مش قادر بقى- «سي إن إن»: مسؤول عسكري يقر بإجراء «فحص عذرية» لمتظاهرات من «التحرير»

اقتباس:

---

المشاركة الأصلية كتبت بواسطة تامر.محمد

انا بصراحة النقطة السياسية حاليا لا تعنيني في شيء , بصراحة موضوع زي ده ما يتسكتش عليه اصلا

---

العكس هو الصحيح .....معظم الاخبار الهدف الاساسي منها اسباب سياسيه للاسف
واذا عرف السبب بطل العجب............اولا محدش ذكر اسم المسئول الكبير ليه ....
توقيت اذاعه الخبر مع انه حصل واتذكر في الاخبار في شهر مارس ....واتقال ساعتها انه حيتفتح فيه تحقيق....لكن لا اعلم اذا كان انتهي الي ماذا او انتهي اصلا
وعلي فكره كان فيه عضو هنا في المنتدي اتكلم عليه وعمل موضوع اتحط فيه الفيديو ....وكان الفيديو والبنت اللي فيه كلامها فيه شكوك...وكثير من الاعضاء قالو ساعتها انه شكله موضوع متفبرك
...............................
يا استاذ تامر كل حاجه وكل خبر دلوقتي بقي اساسا الهدف منه سياسي توجيهي وليس الغرض منه اظهار الحقائق
ولتاني مره العيب مش علي الcnn...العيب علي اعلامنا الخايب اللي يجي في الهايفه ويتصدر بل في بعض الاحيان بقي هو اللي بيصنع الفتنه والمشكله
اما المواضيع المهمه اللي ممكن تفتح باب للشك والقلق مثل هذا الموضوع اللي من شهر مارس لا احد يبحث ورائها

بجد كان الله في عونا احنا ...الواحد قرب يوصل للحاله اللي كان عليها قبل25 يناير

اقتباس:

---

المشاركة الأصلية كتبت بواسطة تامر.محمد

نداء شخصي للاخوة اللي بيقولوا يستاهلوا و ازاي بنت عندها 20 سنة تبات في الشارع
و اعذروني على انفعالي

ايه يا اخواننا ؟؟؟
مالكم كيف تحكمون ؟؟؟؟؟؟؟؟

هو كلنا مسكنا في ازاي بنت عندها 20 سنة تبات في الشارع ؟؟؟؟؟
غلطانة و قليلة الأدب و بنت تيت ... حلو كده ؟
هل ده يخلي هتك عرضها جايز ؟؟؟؟؟؟؟؟؟؟؟؟؟
ده هتك عرض قسري و البنات دول اعتقلوا في ميدان عام مش في مكان مشبوه ..........
لو اضفت هتك العرض للاعتقال الغير شرعي يبقى الاعتقال ده اختطاف

يعني الواحد فيكم لو شاف واحدة لابسة عريان في الشارع هايستغفر ربنا ولا هايغتصبها بحكم ان اللي هي بتعمله غلط ؟؟؟؟؟؟

هو خلاص الباطل القوي بقى خير من الحق الضعيف ؟؟؟؟؟؟؟؟
خلاص ضميرنا مات ؟؟؟؟؟؟

---

100% انا مستغرب ودمى بيغلى من الناس اللى بتقول بنت وقاعدة فى الشارع خلاص بقى يبقى اغتصابها حلال ؟؟؟ كمان شوية لما تبقى الساعة 9 باليل مثلا وبنت ماشية فى الشارع يبقى خلاص اغتصابها حلال وهى اية اللى ممشيها الساعة 9 وبعد كدة يبقى طول اليوم !!!!

انا شايف اننا نعمل حظر تجول على الستات عشان الناس تستريح !

ولكنى بشكك فى الخبر ذات نفسة وبشكك فى مصداقية اللى بتحكى وبشكك اكتر فى توقيتة فى حد غير معلوم عايز كل يوم مظاهرات فى البلد ... لو الخبر صحيح اذاااااى اول مرة نسمع عنة ؟؟ مأحنا طول النهار والليل فى الشارع من 25 ؟!!!!!!!

دلوقتى بأمانة 4 من كل عشرة بيلعنوا فى الثورة والثوار واللى حصل كلة ...... والنسبة فى تزاااايد

اقتباس:

---

المشاركة الأصلية كتبت بواسطة ashouhdy

100% انا مستغرب ودمى بيغلى من الناس اللى بتقول بنت وقاعدة فى الشارع خلاص بقى يبقى اغتصابها حلال ؟؟؟ كمان شوية لما تبقى الساعة 9 باليل مثلا وبنت ماشية فى الشارع يبقى خلاص اغتصابها حلال وهى اية اللى ممشيها الساعة 9 وبعد كدة يبقى طول اليوم !!!!

انا شايف اننا نعمل حظر تجول على الستات عشان الناس تستريح !

