الموضوع: احصائيات المنتدى وارقام قياسية جديدة للسنة الخامسة

المشاركة الأصلية كتبت بواسطة karim_monir

الميل بتاع الشكاوي بيتم النظر في التظلمات لو كانت واقعية لكن لو كل عقوبة طبقها مشرف هانحتاج نسمع تظلماتها
يعني عايزين فريق كامل يحقق في 3500 مشاركة كل يوم
واختفاء الموضوع ده مش اختفاء
ده قسم بمصادقة خاصة
يعني لازم تتم المصادقة اولا عشان يظهر
وطالما ماتش المصادقة يبقي لسه ماتخدش فيه اكشن
لكن سوء الظن دايما سابق

أنا سيئ الظن !!!
الله يسامح يا أستاذنا
بص يا استاذ كريم أنا مشرف عام فى احد المنتديات الكبرى
(ليس منتدى سيارت)
ولى صلاحيات المدير العام
وعارف كويس جدا ياعنى ايه قوانين منتدى وعارف كويس ياعنى ايه اشراف
المشرف عنده قوانين بيطبقها بس قبل تطبيقها على عضو لسه مسجل ومكتوب تحت اسمه
(عضو جديد) يجب أولا لفت نظره بطريقه مهذبه ومحترمة
خاصة وان لم تكن المخافلة أخلاقيه أو متنافيه مع قوانين جميع المنتديات بصفة عامة
انما قانون خاص بهذا المنتدى بالذات (الكتابة باللون الأحمر)
وإن اصر على تجاوز القوانين بيتم عقابه
شوف حضرتك موضوعى فى قسم الشكاوى وشوف اللى تم معى لم يتم مراعاة واحترام القوانين من السيد المشرف وتجاوز كل ده وطبق عقوبة مغلظة بالمزاج وبطريقة غريبه جدا وبدون مبرر أو داعى لكل هذا
علشان كلمة أو جملة مكتوبه باللون الأحمر
اتوقف أسبوع كامل !!!!!!
الموضوع بقاله حوالى شهر أو أقل أو أكثر مش فاكر بالظبط
ولم اتلق ردا حتى الآن
مع تحياتى واحترامى