اوعي تخلي اي حد يلعب ليك في الفتيس لان معظم الناس مش بتفهم فيه
زيت الفتيس مش بيتغير ........... زيت الفتيس بيتزود لما يحصل تسريب او رشح من فترة طويله
السؤال هل انت عندك تسريب او رشح ( التسريب يعني زيت بينزل اما الرشح يعني زيت مغطي الكارتيره والضفدعة بدون تسريب)
الترشيح ممكن تستحمله سنه كامله اما التسريب لازم تحل المشكلة فورا
تعرف ازاي ان في ترشيح او تسريب............. هتبص علي مكانين اثنين
اولا الضفدعة ودي بتبقي تحت البطارية............... ثانيا الكارتيره ودي متقدرش تشوفها غير لما ترفع العربية
ممكن تحط حاجه تحت العربية زي ورقة جورنال وتركن العربية يوم مثلا وتشوف هل فيه زيت وقع علي الورقة ولا لا
او ترفع العربية
ممكن تغسل الشاسيه من تحت قبل ما ترفع العربية بيوم علشان تبان
قصة النقلات اللي بتعض دي مش من العقربة ولا الكارتيرة ولا الزيت اصلا
دي من جزء اسمه العقربة موجود في صدر العربية هتلاقيه تحت فلتر البنزين ودا بيبقي في مسمار كدا بيتهوي او يتقرط عليه شويه يقوم يظبطلك النقلات
العربية زي ما الاخوة علي المنتدي بيقولوا بيتحط ليها 1.8 كيلو بس ( والمعلومة دي مهمه جدا علشان مش يضحك عليك لانه بيزود بمسدس لحد ما يفصل فلما ييجي يحاسبك علي ثمن الزيت بيحاسبك علي 2 كيلو ونص لان تقريبا العربيات السيدان الحديثة معظمها بتاخد كدا علي ما اعتقد
لاخر مرة بقولك شوف حد متخصص في الدايو ............... ولو عاوز نصيحة روح التوكيل ومتخافش لانهم المفروض مش هيغرولك حاجة دا مجرد شوية لعب في العقربة
طيب لو فيه تسريب بقي او ترشيح
لو من الضفدعة ...... ممكن يكون اولسه عصاية فتيس ب 3 جنيه تقريبا ......او جوان الضفدعة ....... او اتفكت واللي فكها مش قرط عليها كويس لان مكانها رخم والميكانيكي بيزهق
لو من الكارتيرة يبقي جوان ........ او احيانا اولسيهات الكبالن برده تكون السبب
المفضلات