---

فى ناس بتعتبر رأيها هوا الصح و عندها خلفيات و تنميط مسبق عن افعال معينه و مينفعش فى الحاله دى النقاش لان الرأى بيكون اول ريدى متاخد

كل واحد و تفكيره و رأيه

ويا اهلا بمرحله الظلام الفكرى وربنا يستر علينا

انا متشاااااااااااااااااااااا ااااااااااااااااااااااااا اااااااااااااااائم :untitled 1:

رابط المشاركة
http://www.nilemotors.net/Nile/Arabi...t-top-left.gif اقتباس http://www.nilemotors.net/Nile/Arabi...-top-right.gif
http://www.nilemotors.net/Nile/Arabi...ot-by-left.gif المشاركة الأصلية كتبت بواسطة تامر.محمد http://www.nilemotors.net/Nile/Arabi...t-by-right.gif
http://www.nilemotors.net/Nile/Arabi...p-right-10.gif



نداء شخصي للاخوة اللي بيقولوا يستاهلوا و ازاي بنت عندها 20 سنة تبات في الشارع
و اعذروني على انفعالي

ايه يا اخواننا ؟؟؟
مالكم كيف تحكمون ؟؟؟؟؟؟؟؟

هو كلنا مسكنا في ازاي بنت عندها 20 سنة تبات في الشارع ؟؟؟؟؟
غلطانة و قليلة الأدب و بنت تيت ... حلو كده ؟
هل ده يخلي هتك عرضها جايز ؟؟؟؟؟؟؟؟؟؟؟؟؟
ده هتك عرض قسري و البنات دول اعتقلوا في ميدان عام مش في مكان مشبوه ..........
لو اضفت هتك العرض للاعتقال الغير شرعي يبقى الاعتقال ده اختطاف

يعني الواحد فيكم لو شاف واحدة لابسة عريان في الشارع هايستغفر ربنا ولا هايغتصبها بحكم ان اللي هي بتعمله غلط ؟؟؟؟؟؟

هو خلاص الباطل القوي بقى خير من الحق الضعيف ؟؟؟؟؟؟؟؟
خلاص ضميرنا مات ؟؟؟؟؟؟

http://www.nilemotors.net/Nile/Arabi...t-bot-left.gif
http://www.nilemotors.net/Nile/Arabi...-bot-right.gif
100% انا مستغرب ودمى بيغلى من الناس اللى بتقول بنت وقاعدة فى الشارع خلاص بقى يبقى اغتصابها حلال ؟؟؟ كمان شوية لما تبقى الساعة 9 باليل مثلا وبنت ماشية فى الشارع يبقى خلاص اغتصابها حلال وهى اية اللى ممشيها الساعة 9 وبعد كدة يبقى طول اليوم !!!!

انا شايف اننا نعمل حظر تجول على الستات عشان الناس تستريح !
------------------
مش عارف أنتم جيبتم السيناريو والمغالطات والأتهامات المعلبة:grin54: دي منين؟؟؟؟؟؟؟؟
لولا أني عارف مشاركاتكم في مواضيع سابقة لأسأت الظن بكم فين المشاركات في الموضوع ألي قالت كلام بالمعنى ده لا حول ولا قوة ألا بالله عذركم الأعصاب المشدودة بسبب الكهربة ألي مسببها الألة الأعلامية كثر خيرهم مش مقصرين خالص كل ما الدنيا تهدأ يشعللوها تاني بخبر من هنا على فتنة طائفية من هنا على مهاجمة تيار أسلامي شوية سلفيين والدور على الأخوان أعلام يقرف الكلب الأعور:grin54:

حلوة الكلب الأعور دى ههههههههههههه

الفيديو دا غير اللى انتشر فى شهر مارس


[youtube]http://www.youtube.com/watch?v=G0qbVn33Jww[/youtube]

اقتباس:

---

المشاركة الأصلية كتبت بواسطة ashouhdy

حلوة الكلب الأعور دى ههههههههههههه

---

مرة من نفسي أعبر عن مدى قرفي من مستوى أعلامنا بكلمة سلسة شعبية كده تليق بمستواه هههههههه

جريئة جدا انها تطلع تقول الكلام دة ؟؟؟؟ ياترى الكلام دة حقيقة ولا مدفوعة ولا اية بالضبط ...وكان يوم اية قبل المخلوع ولا بعدية

هجسسسسسسسسسسسسس
مفيش واحده تفضحها نفسها على الهوا كده الا اذا كانت قابضه ومتعوده دايما

البينة على من ادعى
محاولة جديدة سافلة عشان تهيج الشعب على الجيشوالهدف اسقاط الدولة....

