هل مساعدين kyb احسن من المونرو لكن مش واخدة حظها فى مصر علشان الضمان و قل موزيعنها و هل حد كان ليه تجارب سيئة مع اى من النوعين
و هل فيه ماركات مساعدين غيرهم موجودة فى مصر و ذات اداء محترمة
# موضوع استطلاعى ليس الا للافادة #
هل مساعدين kyb احسن من المونرو لكن مش واخدة حظها فى مصر علشان الضمان و قل موزيعنها و هل حد كان ليه تجارب سيئة مع اى من النوعين
و هل فيه ماركات مساعدين غيرهم موجودة فى مصر و ذات اداء محترمة
# موضوع استطلاعى ليس الا للافادة #
أنا مركب 2 مساعدين أمامى منرو من حوالى 5 أو 4 شهور والحمد لله زى الفل
زوج المساعد بـ 430 جنيه
بس انا مجربتش غيرهم علشان احكم
هما زي الكوني كده ولا ايه نظامهم يعني هيا عافشة رياضية ولا ايه وضحلي علشان مش فاهم وهما صناعة ايه ؟؟
أنا خبرتى فى السيارات والعفشة والحاجات ديه محدوده
ومعظمها اتعملته من المنتدى
بص ياسيدى انا سمعت عن المساعدين دول من هنا فى المنتدى
والل مش عارف صناعتهم ايه
ايطالى ولا بولندى
مش فاكر
أعضاء كتير جدا كانوا بينصحوا بيه بيدى ثبات للسيارة فى السرعات العالية علشان متعومش
بس كانوا بيقولوا انهم مش مريحين زى النوع التانى المنافس مش فاكر اسمه
ياعنى معادلة الثبات مقابل الراحة
وسألت الراجل اللى بشترى منه قالى دول انظف وافضل مساعدين
والوحيدين اللى عليهم ضمان سنة
ضمان حقيقى
عن نفسى انا الحمد لله ثبات وراحة مش شايف منهم مشاكل
انا من النوع العاقل مبحبش التهور آخرى خالص على الطريق السريع لو الدنيا فاضيه 115 الى 120
في مايلي الماني و ليه توكيل بردو في مصر
بس مش منتشر زي مونرو
انا مركب عندي مايلي و زيت بس مش غاز علي زيت
انا برده سمعت ان المايلي ده كويس اوي وناس كتير بتشكر فيه بس هما بيقولو ان الميلي انعم بس المونرو اثبت ياريت لو حد عنده تجريه مع اي نوع يقولها
جربت المونورو قبل كده طقم كامل فى ابيزا كانو غاليين جدا وفاشلين جدا جدا المايلى احسن كتير
kyb مركبه وشغال تمام وناعم ...........
ال kyb هم الانسب لشوارع مصر
جربت kyp قبل كدة فى سوزوكى سويف على اساس انها الأصلى بتاعها, وسبق لى تجربة فى دايو لانوس تركيب الأصلى بتاعها, غير كدة ما جربتش اى حاجة تانية واللى فاهمه ان الأصلى افضل للعربية
انا جربت المونرو و ناشفين جدا جدا بغباء
ومتابع معاكو عشان انا ناوى اجيب قريب ان شاء الله
طيب حد يقولنا صناعتهم اية ومين توكيلهم.
بس ال kyp ناعم اوى
kyp انا مركبهم عندى من 3 سنين وشغالين تمام الله ينور
2 بــ 450 نسان صنى 83
انا فعلا عاوز اشترى 4 مساعدين ومحتار اجيب نوعهم ايه
دلونى عشان انا محتار
جربتهم في اللانوس , كانوا ناشفين جدا بس ثباتهم كان احسن من اللي كانوا اصلي في العربية بكتير
kyp انا مركبهم فى اللانوس من سنتين زى الفل ومعلى العربية كمان امامى وخلفى وارخص كتير من المونرو
يعنى كان الجوز الامامى بـ 170 جنية فى حين ان المونرو 450 جنية اما الخلفى فكانوا بـ 320 جية وطبعا مسالتش على المونرو
لكن هما ممتازين جدا بصراحة
هو ال kyp ليهم وكيل هنا ومكانة فين
والله الي اكتشفته ان الشركات اليابانيه المساعدين الاصلي بتاعتها كي واي بي ولكن بيبقى افضل من ال كي واي بي الي في السوق لانه بيبقى بمواصفات خاصه
الشركات الكوريه المساعدين الاصلي بتوعها اسمهم ماندو وموجود ماندو في السوق عادي بس الاصلي بيبقى افضل على سبيل المثال
كان عندي النترا 2005 الماندو الاصلي بتاعهم مختوم عليه هيونداي وماندو الماندو الي في السوق مكتوب عليه ماندو بس
عموما انا جربت ال كي واي بي في النترا 2005 جوز امامي ب 450 جنيه صناعه ياباني كانو وحشين بصراحه والاصلي كان افضل منهم ومعمر عنهم وكانوا ناشفين بس مكانوش حلوين مش عارف اوصلها ازاي بس كانوا ناشفين ولا طلنا ثبات قصاد النشوفيه دي ولا طولنا ركوبه حلوه
وممكن اكون ظالمهم الله اعلم
العفشة طبعا كل ما تكون انشف دة بيزيد الثبات مقابل الراحة و فيه حاجات تانية أعتقد بنفس كفاءة الكونى بس أرخص سنة بسيطة زىapex .
