عندى سؤال و محتاج متخصص

**yasserhamed195** · 31-05-2011 02:28 AM

انا معايا 320 موديل 2007 لسة شاريها و غيرت تيل امامى و طنابير من شارع دمشق مش من التوكيل و بعد ما غيرت التيل بحس بهزة خفيفة فى الدريكسيون مع الفرامل فى واحد قالى ان التيل لسة مطبعش و واحد قالى انت عندك مشكلة فى المقصات و واحد تانى قالى دى مشكلة شداد الميزان و دي كانت اول مشكلة .... تانى مشكلة ان ال drive i قارئ الكليو متر المتبقى لتغيير التيل نفس الرقم القديم و الميكانيكى قال لى لما تمشى شوية هو هيعدل نفسه و لغاية دلوقتى الرقم الى باقى على التغيير بيقل مش بيزىد ارجو الافادة و شكرا

**pepsi007** · 31-05-2011 03:14 AM

لازم تتحط علي الجهاز علشان يعرف ان التيل اتغير

**farahat** · 31-05-2011 10:28 AM

الرعشة دي غالباً بتكون طنبير فيها رفة ، يا إما نوع الطنابير نفسها وحش يا إما مش راكبة عدل ، و يا ريت تعملها بسرعة لأن دة مع الوقت هيخليها تعمل عالي وواطي وتبوظ بسرعة.

بالنسبة للقراءة بتاعة الصيانة دي بتحتاج يتعملها reset على الجهاز ، ودي بسيطة ، لو الميكانيكي بتاع حضرتك ماعندوش جهاز ممكن حضرتك تقابلني في أي مكان وأعملهالك

**hanyhosney** · 31-05-2011 11:32 AM

انت بتقول مغير الطنابير
يبقي فيها ريجا يعني عالي وي واطي
نوعها رديء لكن فكره انها هتطبع دي مش عارف
الرعشه دي بتبقي علي سرعه كام ؟

**Batman372** · 31-05-2011 02:50 PM

المشاركة الأصلية كتبت بواسطة yasserhamed195

و بالنسبة للرعشة

- لو الرعشه على طول >>>> يبقى ممكن حاجات كتير : تظبيط زوايا او وجود شىء فى المقصات او الطنابير بها رفه او الجنط لو سليم يحتاج ترصيص .

- لو الرعشه فقط عند سرعه 80 / 90 كم و انت مريح رجلك على الفرامل >>>>> يبقى 100% جلب المقصات .

....* الافضل لك الذهاب فورا للتوكيل - حضرتك راكب عربيه محترمه و غاليه !!

**TheBuccaneer** · 31-05-2011 09:17 PM

المشاركة الأصلية كتبت بواسطة farahat

الرعشة دي غالباً بتكون طنبير فيها رفة ، يا إما نوع الطنابير نفسها وحش يا إما مش راكبة عدل ، و يا ريت تعملها بسرعة لأن دة مع الوقت هيخليها تعمل عالي وواطي وتبوظ بسرعة.

بالنسبة للقراءة بتاعة الصيانة دي بتحتاج يتعملها reset على الجهاز ، ودي بسيطة ، لو الميكانيكي بتاع حضرتك ماعندوش جهاز ممكن حضرتك تقابلني في أي مكان وأعملهالك

متفق معك تماما :)