الصراحه انا مش هاقدر ارد اولا عشان كذا حاجة
البنات تبات في الشارع دا مش معناه انهم اعتصبوهم في الخيم او عملوا مع الشباب هناك حاجات وحشه مش لازم اكتبها
ثانيا
لو حتي فرضنا انها (تييييييييييييييييت) هل دا معناه انهم ياخدوها و يعملوا اللي عملوه
ثالثا
دا لو كانوا عملوا حاجة اصلا ما ممكن تكون اشاعات و كلام مالوش تلاتيم لازمة ...ما من مده طلعوا فيديوهات ان الجيش مساعد في موقعه الجمل عادي الاشاعات كتير
رابعا
دي اهم نقطه..... ليه في تقصير من الجيش
ليه مش بيطلع بيانات علي طول
ليه مش بيقول للحكومه تشتغل اسرع من كدا عشان تواكب الثورة
و ليه و ليه و ليه
اعتقد ان اللي هايقدر يرد علي الموضوع دا هوا الجيش بذات نفسو و البنات بذات نفسهم
الجيش يقول بيانوا و اللي عندو و اللي حصل و اللي غلط يتعاقب
و البنات ما افتكرش عندها مانع تكشف و تورينا التقارير و يا سلام لو ياخدوا حد ذو ثقه معاهم (عندهم اعلاميات كتير محترمين يشهدوا و لو علي رقبيهم)
انا مش بقول اني مش مصدق الموضوع ولا بقول اني مصدقوا
انا واقف ف مكاني بالنسيه للموضوع دا لغايه ما نسمع الاطراف كلها و في الاخر اصدق اللي معاه دليل لانو هايكون هوا الصح

اقتباس:

---

المشاركة الأصلية كتبت بواسطة moustafa_saad

هجسسسسسسسسسسسسس
مفيش واحده تفضحها نفسها على الهوا كده الا اذا كانت قابضه ومتعوده دايما

---

معقولة لسة في الناس بتفكر التفكير دا؟!!

اقتباس:

---

المشاركة الأصلية كتبت بواسطة everlasting

معقولة لسة في الناس بتفكر التفكير دا؟!!

---

الشعب المصري ده عجيب يا باشا

لسه قدمنا كتيرررررررر لسه كتير بيتكلموا زي ما يكون البنت عار او عيب انها تتكلم وتقول

لا اتبهدلي ولو اتكلمتي وصرختي واشتكيتي هتبقي قليلة الادب ومش متربيه ومتعودة دايما

فعلا الشعب يريد تحرير العقول :16:

اقتباس:

---

المشاركة الأصلية كتبت بواسطة moustafa_saad

هجسسسسسسسسسسسسس
مفيش واحده تفضحها نفسها على الهوا كده الا اذا كانت قابضه ومتعوده دايما

---

حضرتك كدا قذفت محصنات و دي من الكبائر و عقوبتها 80 جلدة

اقتباس:

---

المشاركة الأصلية كتبت بواسطة zkralla

البينة على من ادعى
محاولة جديدة سافلة عشان تهيج الشعب على الجيشوالهدف اسقاط الدولة....

---

فين رد الجيش ؟؟؟؟
هيعد يقولنا احنا ال حامينا الثورة و خلاص على كدا ؟؟

[quote=aly_hosny;3873540312]
ولا يهمك خالص
أعتبر الجيش ماحماش الثورة لا وكمان متواطيء
أتفضل قول أيه الحل من وجهة نظرك؟

[QUOTE=otefa;3873540333]

اقتباس:

---

المشاركة الأصلية كتبت بواسطة aly_hosny

ولا يهمك خالص
أعتبر الجيش ماحماش الثورة لا وكمان متواطيء
أتفضل قول أيه الحل من وجهة نظرك؟

---

تحقيق سريع واجابات

مش يعملو من بنها و يسبو الموضوع ينام

بالمره بقى حد يقوللى فين المعتقلين يوم 25 و 28 يناير اللى اهلهم لحد دلوقتى مش عارفين هما فين وعايشين ولا ميتين
واهلهم لما راحو للجيش قالهم دول مسؤاليه امن الدوله واحنا منعرفش هما ودوهم فين وامن الدوله اتحل خلاص

طبعلا لا تعليق واللى مش مصدق يجيب حلقه عمرو اديب امارح وهو يشوف

اقتباس:

---

المشاركة الأصلية كتبت بواسطة enas75

طبعا الموضوع في كل الاحوال نقطه سوداء يجب ان تحسم من قبل الجيش
اللي عامل الموضوع وبعته لcnn المراسله الصحفيه شهيره امين اللي كانت شغاله في النيل للاخبار واستقالت من التلفزيون بعد موقعه الجمل.....
القصد هل التقرير ده جديد وتصريحات المسئول دي جديده ولا ده كان تقرير اتعمل ساعه اللي حصل يوم 9 مارس ولكن اذيع دلوقتي من قبل الcnn
والهدف منه مجرد معرفه حقيقه الموضوع ام الغرض منه ايه؟
وليه التوقيت ده اللي مخلي كل الاعلاميين قالبين علي المجلس العسكري واصبح التعامل عنيف بين الطرفين
...................
من الاخر تقرير معمول لبيان الحقيقه ....ام معمول لزياده البنزين علي النار
اتمني ان اجد اعلامي محترم يحاول ان يصل الي حقيقه القصه والي ماذا انتهت تحقيقات الجيش فيها ونشاهد ماده اعلاميه محترمه
..............
بدل ماهما سايبين القضايا المهمه وماسكين فيرجاله الاخوان بيتجوزو من بره ولا لا.....وعمرو حمزاوي حيقلبها صياعه

