تيبو او تمبرا او غيرها

**madyyuri** · 30-05-2011 09:02 PM

المشاركة الأصلية كتبت بواسطة ahmed1981

تمبرا ب 22 ألف

طيب ليه الواحد يزنق نفسه

ما يجيب ريجاتا ب 11 وبالباقي يجيب 128 ب 3500 جنيه

طالما السوق نايم
-

لا لا لا مش كده يا بشمهندس ، شكلك ببتريق علي الراجل

ثم 128 ايه اللي 3500 هي النضيفة قوي فابريكة بره وجوه تعمل النهاردة 2700 بكتيره

**heshamzaky** · 30-05-2011 09:38 PM

أ عمرو شكلك مش راضى تقتنع مفيش تمبرا ب 22 الف جنية حا تبقى عربية سليمة حا تبقى عربية مخوخة من كل حتة و حا تتعبك جدا و حا تاخد منك مصاريف كتير جدا .
لك مطلق الحرية انك تقتنع او لا تقتنع بس اللهم بلغت اللهم ف أشهد .

**zago** · 30-05-2011 10:23 PM

المشاركة الأصلية كتبت بواسطة madyyuri

لا لا لا مش كده يا بشمهندس ، شكلك ببتريق علي الراجل

ثم 128 ايه اللي 3500 هي النضيفة قوي فابريكة بره وجوه تعمل النهاردة 2700 بكتيره

يخرب عقلك يا خلوده
فطستني والله

مع الاعتذار لصاحب الموضوع
بص يا باشمهندس انا حفطمك الحوار ماشي ازاي
لا مؤاخذه كل برغوت على قد دمه
يعني لو عايز تمبرا نضيييييييفه فحضرتك بتتكلم في 30 لحاد 35 الف
لو عايز تمبرا سوبر كده دخلت في الاربعينات
لو عايز تمبرا عامله حادثه ودخل فيها قطر ودخلت حرب اكتوبر واتغلبت كمان يبقى مش حتلاقي لان اول اصدار للتمبرا كان سنه 89

بأختصار
فعلا ممكن تجيب تمبرا ب 22 الف بس مش حتكون فبريقه خصوصا دواخل
لكن لو لقيت حاجه نضيفه بالسعر ده توكل على الله

**JUVENTUS** · 31-05-2011 12:45 AM

ربنا يوفقك و تلاقي عربية كويسة
بس انا مع الاخوة كلهم ان 22000 مش هتجيب تمبرا كويسة ابدا
عموما خليك حذر جدا و انت بتشتري و اكشف على العربية كويس عشان التمبرا لو حالتها مش كويسة هتتعبك جدا

**mikology** · 31-05-2011 02:04 AM

المشاركة الأصلية كتبت بواسطة amro0000

ياجماعة الكلام دة كان زمان 25 دلوقتي تتحط في تمبرا فبريكة بمعني الكلمة انزلو السوق وشوفو مش انا الي بقول ولو تزود الفين كمان تاخدها بور وسنتر وازاز كهربة ونضيفة جدا

بص انا هاعمل معاك صفقه
انت تجيبلى العربيه ام 25 الف دى و كمان هازود الفين و تجيبلى اللى فيها كل حاجة دى
بص من الاخر هاديك 30 الف و تجيبلى تمبرا حاجة نضيفه جدا جدا

ها ايه رأيك
وانا عندى المشترى

**madyyuri** · 31-05-2011 09:26 PM

المشاركة الأصلية كتبت بواسطة heshamzaky

أ عمرو شكلك مش راضى تقتنع مفيش تمبرا ب 22 الف جنية حا تبقى عربية سليمة حا تبقى عربية مخوخة من كل حتة و حا تتعبك جدا و حا تاخد منك مصاريف كتير جدا .
لك مطلق الحرية انك تقتنع او لا تقتنع بس اللهم بلغت اللهم ف أشهد .

المشاركة الأصلية كتبت بواسطة zago

يخرب عقلك يا خلوده
فطستني والله

مع الاعتذار لصاحب الموضوع
بص يا باشمهندس انا حفطمك الحوار ماشي ازاي
لا مؤاخذه كل برغوت على قد دمه
يعني لو عايز تمبرا نضيييييييفه فحضرتك بتتكلم في 30 لحاد 35 الف
لو عايز تمبرا سوبر كده دخلت في الاربعينات
لو عايز تمبرا عامله حادثه ودخل فيها قطر ودخلت حرب اكتوبر واتغلبت كمان يبقى مش حتلاقي لان اول اصدار للتمبرا كان سنه 89

بأختصار
فعلا ممكن تجيب تمبرا ب 22 الف بس مش حتكون فبريقه خصوصا دواخل
لكن لو لقيت حاجه نضيفه بالسعر ده توكل على الله

بس فعلا في عربية تمبرا خلصت ب 22 الف، ها افتكرتوها ولا افكركو عموما دي ارخص عربية تمبرا فيكي يا مصر

حتي اسالو الأسطي صابر الميكانيكي

**keko** · 02-06-2011 08:33 AM

طيب من غير شتيمة
128 ايطالى سبور واحد صاحبى باعها ب 3500 بالعفية وكمان كانت موتور وعفشة ممتازين وبطارية جديدة ورخصة 3 سنين بس كانت عايزة سمكرة ودوكو وسروجى و 4 فرد كاوتش
ريجاتا واحد صاحبى اشتراها باقل من 14000 علشان كانت عايزة سمكرة ودوكو عفشة
اتعرض عليا 131 مفيهاش غلطة كل حاجة زيرو ب 13500 وفيها كلام واتعرض عليا 131 عاملة حادثة وراشة دواخل ب 22 الف ههههههه
برضه 125 سليمة جدا لسة واحد صاحبى شاريها ب 6000 لمجرد ان سوقها ضعيف
لادا 1200 سليمة جدا واحد صاحبى اشتراها ب 8000 لمجرد انها ستيشن
بيجو 405 اتباعت ب 25 لمجرد ان الموتور خفيف
كفاية ولا عايزين تانى
مش هاقول بيعت عربيتى بكام علشان ميبقاش ضرب وشتيمة

السوق المصرى ليه مقياس عقيم لما اللادا السبعينات بتتباع اغلى من المرسيدس السبعينات يبقى مش سوق واى عربية سوقها ضعيف ومش منتشرة او فيها عيب بيع زى كونها ستيشن او شوية شغل ينزلوا سعرها جامد والتاجر عموما لو العربية ب 10 قروش عايز يشتريها ب 5 ويبيعها ب 20
التمبرا وان كانت برقبة الشاهين بس فى السوق الشاهين برقبتها فالسعر ده مع الصبر يجيب تمبرا