ازالة او تعديل وضع الشماسة الستارة للبربيز الامامي

**windofchange** · 31-05-2011 03:27 AM

السلام عليكم احلي شباب النهارده ركبت شماسة اللي عاملة زي الستارة للبربيز الامامي في شارع دمشق صراحة كنت هركبها لوحدي بس خفت اغلط المهم الراجل ركبها بس مش تمام من الجنبين مفارقة المفروضة تبقي لازقة في القايمين اليمين والشمال هي مفرقة قول سم وده بيدخل خط اضاءة من الجنبين ,الستارة اليمين في الجنب اليمين نازلة زيادة عالتابلوه ولامساه وبتحك فيه ....... فالمهم هي القواعد بتاعتها وفكرتها كلها انها ملزوقة بحاجة زي الدوبل فيس رفيع وسكوتشاتها برضة ملزوقة بدوبل فيس رفيع في حل لازالتها او تعديل مكانها الصح وجزاكم الله خير...ايهاب

**misoalex** · 31-05-2011 05:31 AM

حط العربيه فى الشمس مباشره بتاع ساعتين بحيث يبقى الشمس ضاربه فى الدوبل فيس

بعد كده فكها بالراحه حتلاقيها بتطلع معاك وحتتلزق تانى بسهوله

ولو الدبل فيس باظ عادى بيتباع بالمتر عند اى بتاع اكسسوارات والبكره كلها اصلا ب 7 جنيه واقل

**windofchange** · 01-06-2011 09:21 AM

جزاك الله خير ياميزو باشا بس لما رحت عشان اشيل الشماسة واركبها عالوضعية الصح قاللي حرام تخسر الشماسة واللزق الاصلي اللي جاي معاها حتي لو جبت دوبل فيس 3m هيفك برضه لأن فيها حرفين L صاج وبلاستك فالسنتر فوق مراية الصالون لو فكيتهم عشان تحط دوبل فيس جديد احتمال كبير قوي يتكسروا....قلت امشيها كده وخلاص ولزقت من بره شريطين اسود يمين وشمال عالبربيز الامامي ب15 جنيه كتير ولا؟

**misoalex** · 01-06-2011 04:59 PM

تمام يا باشا الف مبروك

**نينو** · 02-06-2011 03:47 AM

الف مبروك ياباشا بس ممكن تصورها عشان انا مش عارف اية هي الستارة دي لاني فعلا محتاج حاجة للشمس لان العربية بتكون نار في الشمس وشكرا

**windofchange** · 02-06-2011 01:48 PM

المشاركة الأصلية كتبت بواسطة نينو

الف مبروك ياباشا بس ممكن تصورها عشان انا مش عارف اية هي الستارة دي لاني فعلا محتاج حاجة للشمس لان العربية بتكون نار في الشمس وشكرا

اتفضل يانينو باشا وهي فيها مقاسات وانا بشتري كان مقاسين خت الصغيرة لأن الكبيرة مكنش ينفع تركب كانت طويلة بس تقريبا ممكن تجاب وتتقص منها وتمنع الشمس عن البربيز كله يعني حتي لو بتاعتي دي اتركبت صح لكن من تحت مش مغطية اول التابلوه في جزء تماسه مع البربيز ومن فوق فارقة برده شويه(بس فوق مش فارقة مبيخشش شمس علي ماافتكر) وهي تعتبر راكبة كده في الوسط يعني فوق خط مش مغطياه وتحت عند التابلوه كذلك بص الصورة دي زي بتاعتي بالظبط وبلد الصنع تايوان وتقربيا كانت ب50 جنيه من 4 شهور كده من شارع دمشق وبتباع فالتوفيقية رمسيس برضه

**نينو** · 03-06-2011 04:30 AM

ربنا يخليك ياباشا و الف مبروك وشكرا لزوقك

**algentel2008** · 03-06-2011 08:30 AM

مبروك وحلوة المشراكات دي علشان نتفادى الاخطاء لو ركبناها شكرا لصاحب الموضوع

الموضوع: ازالة او تعديل وضع الشماسة الستارة للبربيز الامامي

LinkBack

أدوات الموضوع

عرض

ازالة او تعديل وضع الشماسة الستارة للبربيز الامامي - انشر الموضوع فى :

-

-

-

-

المواضيع المتشابهه

ريموت دي في دي الشماسة باظ!!!

اي ه رأيكوا في تعديل الشبكه الامامي ده؟؟

حادثة كسرت الفنوس الامامي والرفرف الامامي

الشماسة

dvd الشماسة

الكلمات الدلالية لهذا الموضوع

المفضلات

المفضلات

ضوابط المشاركة