---

اقتباس:

---

المشاركة الأصلية كتبت بواسطة hossam20102010

يا جماعة الصحف الامريكية بتطلع حاجات ... عشان البلد تولع

زى بالظبط الخبر بتاع ال70 مليار ......رغم ان الرقم غير منطقى......انما كل الخبر الغرب بيقوله بيبقى عايز من وراه ردة فعل معينة

يعنى ممكن بكرة .. نلاقى صحيفة امريكية بتدعى كذبا ان الجيش عمل وخلى ...عشان يشعللوها اكتر واكتر ويعملو فتنة بين الشعب والجيش

لان الغرب يريد (الفوضى الخلاقة فى مصر) على غرار ليبيا عشان ياخدو ذريعة للتدخل العسكرى

---

الموضوع ده كان نايم ومحدش بيجيب سيرته علشان كان فى موضوع أهم لحرق البلد وهو الفتنه الطائفيه

والأعلام فضل يسخن الدنيا ويقول سلفى أقام الحد وقطع ودن مسيحى وسلفيين يهاجموا كنيسه عين شمس وسلفيين يهددوا مدرب المحله ( مش فاكر أسمه ) وطلع كل ده محاوله لخراب البلد والناس فهمت الموضوع ده ونام على كده

طيب الجيش قال فيه مؤتمر لأئتلافات شباب الثوره بكره علشان يناقشهم ويشوف مطالبهم , ولو نجح المؤتمر ده شوفوا الوضع هيكون أحسن مليون مره أزاى

يقوم النهارده يطلع الموضوع بتاع كشف العذريه ويهيج الناس على الجيش

أكيد مش صدفه

ومش هستغرب لو الأئتلافات قالت مش هنروح الحوار

وأعتقد لو الحوار نجح لازم هيطلع موضوع تانى

نفسي الانتخابات تتم بسرعة و القانون يتم تفعيله
و الكل يمشي عليه
و الخارج عن القانون يتم اعتقاله بالقانون
و لما يعلن احد ابواق الاعلام ( ان مصدر كذا صرح يبقي لازم يكون فيه تسجيل للحوار )
نفسي بقي ننضف
الموضوع اصلا من الاساس موضوع فاشل
رأيي في البنت اللي بتبات في الشارع لوحدها مع شباب انها اثمة
و لكن ليس معني ذلك انها غير عفيفة
من يمتلك دليل انها غير عفيفة فاليأتي بالدليل انها غير عفيفة و اتوقع علشان كده تم خضوعهن للكشف اذا صح الخبر
ان الخوض في الاعراض شئ به جرم عظيم و له حدود و قرائن
المشكلة بقي ان البنات دول عرضو نفسهم لمشاكل كانت يمكن ان تنتج من الناس العادية اللي ساعات كانو بيهاجمو الميدان و المعتصمين و كلنا شاهدنا محاولة الاعتداء علي حملة السيدات اللي كانت متوجهه من شارع القصر العيني حتي الميدان و حاليا ما تعرضت له الممثله شريهان من تحرشات في الميدان
يبقي المشكلة بقي مش في مين اللي تعرض لهم الان المشكلة ان وجودهم في هذه الاماكن بيعرضهم و للاسف يمكن ان يعرض شرفهن للتعريض اذا تم مهاجمتهم لا قدر الله من اي حد
نيجي بقي لموضوع الجيش و اللي حصل لو كلام البنات دول صح
لما بيجي اوامر بفض اعتصامات نتيجة معلومات للجيش بكذا او بكذا الافراد و الضباط صغيري الرتب هما اللي بينفذو هذه التعليمات و كيف شاهدنا العساكر اللي في الفيديو سواء عساكر عاديين او شرطة عسكرية انهم افراد و فيه منهم العادة او اللي مؤهل متوسط او حتي مؤهل عالي و بينهم اختلاف في مستوي التربية و الثقافة و غيرها و طبعا لما بيجي اوامر بفض اعتصام لا يقولو لهم موتو المعتصمين و لا حتي هينو كرامتهم طبعا بيقولو لهم تواجدو في هذا المكان بقوة حتي يتحرك المعتصمين للخلف لفض الاعتصام
فلو هيه سلمية سلمية يبقي الطبيعي لما القيادة العسكرية اللي المفروض ضامنة للدولة و كانت ضامنة للثورة تقول تراجعو يا جماعة و مش لازم بقي تقعد تفسر لهم اصل احنا جت لنا معلومات كذا و كذا ( الكلام ده في الشارع يا جماعة و وسط تجمعات و هوجه ) و احنا شاهدنا في الفيديو الاول ان احد المدنيين لو طال و قدر و مسك العسكري هيأكله بسنانه يعني الولاد دول مخدوهومش ادوهم حصص ضرب في المعتصمين دي ناس كانت لا تعرف غير الدبابة بتمشي ازاي و يضرب نار ازاي و يحرك مدفع ازاي و غيرها من المهام العسكريةالتي لا علاقه ابدا بالتعامل مع المدنيين حتي ان من دخل الجيش بعرف انه يحظر علي فرد القوات المسلحة الخوض في الحديث حتي عن جيشه مع المدنيين ( الدردشة يعني ) فالكل جاسوس الي ان يثبت العكس حتي اخوانك و جيرانك و طبعا دي قوانين عسكرية تضمن الحماية لامن البلد
فجأة و بدون مقدمات حطوهم في وسط الشارع و سط المدنيين و البنات المقلوظين و قالو لهم اتعاملو مع الشباب دول اللي فيه منهم كثير لا يعرف الريحة اللي بعض الشباب بيحطها دي تركيب و لا في ازازة مقفولة من عند الصيدلية بتاعة الدكتور فكري اللي علي اول بلدهم في القرية فاهمين قصدي يا اخوانا و لا نقول كمان
الموضوع اكبر من حكاية مجلس عسكري و شباب يريد حرية في وطن لم يذق معني الحرية من زمان الموضوع محتاج هدوء علي هؤلاء الناس اللي لولا ما فعلوه مع الشعب من البداية كانت حمامات الدم زمانها ماليه الشوارع و بدل ما احنا بنتكلم الان علي بنات خدوهم كشفو عليهم لاسباب ترجع لهم اذا كان حدث من الاصل كان ممكن نسمع عن بنات تم اغتصابهم من عساكر زي ما بنسمع عن ليبيا و بدل ما بنسمع عن شباب تم احتجازهم من الجيش يا حرام لحد الصبح للتحقيق معهم بسبب اعتصامهم ادي شباب سوريا و اليمن بينضرب بالدبابات
ارجو ان نعقل و نركز مع الاعلام و محركه و ما يريده منا
و اخيرا لك الله يا مصر و حماك من اعدائك و اولهم المندفعين من ابنائك قبل اعدائك

