مساعدة فى مراية البومة

**meko_s** · 31-05-2011 06:28 AM

عندى المراية الجانبية اليمين (كهربا) اتكسرت (العربية بومة 2005)
فكنت عايز اعرف اجيب مراية جديدة احسن و ارشها و يا ترى بتاع الدوكو هيجيب نفس درجة النبيتى بتاعها
و لا احاول ادور على واحدة استعمال الخارج تكون بنفس اللون و ساعتها ازاى اتاكد انها بحالة جيدة
و انا من اسكندرية فعايز افضل مكان اجيبها منه
و يا ريت لو حد عنده اسعار فى الحالتين
و شكرا

**أبو إياد** · 31-05-2011 09:57 AM

اسهل حل اشتريها جديده ب110ج وهاتترش بحوالى 10ج وخلاص بس طبعا مش اصليه بس مافيهاش اى مشاكل
لو استيراد اعمل حسابك فى 300ج ومش هاتبقى مظبوطه لو العربيه دريكسيون يمين لازم تكون بتاعت عربيه دريكسيون شمال

**أبو إياد** · 01-06-2011 08:47 AM

بتتصلح عند بتوع الفايبر

**meko_s** · 07-06-2011 07:38 PM

[QUOTE=ahmedsaiad;3873542230]بص ياباشااشترى مرايا تايوانى ب140جنيه وانقل البودى بتاع المرايا القديمه على القاعده بتاعت المرايا الجديده بس عاوزه واحد محترف ينقلها عشان ممكن تلاقى الخرام مختلفه شويه وكدا المشكله اتحلت[/QUO
متابع

**X_MM_X** · 12-06-2011 01:27 AM

المشاركة الأصلية كتبت بواسطة ahmedsaiad

بص ياباشااشترى مرايا تايوانى ب140جنيه وانقل البودى بتاع المرايا القديمه على القاعده بتاعت المرايا الجديده بس عاوزه واحد محترف ينقلها عشان ممكن تلاقى الخرام مختلفه شويه وكدا المشكله اتحلت

تقريبا ان الاخرام مش متطابقه دي شكل ودي شكل

وده اللي لقيته لما اشتريت التيواني ده

**meko_s** · 16-06-2011 12:20 PM

المشاركة الأصلية كتبت بواسطة أبو إياد

بتتصلح عند بتوع الفايبر

هى خامة القاعدة تعتبر فايبر و لا بلاستيك

**MoStAfA MaHmOuD** · 16-06-2011 02:58 PM

انا كانت عندى مكسورة من القاعدة ومكان المسامير مكسورة ولحمتها عند بتاع الفايبر ب20 جنيه وركبت تمام الحمد لله

**almoslem233** · 19-06-2011 02:56 AM

بص يا باشا لو لحمتها فايبر مش هتكون متينه ولا هترجع زى الاول بس لفتره مؤقته
ولو اشتريت واحده جديده هتركب وكل حاجه بس هتتهز منك ف السرعات وانت ماشى ومش هينفع تبدل بودى القديمه بالجديده لانى جربتها ومنفعتش خالص لان الاتنين داخليا غير بعض تماما
اسلم حل انك تجيب واحده استيراد الخارج ويفضل بلون العربيه ومتبينش اهتمامك اوى باللون امام التجار لانهم بيستغلو الزبون فى الحاجات دى وهى تقريبا من 300 الى 350
ولو مستعجل عليها انا عندى واحده يمين كهربا استيراد الخارج اصليه بس مش لون نبيتى لو تلزمك انا تحت امرك 0106510326 ومش هنختلف