11111111111111111111111111111111++++++++
عايزين البلد تولع بأي طريقة
زى ما حضرتك بتطالب فى معنى المشاركة بعدم تعميم آراء على التيارات الإسلامية
ضرورى برضه مايكونش فيه تعميم على " أسلوب " الإعلام الخاص
ثم إن التصدى لأى خوض فى أعراض الناس فى مكان عام زى المنتدى أولوية قصوى...أكيد فى مشاركات كتير مش على مزاجى من ناحية الرأى...لكن أفتكر أعراض الناس هى إللى خط أحمر و لا يجوز أبدا حتى مجرد التساؤل عن مستوى شرف الإناث اللواتى قضين الليالى معتصمات فى الميادين....
و لو عايزين نرجع لأصل الموضوع و هى الحادثة التى اتهم فيها الجيش بممارسات لا أخلاقية....
فبعد طول زمن الاتهامات...برضه الرد من مصدر مجهول " عسكرى "...و بعدين نقعد نقول يا ترى المصرى اليوم دول نواياهم إيه
طيب ما ببساطة إدارة الشئون المعنوية تقوم برد رسمى و يتفتح تحقيق..
و لو فعلا ال cnn كدابين..
يبقى حقى كمواطن مصرى اتهم جيش بلاده بتلك التهم الشنيعة إن يتم مقاضاة ال cnn و متأكد 1000 % إن الناس هتكون مدعمة لجيش بلادها طالما يوجد مكاشفة و مصارحة و ثقة متبادلة...
لكن السكوت من جانب القيادات العسكرية يعطى فرصة لاجتهادات و أقاويل فى الإعلام قد تصيب و قد تخطىء...
و فى النهاية كلنا شايفين حالة الانقسام..و إللى كلنا متضررين منها
أرجو أن نتحرى فى اختلافاتنا فى الرأى عدم الجنوح إلى ما يتجاوز حدود الخلاف النبيل
مستنى أعرف رأى الأعضاء أللى هاجموا الجيش وقالوا أنه أعترف بالواقعه .
بس اللى يقول أن الجيش كذاب يقولى ليه السى أن أن صادقه
بعيد عن التحيز أو الهجوم على الجيش عايز أسأل سؤال
الواقعه دى الجيش قال محصلتش , أيه أثبات أنها حصلت
أكيد الأثبات مش بنت طلعت في فيديو وقالت أنه حصل , أحنا أتعلمنا الدرس ده بعد الهوجه اللى حصلت بعد الثوره
طب فين باقى البنات اللى كانوا معاها وأزاى مفيش أى واحده منهم قدمت بلاغ للنائب العام
أنا ممكن أحمل فيديو دلوقت لبنت بتقول فيه أنها كانت ماشيه فى الشارع وطلع عليها سلفيين وسرقوا الدهب بتاعها وأغتصبوها وراحوا على بنت تانيه قطعوا أيديها
ده مش مثال بقوله , الفيديو ده عندى فعلا
وليه كلنا مصدقناش الفيديو بتاع تامر انجليش لانجويش
فيه كام خبر صحفى وكام فيديو طلع والدنيا هاجت وبعد كده عرفنا أنها أشاعه
أحنا كبار وعارفين أن فيه ناس ودول كتير مش عايزينا نهدى ونبنى البلد , ليه نديهم الفرصه
معلش أستحملونى فى سؤال كمان
لو مطلب المجلس الرئاسى المدنى وعمل الدستور قبل الانتخابات أتركن على جنب , كان هيبقى الوضع أيه .
من قبل الثورة و بعدها و أنا على قناعة أن الاعلام المصري الخاص ذو أغراض و بأن الصالح العام اخر أولوياته
قناعة لا يمكن زعزعتها بأي شكل
وإن كان حريصا فعلا على الوطن فلا يستغل مثل هذه الأحداث و يدعها فرصة لاجتهادات و أقاويل كما قلت!!
و بعدين مش الجيش نفى..ايه المطلوب تاني؟؟
وتقولك عساكر واقفين ورا علشان يبقو شهود .... حسبي الله ونعم الوكيل
فعلا بنات عاوزه الحرق والله العظيم البلد ديه ربنا اللي حافظهه إتسرقت واتنهبت ولسه بيتأمر عليهه والحمد لله لسه الأمل موجود وبرضه لازم نناشد الجيش انه يلمهه شويه ويبطل شغل سلاحف النينجا ويخلي تصريحاته سريعه أبوس رجليكو مش ناقصه شلل يعني متعلمتوش حاجه من المنيل اللي راح في داهيه من بطء رد فعله
تثق في منظمة العفو و لا تثق في الجيش!!!!
رائع
ازاي الناس بس بتقول ان مفييش حزب جديد مهيمن او مسيطر او عنده فكر !
انا شايف حزب الكنبة ماشاء الله القيادات بتاعته شغاله 100% ... بس ياترى هل لهم مرشح ؟ ولا حيعدوا برده على "الكنبة" وقت الانتخابات الرئيسية ؟
ازاي يعني يبقى الرد على الكلام دا بمصدر مسؤول
الكلام دا مش كلام سهل و عايزين يردو يطلعو بيان او حد منهم يطلع يقولنا الكلام دا محصلش و الكلام دا جه منين
مش حققه مع بثينة كامل و ريم ماجد عشان قالو كلمتين
محققوش مع الاخت دي ليه
المجلس العسكري ليس فوق النقد .. المجلس العسكري بيلعب دور رئيس الجمهورية ومجلس الشعب والشورى .. يعني دوره سياسي.. فمن حق أي حد ينتقده خصوصاً لو نقد موضوعي. وإبداء أي ملاحظات سلبيه على أداءه.
عايزين شفافية ومصداقيه عايزين تحقيق مع مرتكبي الواقعة من الشرطة العسكرية.
كفاكم تأليه للحكام .. مش معقولة مخلص من تأليه مبارك .. ندخل في تأليه المجلس العسكري.
معلش اعذروني بس واحد اننا ناس فاضيه
ما خلاص الي حصل حصل و سواء اللي حصل دا كان حصل ولا ما حصلشي او اللي حصل دا كان صح ولا غلط او حصل و طحينه حتي ... نمسك في بعض ليه و انتا بتقول ايـــــــــــــه والكلام دا
ما خلاص و انا من رايي اللي عندو حل للمشكله يحطها ... ال عندو دليل يحطوا و خلاص تبقي خلصت الحكايه لاننا هانمسك ف بعض و دا اللي هما عايزينوا (هما دي عايده علي المدبرين للافعال التي ستوقع بين الجيش و الشعب و بين الشعب و الشعب)
بس كدا
أيمن
مش عارف ليه انتوا محسسني انكم عمركم ما دخلتم الجيش او مشفتوش الي بيحصل فيه, علي العموم الاعلي لم ينفي التهامات و هي كثيره لقضايا تعذيب مختلفه. لكن هذا ليس معناه ان الاعلي مفروض يمشي او نهاجمه بشكل مطلق, هو كأي مؤسسه له ما له و عليه ما عليه
ننبه أننا سنتطر لغلق الموضوع مرة أخرى في حالة كثرة المخالفات أو تجاوز أدب الحوار والموضوعية وتحول الموضوع إلي إتهامات للأطراف المختلفة.