م.حاتم السباعي

طيب بما ان الناس زعلانه ومدايقه قوى ان البعض بيقول ان البنات غلطانين انهم بيتو فى الشارع وهما اللى جابوه لنفسهم وعلى فكره انا مازلت مصر على الرأى دا
وطبعا بردو رافض اللى حصل من رجال الجيش دا لو دا حصل فعلا واللى كاتب الخبر دا زى بقية الأخبار اللى بتتكتب وتطلع متفبركه او محصلتش
بس هنا بقى ليا سؤال

ايه رأى حضراتكم بما انكم مصريين ورجاله أختك جاتلك قالتلك انا نازله اعتصم فى الميدان وهبيت فى خيمه حضرتك هتسمح بدا ولا هيبقى ايه موقفك وياريت الأجابه بكل صراحه ولو معندكش اخوات بنات يبقى معفى من الأجابه

وتوضيح اخير موقفى من الثوره وبما قامو بها انهم اعظم جيل اتى به الشعب المصرى لقيد الحياه لأنه جيل حر جيل وقف فى وش الظلم وقال لأ بس مش معنى كدا اننا نتخلى عن عادتنا وعرفنا كاجتمع شرقى واسلامى وايضا مسيحى يرفض التحرر فابقولها بأعلى صوت تانى ان بنت تبات فى الشارع فى خيمه يجلب كافة الشبهات والرسول عليه افضل الصلاه والسلام قال اتقو الشبهات ليها حق تعترض وتوصل صوتها فى حدود عادتنا وتقاليدنا كامجتمع شرقى اسلامى ومسيحى متحفظ وترجع لبيتها وتنزل تانى تانى يوم وهكذا لكن تنام فى الشارع مش صح ابدا واللى يوافق على كدا مايلومش الا نفسه على اى حاجه تحصله
واحترامى للجميع وتحياتى

اقتباس:

---

المشاركة الأصلية كتبت بواسطة aly_hosny

حضرتك كدا قذفت محصنات و دي من الكبائر و عقوبتها 80 جلدة

---

+1

اقتباس:

---

المشاركة الأصلية كتبت بواسطة enas75

يا استاذ تامر كل حاجه وكل خبر دلوقتي بقي اساسا الهدف منه سياسي توجيهي وليس الغرض منه اظهار الحقائق
ولتاني مره العيب مش علي الcnn...العيب علي اعلامنا الخايب اللي يجي في الهايفه ويتصدر بل في بعض الاحيان بقي هو اللي بيصنع الفتنه والمشكله
اما المواضيع المهمه اللي ممكن تفتح باب للشك والقلق مثل هذا الموضوع اللي من شهر مارس لا احد يبحث ورائها
بجد كان الله في عونا احنا ...الواحد قرب يوصل للحاله اللي كان عليها قبل25 يناير

