الموضوع: أريد رأى اهل اخبره فى مميزات وعيوب تيجو 2011

المشاركة الأصلية كتبت بواسطة dondark

اصحابى بياجروا كل اسبوع عربيتين تيجو فىا لاجازة ديما(معرض صاحبه صاحبنا ومتعودين ناجر منه التيجو ديما...)
فيها مشكلة فى الفرامل انك لما بتكبس عليها بتبرجل منك ولازم تكارك لها زى ما بيقولوا لحد ما تلقط معاك
اخرها 140ل 150 على اخر دواسة بالبنزين(دى العربيات الى بنجبها )معرفشى كله كدا ولا لا
الصاج والتقفيل زية زى اى جديد صاج خفيف وتقفيل مش حلو اوى..ماعدا اللوجان هى الى صاجها قوى بخلاف الباقى طبعا
عفشة الصينى ديما بتحتاج انك اول ما تجيبها تروح تغيير السوست ب طقم المانى وبعد كدا تنساها بقة(نصيحة من زميلة فى العمل عندها عربية m11من سنتين والحمد لله ماشاء الله ما شاء الله ماشية معاها تمام)
كمجمل الصينى زى البطيخة ممكن انت واخوك تشتروا عربيتين جنب بعض من نفس المعرض هو بتاعته تمام وانت لا...
وهى مش رخيصة بصراحة
انا معاك فى نفس الموضوع لانى بعيد عن السامعين لسة عامل حدثة بعربيتى وطريح الفراش وهجيب عربية تانية قسط..ف طبعا العربيات العالية عينى هتطلع عليهم بس الى بيحكمنى الكاشات

فى عربية صينى تانية اسمها جريت وول موديل كول بير..دى شبة الدايهاتسو جدا...بس معرفشى اسعار قطع غيارها....

ماتخليك فى المضمون محدش لاقى فلوسة فى الشارع او مش احنا بتوع نغامر بفلوسنا بصراحة الواحد بيطلع عينه لما يحضر مقدم عربية او تمنها مفهوش مجال للمخاطرة

سورى للاطالة بس انا عشان فى نفس موقفك بفكر معاك

معلومة(انا دماغى فى اللوجان بس هى لسة زايد سعرها من 70ل77 عشان فى اوبشنز زادت فى العربية) وياميسر الحال نقوم بس بالسلامة ونشوف القديمة هتتكهن ولا هنعمل فى امها اية

تقوم بالسلامه ولما توصل لاختيار كويس ميضيعش فلوسنا ابقى عرفنى انت اخترت ايه

كأن العربية مصنوعة في اسرائيل
مش معقول

يا اخوانا العربية ممتازة
و مش هاقول اكتر من ان اللي بينتقدها بالعنف ده مستحيل يكون ركبها
واللي بيريح دماغه ويصرف نظر عنها هو الخسران

المشاركة الأصلية كتبت بواسطة kareem1

كأن العربية مصنوعة في اسرائيل
مش معقول

يا اخوانا العربية ممتازة
و مش هاقول اكتر من ان اللي بينتقدها بالعنف ده مستحيل يكون ركبها
واللي بيريح دماغه ويصرف نظر عنها هو الخسران

ياريت يجماعه حد يكون معاه العربيه يكلمنا عنها

السبب اللي مش مشجعني ان العربية معايا من 3 شهور بس ومشيت 3500 كيلو
وطبعا احقاقا للحق اي شكر فيها يعتبر غير موضوعي قبل سنة او اتنين
بس علي الاقل ممكن ارد علي اي استفسار عن اداء وامكانيات العربية
انا معايا ال 1600 مو 2011 وتحت امركم

المشاركة الأصلية كتبت بواسطة kareem1

السبب اللي مش مشجعني ان العربية معايا من 3 شهور بس ومشيت 3500 كيلو
وطبعا احقاقا للحق اي شكر فيها يعتبر غير موضوعي قبل سنة او اتنين
بس علي الاقل ممكن ارد علي اي استفسار عن اداء وامكانيات العربية
انا معايا ال 1600 مو 2011 وتحت امركم

مبروك على العربيه وربنا يباركلك فيها انا بسراحه خايف اضيع تحويشت العمر على الفاضى وفى ناس كتير نصحتنى اصرف نظر عن التيجو واجيب الاوبتر وانا محتار جدا لانى بحب شكل التيجو

السلام عليكم ورحمة الله وبركاته :b4_611:
انا اشتركت في هذا المنتدي مخصوص عشان هذا الموضوع اللي شاغلني بقاله أكتر من 6 شهور وخلاص ناوي بجد على شهر 9 أشتري زيرو موديل 2012 سيارة تيجو.
يا جماعة السيارة تحفة بجد وعجباني موووووت , شكلها جامد جدا وكمالياتها حلوة قوي , بس والله اني خايف ليكون الصيني عموما في كل حاجة وحش يعني زي الموبايلات وغيره , بس اللي مطمني كذا حاجة ان كتير ناس راكبنها بس المشكلة انها عربية جديدة يعني لسة الناس ما لبستهاش أو ممكن تكوت فعلا حلوة , عموما أنا وقفت 4 ماشيين في الشارع بالتيجو كله قالي كويسة بس معظمهم تجربة بحد أقصى 9 شهور يعني لسى العربية محتاجة تتداس.
الحاجة التانية في مواقع تانية بتشكر فيها جدا وبتقول العيوب كلها عيوب بسيطو وبتتقفل على صيانة الالف كيلو.
يا جماعة والله أنا محتار جدا ونفسي أشتريها أنا متجوز وعندي طفل وحاسس انها لايقة عليا قوي خصوصا ان كمان مدير في شركة , يعني كمان بتدي بريستيج, المهم أنا محتاج جدا رأيكم ويكون حيادي وبصراحة لأني فعلا محتار فيها جدا جدا وعايز أشتريها الصبح من لهفتي عليها بس مش عايز ارميها زي موبايلي اللي في الدرج دلوقتي وبايظ.
أرجو الافادة الفنية والعملية عن السيارة.
1- السحب:
2- الموتور وعزمه:
3- قطع الغيار موجودة ولا لأ وأسعارها ايه:
4- العفشة.
5- البنزين:
6-أعطال ان وجدت:
وأسف جدا على الاطالة بس والله أنا جاد جدا واحنا شباب زي بعض وعايزين اللي بجد يفيدني لأني والله رأيكم هيأثر بشكل كبير على قراري في شراء السيارة تيجو 1600 سي سي.
ولكم جزيل الشكر,,,

ابعد عن الصينى و غنيله