الموضوع: مطلوب معلومات عن w123

السلام عليكم و رحمة الله و بركاته

العربية الw123 دى كتاب مفتوح, يعنى, مستحيل أن يكون فيها عيب و الصنايعية يحتاروا فيه و مايتعالجش على أحسن مايكون, العربيات دى مش كده, كل اللى أنت محتاجه, لأنك -بما أنك راكب مرسيدس- أنك تخليك مع صنايعية بتفهم و شاطرين عشان تستمتع بالعربية.

بالنسبة للموتور, لو كان خفيف و محتاج يتعمر, أنا شايف أنه من الأفضل أنك تجيبلها مكنة سودة بتاع الزلمكة بتكيفها بالفتيس و تكون طبعا 200 مش 230.

و الكراسى, لو كان فيهم مشكلة, هاتلها اتنين بحالة ممتازة أحسن من الى راكبين فيها من بورسعيد و لا حاجة.

هى العربية موديل كام ؟؟؟؟

المشاركة الأصلية كتبت بواسطة SYD

يا جماعة ان متشكر اوووووووووووووووي علي معلوماتكم الجامدة دي .........................

صاحبها فعلا باينو كان بيعاملها معاملة مرات الاب وهاينها اخر حاجة
عامل لون نور التابلوه ازرق !!!!!!!!!!!!
الستوب ورا بينور زي المولد لمبة اه والتانية لا ويبدلو شمال يمين شمال يمين وفي مزيكا في الستوب زي التاكسي...............

والله المستعان

السلام عليكم و رحمة الله و بركاته

لا, بالشكل ده و مزيكا مع الStop يبقى صاحب العربية ده عاوز يتربط فى شكمان العربية و تطلع مشوار لاسكندرية من عالصحراوى فى شهر أغسطس الساعة 2 الضهر.

قال مزيكا مع الStop قال !!!!!!!!!!!!

و مش عامل (احذر, السيارة ترجع الى الخلف) ؟؟؟؟؟!!!!

المشاركة الأصلية كتبت بواسطة syd

عامل لون نور التابلوه ازرق !!!!!!!!!!!!
الستوب ورا بينور زي المولد لمبة اه والتانية لا ويبدلو شمال يمين شمال يمين وفي مزيكا في الستوب زي التاكسي

هحاول اعمل قدر المستطاع

والله المستعان
،
،

لو العربية كان لها لسان كانت اشتكت من الناس العربية دي و اللي بيعملوه فيها