---

يافندم انا باتكلم في ايه ؟
باتكلم في ان ده فعل على المستوى الانساني ما ينفعش الواحد يتجاوزه و خلاص , بمعنى اخر , ما ينفعش اعمل زي ما حزب الله و ايران عملوا في ثورة سوريا , بشار حليفهم فدعموه عشان يقتل شعبه لأنهم لو وقفوا ضده الموقف السياسي هايبقى وحش لمعسكر الممانعة بتاعهم كله . تمام ولا ايه ؟

اقتباس:

---

المشاركة الأصلية كتبت بواسطة ashouhdy

ولكنى بشكك فى الخبر ذات نفسة وبشكك فى مصداقية اللى بتحكى وبشكك اكتر فى توقيتة فى حد غير معلوم عايز كل يوم مظاهرات فى البلد ... لو الخبر صحيح اذاااااى اول مرة نسمع عنة ؟؟ مأحنا طول النهار والليل فى الشارع من 25 ؟!!!!!!!

---

لا سمعنا عنه يا شهدي من ساعتها, بس ما كانش بالسياح ده

اقتباس:

---

المشاركة الأصلية كتبت بواسطة otefa

رابط المشاركة
http://www.nilemotors.net/nile/arabi...t-top-left.gif اقتباس http://www.nilemotors.net/nile/arabi...-top-right.gif
http://www.nilemotors.net/nile/arabi...ot-by-left.gif المشاركة الأصلية كتبت بواسطة تامر.محمد http://www.nilemotors.net/nile/arabi...t-by-right.gif
http://www.nilemotors.net/nile/arabi...p-right-10.gif
نداء شخصي للاخوة اللي بيقولوا يستاهلوا و ازاي بنت عندها 20 سنة تبات في الشارع
و اعذروني على انفعالي

ايه يا اخواننا ؟؟؟
مالكم كيف تحكمون ؟؟؟؟؟؟؟؟

هو كلنا مسكنا في ازاي بنت عندها 20 سنة تبات في الشارع ؟؟؟؟؟
غلطانة و قليلة الأدب و بنت تيت ... حلو كده ؟
هل ده يخلي هتك عرضها جايز ؟؟؟؟؟؟؟؟؟؟؟؟؟
ده هتك عرض قسري و البنات دول اعتقلوا في ميدان عام مش في مكان مشبوه ..........
لو اضفت هتك العرض للاعتقال الغير شرعي يبقى الاعتقال ده اختطاف
يعني الواحد فيكم لو شاف واحدة لابسة عريان في الشارع هايستغفر ربنا ولا هايغتصبها بحكم ان اللي هي بتعمله غلط ؟؟؟؟؟؟
هو خلاص الباطل القوي بقى خير من الحق الضعيف ؟؟؟؟؟؟؟؟
خلاص ضميرنا مات ؟؟؟؟؟؟

http://www.nilemotors.net/nile/arabi...t-bot-left.gif
http://www.nilemotors.net/nile/arabi...-bot-right.gif
------------------
مش عارف أنتم جيبتم السيناريو والمغالطات والأتهامات المعلبة:grin54: دي منين؟؟؟؟؟؟؟؟
لولا أني عارف مشاركاتكم في مواضيع سابقة لأسأت الظن بكم فين المشاركات في الموضوع ألي قالت كلام بالمعنى ده لا حول ولا قوة ألا بالله عذركم الأعصاب المشدودة بسبب الكهربة ألي مسببها الألة الأعلامية كثر خيرهم مش مقصرين خالص كل ما الدنيا تهدأ يشعللوها تاني بخبر من هنا على فتنة طائفية من هنا على مهاجمة تيار أسلامي شوية سلفيين والدور على الأخوان أعلام يقرف الكلب الأعور:grin54:

---

لا يا باشمهندس محمد, اقوال كتيرة هنا قالت هما الغلطانين ايه يبيتهم في الميدان
علما بأن مفروض دي ما تبقاش نقطة في حساباتنا خالص لأن ربنا لما يحاسب مش هيقبل لما اللي عمل فيها كده ايا كان الدافع انه يقول له اصلها كانت بايتة مع الشباب في الميدان , و الا كان ربنا حلل لنا هتك عرض البواغي بقى
ثم يا باشمهندس محمد , فيه حاجة في الدنيا اسمها كشف عذرية قسرا بالعافية ؟ :(

عايز اقول لك مفاجأة يا باشمهندس افتكرتها
يوم 9 مارس الهجوم على الميدان كان ما بين العصر و المغرب , مش في نص الليل زي يوم 8 ابريل , يعني البنات دول ما مسكوهمش و هما بايتين ولا حاجة , و كل الكلام ده قذف من اللوا المذكور للبنات دول

اقتباس:

---

المشاركة الأصلية كتبت بواسطة sharafconsult

الموضوع ده كان نايم ومحدش بيجيب سيرته علشان كان فى موضوع أهم لحرق البلد وهو الفتنه الطائفيه