وفى نوعين للعفشة Bilstein للعربيات الالمانى ودة العنوان ورقمهم Gamil Philipos Ghaly
124 Gisr El Suez St.
Cairo
Egypt
Tel.: 0020 2 2577103
وفى افضل من مونرو المساعدين الكونى و دى ناشفة عن الطبيعى و عمرها أطول الأحسن من الأتنين ماركة ألمانى أسمها بلاشتين بس سعرها غالى ..
D2 Racing ممكن تسئل عليهم عند عادل وجدى في الحرفيين
أنا كنت مركب kyb من حوالى 3 سنين
أشتغلوا معايا زى الفل وغيرتهم من فتره بسيطه وركبت أمامى kyb زيت وخلفى توكيكو غاز وزيت
والحمد لله ممتاذين ما شاء الله
نا أخر مازهقت عشان مش لاقى مساعدين مناسبة لعربيتى اشتريت المساعدين الماندو الخلفى
بصراحة انا اول ماشوفتوا بصراحة مساعد تقريبا زبالة ومحفور عليهم علامة هيونداى وشوية كلام بالصينى ولا الكورى مش عارف وفى كرتونة هيونداى ومكتوب على الكرتونة مصنوعة فى كوريا لكن المساعد مش مكتوب علية الصناعة
المساعد بيطلع وينزل بكل سهولة يعنى تحس انهم خفاف جدا معرفش الاحساس دة عشان انا لسة مركب مونرو أمامى من شهر ومش لاقى الخلفى ولا هما فعلا مش حلوين
واللحام الموجود فية من تحت عند القاعدة بتاعتة يمكن الصينى انظف منة
وبصراحة مقتنعتش بية وتانى يوم رجعتة للمحل تانى وثمنة كان 720 جنية
تفتكرو لوحبيت اشتري المونرو الخلفى من على النت لان واضح انهم مانزلوش مصر لسة تقريبا وادفع بالفيزا ويوصلو بالبريد
تفتكرو دة هايبقى فية فرق سعر كبير وهل هياخدوا وقت لحد ما يوصلو ليا وهايبقو مضمونين
شكرا استاذ حمادة
اللى انا اشترتهم ورجعتهم كانو نفس السريال وكل حاجة وكان فية نوع 450 جنية ونوع 750 جنية اشتريت الغالى
وعلاج موضوع التنطيط دة عشان النيو اكسنت المساعدين الخلفى خفاف وعلاج دة ان يركبلها مساعدين انشف شوية ففكرت فى المونرو مش لاقية وال كى واى بى مش لاقية مش لاقى اى نوع بديل
ومش عارف اعمل اية
طيب وحضرتك جبت بتوع الالنترا منين وبكام
انا معايا صنى 2010 وراكب فيها kyp يابانى مجمع فى مصر زيت والعفشة متوسطة لا ناشفة ولا ناعمة بس اتصور ان المساعدين زيت على غاز هاتكون افضل للصنى عن الزيت بس
انا جربت المساعدين kyb وكانوا من اسواء المساعدين اللى جيبتهم فى حياتى وباظوا فى اقل من 5 شهور بالظبط
يعنى النيو اكسنت اجيبلها الكى واى بى و لا الماندو ايه الاحسن
بالنسبه لى فى المازدا
الصينى شغال قدام زى الفل
والتكويكو اليابانى ورا زى الفل
والمونرو فى ال 46 زى الفل
من الاخر كله عند العرب صابون وزى الفل
انا مركب ال kyp وزى الفل وبقالهم سنه ونص اخر تمام ماشاء الله وثبات كويس مع الجرى الحمد لله وتالت مره اركبهم وتقريبا كده هما افضل الانواع لان المضروب منتشر جدااااااااااااااااااااااا ااااااااااااا