والأعلام فضل يسخن الدنيا ويقول سلفى أقام الحد وقطع ودن مسيحى وسلفيين يهاجموا كنيسه عين شمس وسلفيين يهددوا مدرب المحله ( مش فاكر أسمه ) وطلع كل ده محاوله لخراب البلد والناس فهمت الموضوع ده ونام على كده

طيب الجيش قال فيه مؤتمر لأئتلافات شباب الثوره بكره علشان يناقشهم ويشوف مطالبهم , ولو نجح المؤتمر ده شوفوا الوضع هيكون أحسن مليون مره أزاى

يقوم النهارده يطلع الموضوع بتاع كشف العذريه ويهيج الناس على الجيش

أكيد مش صدفه

ومش هستغرب لو الأئتلافات قالت مش هنروح الحوار

وأعتقد لو الحوار نجح لازم هيطلع موضوع تانى

---

"اختلاف شباب الثورة" رفضوا الذهاب فعلا

فعلا سؤال مهم: ايه اللي فتح السيرة ديه و دلوقتي؟؟

اقتباس:

---

المشاركة الأصلية كتبت بواسطة m.mostafa80

طيب بما ان الناس زعلانه ومدايقه قوى ان البعض بيقول ان البنات غلطانين انهم بيتو فى الشارع وهما اللى جابوه لنفسهم وعلى فكره انا مازلت مصر على الرأى دا
وطبعا بردو رافض اللى حصل من رجال الجيش دا لو دا حصل فعلا واللى كاتب الخبر دا زى بقية الأخبار اللى بتتكتب وتطلع متفبركه او محصلتش
بس هنا بقى ليا سؤال

ايه رأى حضراتكم بما انكم مصريين ورجاله أختك جاتلك قالتلك انا نازله اعتصم فى الميدان وهبيت فى خيمه حضرتك هتسمح بدا ولا هيبقى ايه موقفك وياريت الأجابه بكل صراحه
واحترامى للجميع وتحياتى

---

الرجالة إللى ليهم إخوات اعتصموا مبيتا فى التحرير مش مضطرين يجاوبوا على استفسارك على الإطلاق و لا يبرروا موقفهم لا لمعاليك و لا لأى مخلوق أساسا.....

و يا ريت كلنا نحاسب حبتين و احنا بنتكلم عن أمور تخص أعراض الناس..

حيث إن الشرع على حسب علمى لا يجيز مثل هذا النوع من الخوض....

فى جرينة زنا..يبقى تكون مؤيدة ب 4 شهود عدول.......و العقوبة معروفة...

غير كدة..يبقى اللوم على الألسنة إللى أكيد أكيد هتتحاسب على ما نطقت به فى حق الناس

خلاص ... من مفهوم الكلام ان اللى باتوا فى التحرير اعتصاما هم نساء و فتيات سىئ السمعة

اشكر كل من ساهم فى نشر هذا المفهوم تحت مسمى ميصحش وهما اللى جابوة لنفسهم لأنهم وضحولنا حقيقة كانت غايبة عنا.... ربنا موجود وكبيييير وهو اللى حيحاسب

مش عارف إيه إللى فكرنى بمرة كان حد بيتكلم عن فنان و لا لاعب كرة و بعدين جت سيرة إنه خاطب واحدة مشهورة برضه و أحد الأخوة وصفها بإنها " مزة"...
و فاكر كويس جدا كم اللوم و الانتقاد إللى اتوجه له علشان قال كده على واحدة ست و إزاى هيكون شعوره لو دى من أهل بيته

بالرغم من إننا بنتكلم عن واحدة بالفعل بتستغمل حسنها و ده من خلال الصور إللى شفتها على google images لإنى مش متابع أخبار الفنانين و المشاهير و كنت عايز أعرف إيه سر الافتتان و الحوار الدائر ده كله

ياللمفارقة و أنا أرى ألسنا تلوك و تبدى وجهات نظر و تتسائل و بما لا يرضى الله أبدا - و لن أقول أنها اتهمت أو لوحت من بعيد بالاتهام

ده على كلامكم بقى اللى قامو بالثوره ستات سيئه السمعه

اه يا بلد........

بس انا شايف ان اللى قالو كده منزلوش اصلا وكانو قاعدين يتفرجو على الحفله لايف

اقتباس:

---

المشاركة الأصلية كتبت بواسطة chato_eg

حيث إن الشرع على حسب علمى لا يجيز مثل هذا النوع من الخوض....

---

شرع مين يا باشا ... والغريب في الأمر ... أنهم عايزين يطبقوا الشريعة الإسلامية في مصر .. طب يا أخي طبقها انت على نفسك الأول ... تفتكر الخوض في أعراض الناس وقذف المحصنات لا يخالف الشريعة؟؟!!
الناس دي أخطر على الإسلام من (الملحدين والمشركين) وحتى تنظيم القاعدة .. لأنهم بيمارسوا إرهاب فكري اللى هو أخطر بكتير جدااااا من الإرهاب المسلح.
نفس كلام المدعو طلعت زكريا ... فرقتكم إيه عنه؟!! بصراحة بعد اللى قرأته هنا من ناس ((مفترض)) إنهم ((متعلمين)) .. لن ألوم السيد طلعت على ما قاله.
اتقوا الله يا من ترتدون عباءة الدين ولا تطبقونة.. وكفاكم تشويهاً لصورة الإسلام بتصرفاتكم وردود أفعالكم الغريبة.

أنا حاسة كدا والله أعلم إن السبب الرئيسى وراء ترويج هذه الأخبار

تخويف و ردع السيدات و البنات عن المشاركة فى أى تظاهرات مش بس اعتصامات ( اللى ممكن يكون عليها تحفظ فعلا :)

و لا مانع من أن تكون الوسيلة هى تلويث السمعة و الشرف

حتى لو أساءنا إلى ثورتنا و شرف بلدنا !!!!!!!!!

الخوض فى أعراض الناس و قذف المحصنات ...... بقى هو trend دلوقتى

من أيام بنت البرادعى

للأسف هانمسك في رأي كام عضو قالو أن ميصحش بنت تعتصم و و و و...وهنلزق الرأي بالعافية للتيارات الاسلامية
نفس أسلوب الاعلام الخاص

جميل اوي كدة تم تصنيف الشعب خلاص .

متظاهر او ثورجي = ملحد و علماني
مختلف في الراي = ليبرالي لا يعلم بشئون الدولة و الدين
متظاهرة او ثورجية = ................*
مربي ذقنه = ارهابي متطرف حيفجر نفسه
لابس صليب = نصراني متظرف حيخفط واحدة من ال ............ الثورجية
ظابط شرطة = ................*
ظابط جيش = اسياد البلد الجداد

شكرا للمعلومات و المعرفة.

اقتباس:

---

المشاركة الأصلية كتبت بواسطة CryptonX

لا تنسوا الجيش

___________خط احمر__________

ويارب الكلام يطلع اشاعة او خطأ, البلد مش ناقصة تفرقة و قرف

---

ليه خط احمر

ليه الجيش خط احمر المفروض اي مؤسسه في الدوله لو فيها اخطاء يتم انتقادها لاصلاح هذة الاخطاء بغض النظر عن موضوع البنات دي لكن انا بتكلم عموما

أسلوب التخويف و الترهيب و التوقيع و التفريق و الفتنة :)


اللهم أرحمنا يا رب و أحفظنا من شر فتنة المحيا و الممات

للاسف هوا دا اللي كانوا عايزينوا اللي نشروا الخبر (دون التطرق الي ما اذا كان صح او غلط)
شايفين بقينا عاملين ازاي بنتخانق مع بعض عشان اللي باتت و اللي ما باتتشي و اللي يقول اللي باتت دي بنت ..... و اللي مش بتبات دي بنت ناس وي وي وي
اظن الرساله وصلت و اصبح واضح جدا اننا عمرنا ما هانشغل مخنا (انا متاسف بس انا بعتبر نفسي اصغر واحد عندي 20 سنه و نزلت شاركت و معلمومه كمان امي و اخويا كانوا معايا و ما كناش بنبات غير يوم جمعه الغضب) ايه دا امي باتت بره دي تبقي و تبقي و تبقي و باتت ليه ماعندهاش جوز يلمها (دا الكلام اللي هاسمعوا )
اظن عيب اوي انتو فيكوا اللي نزل و فيكوا اللي ما نزلش و اللي نزل نزل من الاول و اتعجن و في اللي نزل ف الاخر
لما تعرفوا الظروف الاول ابقوا قولوا دا صح و دا غلط مش ناس قاعده ف بيتها و بتقول علي الناس اللي شرفت العالم كله بثورة هاتتكتب في كتب التاريخ ل100 سنه جايه
لو واحده باتت هناك و ماتت كانو قالوا عليها بطله
و لو باتت و ما ماتتش كانو قالو عليها زي ما بتقولوا
اخيرا حسبي الله و نعم الوكيل ف اللي بجيب ف سيره بنت عفيفه او مش عفيفه ف هوا مالوش حق يتكلم عليها كدا (افكركوا اربع شهود)
أيمن

لو انتم مش عاجبكم الجيش امال عازين مين نرجع امن الدوله تانى عاوزيم نبقى زى ليبيا و سوربا و اليمن مين يحمينا حتى لو فى اى قصور ده امر طبيعى لان الكمال لله ربنا يحمينا و يحمى مصر و يحمى جيشها

اقتباس:

---

المشاركة الأصلية كتبت بواسطة metoelessawy

لو انتم مش عاجبكم الجيش امال عازين مين نرجع امن الدوله تانى عاوزيم نبقى زى ليبيا و سوربا و اليمن مين يحمينا حتى لو فى اى قصور ده امر طبيعى لان الكمال لله ربنا يحمينا و يحمى مصر و يحمى جيشها

---

+++99999999999999
ثورة ثورة للأمام للأمام

المصري اليوم
مصدر عسكري ينفي تقرير سي ان ان بشأن الكشف على عذرية متظاهرات التحرير